ពីនេះ ពីនោះ
ព័ត៍មានសុខភាព
បើសិនជាបាយសយើងមិនអាចញ៉ាំបាន តើមានអ្វីអាចជំនួសបានទៅ?
× បាយសធម្មតាគឺជាអាហារប្រចាំថ្ងៃដែលប្រជាជនខ្មែរយើងខ្វះមិនបាន។ ប៉ុន្តែសម្រាប់អ្នកដែលមានជំងឺដែលត្រូវតមបាយបែបនេះ អាចនឹងពិបាកក្នុងការរកអ្វីជំនួសណាស់។ រឿងនេះកើតឡើងជាពិសេសសម្រាប់អ្នកដែលកំពុងតែព្យាយាមសម្រកទម្ងន់ ឬគ្រប់គ្រងជាតិស្ករក្នុងឈាមលើអ្នកជំងឺទឹកនោមផ្អែមប្រភេទទី២។
ហេតុដូច្នេះហើយ ខាងក្រោមនេះខ្ញុំសូមណែនាំអាហារមួយចំនួនដែលត្រូវបានគេរកឃើញថា អាចជំនួសការញ៉ាំបាយសធម្មតាបាន៖
ផ្កាខាត់ណា
តើអ្នកមានដឹងទេថា អ្នកហាត់កីឡាយករាងសមសួនភាគច្រើន និងអ្នកជំងឺទឹកនោមផ្អែមប្រភេទទី២ អាចទទួលបានប្រយោជន៍យ៉ាងច្រើនពីការញ៉ាំផ្កាខាត់ណាពណ៌សជាបាយដែរទេ? អ្វីដែលល្អចំពោះផ្កាខាត់ណានោះគឺថា វាមានលក្ខណៈដូចគ្នានឹងរឿងពិតមួយដែលអាចប្រើដូចជាបាយដើម្បីទទួលទានបាន ហើយអាចញ៉ាំជាមួយប្រេងផ្តល់សុខភាពថែមទៀត។
ប្រូខូលី
ក្រៅពីផ្កាខាត់ណាពណ៌ អ្នកក៏អាចប្រើប្រាស់ប្រូខូលីដើម្បីជំនួសការញ៉ាំបាយសបានដែរ។ ដំណើរការណ៍នៃការប្តូរប្រូខូលីមកជាបាយញ៉ាំវិញនោះគឺមិនខុសគ្នានឹងការញ៉ាំផ្កាខាត់ណាទេ។ ប៉ុន្តែអ្វីដែលខុសគ្នានោះ រូបរាងរបស់ប្រូខូលីគឺអត់សដូចផ្កាខាត់ណាឡើយ។
ដំឡូងជ្វា
គ្រប់គ្នាដឹងច្បាស់នូវការពិតមួយថា ដំឡូងជ្វាផ្តល់សុខភាពជាងដំឡូងបារាំងពណ៌ស។ តើអ្នកមានដឹងថា ដំឡូងជ្វាក៏អាចប្រើជំនួសការញ៉ាំបាយសបានដែរទេ? អ្វីដែលអ្នកគួរតែធ្វើនោះ គ្រាន់តែបកសំបកវាចេញ ហើយកាត់ជាដុំតូចៗគឺអាចញ៉ាំជំនួសបាយបានហើយក្រោយពីស្ងោឆ្អិនរួច៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com