កីឡាអន្តរជាតិ
អន្តរជាតិ
Ronaldo៖ « Messi ធ្វើឲ្យខ្ញុំក្លាយជាកីឡាករដ៏អស្ចារ្យ និងជោគជ័យដល់សព្វថ្ងៃ»
× Cristiano Ronaldo តារាឆ្នើមក្រុម Juventus សារភាពថារូបគេមិនដែលបានទទួលទានអាហារជាមួយ Lionel Messi ខ្សែប្រយុទ្ធ Barcelona ឡើយ។ យ៉ាងណា Ronaldo ថាមិនមានបញ្ហាអ្វីកើតឡើងជាមួយគូប្រជែងរបស់ខ្លួននេះដែរ ផ្ទុយទៅវិញ វត្តមាន Messi បានជំរុញទឹកចិត្តខ្លួនឲ្យជោគជ័យដល់សព្វថ្ងៃ។
ខ្សែប្រយុទ្ធសញ្ជាតិព័រទុយហ្គាល់ អះអាងថាទាំងរូបគេនិង Messi ពិតជាទទួលបានផលប្រយោជន៍រៀងៗខ្លួនជាច្រើនក្នុងរយៈពេលមួយទសវត្សរ៍មកនេះ។ សូម្បីតែពាន Ballons d'Or ក៏អ្នកទាំងពីរឈ្នះ៥ដងដូចគ្នាផងដែរ មុនបញ្ចាប់ដោយខ្សែបម្រើសញ្ជាតិក្រូអាស៊ី Luka Modric ដែលទទួលបាននៅឆ្នាំ២០១៨។
Ronaldo និង Messi ជាខ្សែប្រយុទ្ធជួរមុខក្នុងលីគកំពូល La Liga ក្នុងរយៈពេលជិត១០ឆ្នាំដោយ Ronaldo ជាសមាជិកក្រុម Real Madrid នៅចន្លោះឆ្នាំ ២០០៩ ដល់ ២០១៨ មុនពេលគផ្លាស់ទៅលេងនៅ Juventus រដូវកាលមុន។ សម្រាប់តារាឆ្នើមសញ្ជាតិអាហ្សង់ទីនរហូតពេលនេះរូបគេនៅរួមរស់ជាមួយ Barca នៅឡើយ។
ចន្លោះពេលនោះ យើងបានដឹងថាក្រុមរហស្សនាមអ្នកមានបុណ្យឈ្នះពានលីគកំពូលអេស្ប៉ាញ ៦លើក ខណៈក្រុមស្តេចសឈ្នះ២លើកប៉ុណ្ណោះ។ ប៉ុន្តែក្នុងក្របខណ្ឌអឺរ៉ុប Champions League វិញ Ronaldo បានជួយ Real ឈ្នះរហូត៤លើក ហើយ Messi ជួយ Barca ឈ្នះ២លើក។
នេះមិនត្រឹមជាការប្រជែងគ្នារវាងក្រុមនោះតែ តែជាការប្រឈមមុនដ៏ក្តៅគគុករវាងកីឡាករទាំងពីរ។ ប៉ុន្តែយ៉ាងណាក៏ដោយ Ronaldo បែជាគិតថា រូបគេទាំងពីរបានជួយគ្នាទៅវិញទៅមកទៅវិញទេ។
«ខ្ញុំពិតជាកោតសរសើរចំពោះ Messi នូវអ្វីដែលគាត់មានរហូតមកដល់ពេលនេះ។ Messi ក៏ធ្លាប់និយាយដែលថា គាត់មានបញ្ហានៅពេលដែលខ្ញុំចាកចេញពី La Liga ព្រោះគាត់បានបាត់គូប្រជែងដែលគាត់ពេញចិត្តបំផុត»។ អតីតសមាជិក Man Utd វ័យ៣៤ឆ្នាំ បានប្រាប់ប៉ុស្តិ៍ទូរទស្សន៍ព័រទុយហ្កាល់ដូច្នេះ។
ការប្រៀបធៀបពីសំណាក់អ្នកគាំទ្រកីឡាបាល់ទាត់នៅជុំវិញពិភពលោកមកលើរូបគេទាំងពីរ ពិតជាបានធ្វើឲ្យ Ronaldo ជោគជ័យរហូតសព្វថ្ងៃនេះ។ «Messi ធ្វើឲ្យខ្ញុំក្លាយជាកីឡាករល្អជាងគេម្នាក់។ ខ្ញុំមិនធ្លាប់បរិភោគអាហារពេលល្ងាចជាមួយគាត់ទេ ប៉ុន្តែនាពេលខាងមុខរឿងអ្វីមិនអាចនោះ សម្រាប់ខ្ញុំគ្នាបញ្ហាទេ»៕
Tag:
Cristiano Ronaldo
Lionel Messi
© រក្សាសិទ្ធិដោយ thmeythmey.com