ជាតិ
សេដ្ឋកិច្ច
របរមួយចំនួនដែលក្រសួងការងារ និងបណ្តុះបណ្តាលវិជ្ជាជីវៈ ហាមជនបរទេសធ្វើអាជីវកម្មនៅកម្ពុជា។ រូបថត AFP, Thmey Thmey និង ADB
×![]()
ភ្នំពេញ៖ ក្រសួងការងារ នៅថ្ងៃទី២៨ខែសីហានេះ បានចេញប្រកាសមួយដែលកំណត់ប្រភេទមុខរបរ និងការងារដែលត្រូវហាមឃាត់ចំពោះជនបរទេស។ 
បើតាមប្រកាសខាងលើនេះ ជនបរទេស ត្រូវបានហាមឃាត់ប្រកបមុខរបរ ឬអាជីវកម្មតូចៗមួយចំនួន។ មុខរបរទាំងនោះរួមមាន៖ ១.អ្នកបើកបរយានជំនិះគ្រប់ប្រភេទជាលក្ខណៈអាជីវកម្មមានជាអាទិ៍ អ្នកបើកទោចក្រយានយន្ត អ្នកបើកត្រីចក្រយានយន្ត អ្នកបើទោចក្រយានយន្តសណ្តោងរុឺម៉ក អ្នកបើកម៉ូតូកង់បួន អ្នកបើករថយន្តដឹកអ្នកដំណើរ និងទំនិញ ២. អ្នកលក់ដូដោយមធ្យោបាយថ្មើរជើង ឬយានជំនិះគ្រប់ប្រភេទនៅទីសាធារណៈ ៣. អ្នកម៉ាស្សា ចាប់សសៃតាមទីសាធារណៈ ៤. អ្នកកាត់សក់ អ៊ុតសក់ និងថែរក្សាសម្ផស្ស ៥. អ្នកផ្តល់សេវាកម្មដេរ និងសម្អាតស្បែកជើង ៦. អ្នកកាត់ដេរ ៧. អ្នកប៉ះកង់ ជាងជួសជុលយានយន្ត ៨. អ្នកផលិតវត្ថុអនុស្សាវរីយ៍ខ្មែរ ៩.អ្នកផលិតឩបករណ៍ភ្លេងខ្មែរ បាត្រលោក ព្រះពុទ្ធរូប
និង ១០. ជាងទង ជាងច្នៃត្បូងពេជ្រ។
ក្រសួងបញ្ជាក់ថា មុខរបរដែលហាមឃាត់ខាងលើត្រូវតែជាសកម្មភាពស្វ័យនិយោជន៍។ ក្រសួងពន្យល់ពាក្យ«បុគ្គលស្វ័យនិយោជន៍»ថាជាជនប្រកបរការងារ ឬមុខរបររកចំណូលផ្ទាល់ខ្លួន ដោយមិនពាក់ព័ន្ធប្រាក់ឈ្នួល ឬប្រាក់បៀវត្សដែលផ្ដល់ដោយនិយោជក ឬរដ្ឋ តាមកិច្ចសន្យាការងារ។
ក្រសួងការងារ និងបណ្ដុះបណ្ដាលវិជ្ជាជីវៈ ឲ្យដឹងថា ក្រសួងនឹងមិនផ្ដល់ ឬបន្តសុពលភាពបណ្ណ/សៀវភៅការងារដល់ជនបរទេសដែលកំពុងប្រកបមុខរបរ និងការងារដូចកំណត់ខាងលើនេះឡើយ។
ជនបរទេសដែលបំពានបម្រាមនេះ នឹងត្រូវផាកពិន័យ។ ក្រសួងសង្កត់ធ្ងន់ដូច្នេះថា៖«ជនណាដែលប្រព្រឹត្តផ្ទុយនឹងបទបញ្ញត្តិនៃប្រកាសនេះ ត្រូវពិន័យជាប្រាក់ និងផ្ដន្ទាទោស តាមបញ្ញត្តិច្បាប់ស្ដីពីការងារ»។
