ជាតិ
សង្គមជាតិ
ការដឹកសំណល់ប្លាស្ទិកចេញពីកម្ពុជាត្រូវបានពន្យាពេល កុងតឺន័រ៨៣ទូ នៅផែព្រះសីហនុ ដែលសមត្ថកិច្ចរកឃើញផ្ទុកសំណល់ប្លាស្ទិក
× ភ្នំពេញ៖ ក្រុមហ៊ុន CHUNGYUEN PLASTIC MANUFATURE CO., LTD បានស្នើសុំពន្យារពេលដឹកជញ្ជូនកាកសំណល់ប្លាស្ទិកដែលនៅសល់ចំនួន ៦៩ កុងតីន័រចេញពីកម្ពុជា រហូតដល់ថ្ងៃទី ២៥ ខែតុលា ឆ្នាំ២០១៩។ នេះបើតាមសេចក្តីប្រកាសព័ត៌មានរបស់អគ្គនាយកដ្ឋានគយ និងរដ្ឋករកម្ពុជា។
អគ្គនាយកដ្ឋានគយនិងរដ្ឋករកម្ពុជា បានបញ្ជាក់ថា មូលហេតុដែលក្រុមហ៊ុននាំចូលសំរាមខាងលើបានស្នើសុំពន្យាពេលដឹកសំរាមចេញនេះ ដោយសារក្រុមហ៊ុនកប៉ាល់ដឹកជញ្ជូនបានជួបបញ្ហាមួយចំនួន ដូចជាអាកាសធាតុ និងទំនិញកកស្ទះច្រើន។
បើតាមអគ្គនាយកដ្ឋានគយនិងរដ្ឋករកម្ពុជា ក្រុមហ៊ុនខាងលើ បានបង់ប្រាក់ពិន័យរួចរាល់ហើយ និងបានដឹកសំរាមចេញពីកម្ពុជាបានចំនួន ១៤ កុងតឺន័រផងដែរ កាលពីថ្ងៃទី ២០ ខែសីហា ឆ្នាំ២០១៩។
គួរបញ្ជាក់ថា រដ្ឋាភិបាលកម្ពុជា បានពិន័យក្រុម CHUNGYUEN PLASTIC MANUFATURE CO., LTD ថវិការចំនួន១០៣៧.៥លានរៀល ចូលជាថវិកាជាតិ និងត្រូវដឹកចេញពីកម្ពុជាក្នុងថ្ងៃទី ២៤ ខែសីហា ជាកំហិត ក្រោយបានរកឃើញថា ក្រុមហ៊ុនខាងលើបាននាំចូលសំរាមពីកាណាដា និងអាមេរិក ចំនួន ៨៣ កុងតឺន័រ កាលពីខែកក្កដា ឆ្នាំ២០១៩៕
Tag:
សំរាម
ប្លាស្ទិក
គយ
© រក្សាសិទ្ធិដោយ thmeythmey.com