អត្ថបទពាណិជ្ជកម្ម
សាលា អេស៊ីអ៊ី នឹងរៀបចំកម្មវិធី ACE Open Day រយៈពេល២ថ្ងៃ ដើម្បីស្វាគមន៍សិស្ស និងអាណាព្យាបាល ស្វែងយល់ពីការសិក្សាភាសាអង់គ្លេស
× ភ្នំពេញ៖ ដើម្បីឲ្យសិស្សនិស្សិត និងអាណាព្យាបាលទាំងអស់ មានឱកាសបន្ថែមក្នុងការស្វែងយល់ឲ្យកាន់តែច្បាស់ ពីកម្មវិធីសិក្សាភាសាអង់គ្លេស និងអត្ថប្រយោជន៏ផ្សេងៗ មុនសម្រេចចិត្តចុះឈ្មោះចូលសិក្សា មជ្ឈមណ្ឌលអូស្ត្រាលីសម្រាប់ការបណ្ដុះបណ្ដាល (សាលា អេស៊ីអ៊ី) តែងតែរៀបចំកម្មវិធី ACE Open Day ទ្បើងជាបន្តបន្ទាប់នៅរៀងរាល់វគ្គសិក្សានីមួយៗ។ ដោយទ្បែក កម្មវិធី ACE Open Day សម្រាប់វគ្គសិក្សាថ្មីនេះ នឹងប្រព្រឹត្តិទៅរយៈពេលពីរថ្ងៃពេញ ចាប់ពីថ្ងៃសៅរ៍ ទី៣១ ខែសីហា ដល់ថ្ងៃអាទិត្យ ទី១ ខែកញ្ញា ឆ្នាំ ២០១៩ ចាប់ពីម៉ោង ៩ ព្រឹក រហូតដល់ម៉ោង ៥ រសៀល នៅគ្រប់ទីតាំងទាំង៥ របស់សាលាអេស៊ីអ៊ី នៅរាជធានីភ្នំពេញ និងខេត្តសៀមរាប (ទីតាំងសម្ដេចប៉ាន ទីតាំងសន្ធរម៉ុក ទីតាំងទួលទំពូង ទីតាំងទួលគោក និងទីតាំងសៀមរាប)។
ការទស្សនា និងស្វែងយល់ពីមជ្ឍមណ្ឌលស្វ័យសិក្សា (GIL Centre) ដែលបំពាក់ដោយសម្ភារបរិក្ខារដ៏ទំនើប
សិស្សនិស្សិត និងអាណាព្យាបាល ដែលចូលរួមនឹងមានឱកាសស្វែងយល់ពីសាលា អេស៊ីអ៊ី កាន់តែច្បាស់ ដោយចូលរួមសកម្មភាពផ្សេងៗដូចជា៖ ទស្សនាបន្ទប់រៀន និងសម្ភារសិក្សានានា ធ្វើតេស្តវាស់កម្រិតភាសាអង់គ្លេសដោយឥតគិតថ្លៃ ចូលរៀនសាកល្បង ឬប្រឹក្សាយោបល់ជាមួយគ្រូជំនាញ ពីរបៀបសិក្សាភាសាអង់គ្លេសឲ្យឆាប់ចេះ។ បន្ថែមពីនេះទៀត សិស្សានុសិស្ស ក៏មានឱកាសទទួលបានព័ត៌មានអំពីអាហារូបករណ៍ និងការសិក្សានៅបរទេស ព្រមទាំងចូលរួមកម្មវិធីសប្បាយៗ ដើម្បីបង្កើនចំណេះ និងអាចឈ្នះរង្វាន់អនុស្សាវរីយ៍ផ្សេងៗទៀតផង។
ការប្រឹក្សាយោបល់ជាមួយគ្រូជំនាញពី របៀបសិក្សាភាសាអង់គ្លេសឲ្យឆាប់ចេះ
ការធ្វើតេស្តវាស់កម្រិតភាសាអង់គ្លេសដោយឥតគិតថ្លៃ តាមប្រព័ន្ធកំព្យូទ័រ
គួរបញ្ជាក់ផងដែរថា មជ្ឈមណ្ឌលអូស្ត្រាលីសម្រាប់ការបណ្ដុះបណ្ដាល ជាសាលាឈានមុខគេក្នុងការបណ្ដុះបណ្ដាលភាសាអង់គ្លេស ក្នុងតំបន់អាស៊ីអាគ្នេយ៏ ដែលបំពាក់ដោយសម្ភារសិក្សា និងកម្មវិធីសិក្សាទំនើបៗ។ សាលាអេស៊ីអ៊ី ផ្ដល់ជូនការបណ្ដុះបណ្ដាលភាសាអង់គ្លេសគ្រប់កម្រិត រួមមានភាសាអង់គ្លេសសម្រាប់កុមារ ចាប់ពីអាយុ ៨ឆ្នាំ ដល់១៥ឆ្នាំ(Children’s Program & Young Learners’ Program) ភាសាអង់គ្លេសទូទៅ (General English Program) ភាសាអង់គ្លេសសម្រាប់ការសិក្សានៅបរទេស សម្រាប់និស្សិតមហាវិទ្យាល័យ និងអ្នកជំនួញ និងវគ្គត្រៀមប្រលងតេស្តអន្ដរជាតិ IELTS សម្រាប់ទៅសិក្សានៅបរទេស។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com