គួរបញ្ជាក់ថា មុនចេញប្រកាសនេះ អ្នកនាំពាក្យក្រសួងការងារលោក ហេង សួរ បានប្រាប់អ្នកកាសែត មួយខែមុននេះ ពោលគឺខែកក្កដា ថា ក្រសួងនឹងហាមជនបរទេសប្រកបមុខរបរអាជីវកម្មក្រៅប្រព័ន្ធតូចៗ ដែលប៉ះពាល់មុខរបរចិញ្ចឹមជីវិតរបស់ពលរដ្ឋខ្មែរ។ ហើយវិធានការនេះត្រូវបានសង្គមស៊ីវិលសាទរ។ លោក វន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ ស្វាគមន៍វិធានការនេះ តែលោកជំរុញឲ្យបង្កើតយន្តការអនុវត្តច្បាស់លាស់។ លោកថ្លែងយ៉ាងដូចនេះថា៖«ពេលប្រកាសនោះចេញមក សូមអនុវត្តឲ្យបានត្រឹមត្រូវ មានយន្តការច្បាស់លាស់ បើមានតែប្រកាសហើយអត់យន្តការអនុវត្ត គឺជារឿងគួរឲ្យសោកស្ដាយ»៕
បើតាមប្រកាសខាងលើនេះ ជនបរទេស ត្រូវបានហាមឃាត់ប្រកបមុខរបរ ឬអាជីវកម្មតូចៗមួយចំនួន។ មុខរបរទាំងនោះរួមមាន៖ ១.អ្នកបើកបរយានជំនិះគ្រប់ប្រភេទជាលក្ខណៈអាជីវកម្មមានជាអាទិ៍ អ្នកបើកទោចក្រយានយន្ត អ្នកបើកត្រីចក្រយានយន្ត អ្នកបើទោចក្រយានយន្តសណ្តោងរុឺម៉ក អ្នកបើកម៉ូតូកង់បួន អ្នកបើករថយន្តដឹកអ្នកដំណើរ និងទំនិញ ២. អ្នកលក់ដូដោយមធ្យោបាយថ្មើរជើង ឬយានជំនិះគ្រប់ប្រភេទនៅទីសាធារណៈ ៣. អ្នកម៉ាស្សា ចាប់សសៃតាមទីសាធារណៈ ៤. អ្នកកាត់សក់ អ៊ុតសក់ និងថែរក្សាសម្ផស្ស ៥. អ្នកផ្តល់សេវាកម្មដេរ និងសម្អាតស្បែកជើង ៦. អ្នកកាត់ដេរ ៧. អ្នកប៉ះកង់ ជាងជួសជុលយានយន្ត ៨. អ្នកផលិតវត្ថុអនុស្សាវរីយ៍ខ្មែរ ៩.អ្នកផលិតឩបករណ៍ភ្លេងខ្មែរ បាត្រលោក ព្រះពុទ្ធរូប
និង ១០. ជាងទង ជាងច្នៃត្បូងពេជ្រ។
ក្រសួងបញ្ជាក់ថា មុខរបរដែលហាមឃាត់ខាងលើត្រូវតែជាសកម្មភាពស្វ័យនិយោជន៍។ ក្រសួងពន្យល់ពាក្យ«បុគ្គលស្វ័យនិយោជន៍»ថាជាជនប្រកបរការងារ ឬមុខរបររកចំណូលផ្ទាល់ខ្លួន ដោយមិនពាក់ព័ន្ធប្រាក់ឈ្នួល ឬប្រាក់បៀវត្សដែលផ្ដល់ដោយនិយោជក ឬរដ្ឋ តាមកិច្ចសន្យាការងារ។
ក្រសួងការងារ និងបណ្ដុះបណ្ដាលវិជ្ជាជីវៈ ឲ្យដឹងថា ក្រសួងនឹងមិនផ្ដល់ ឬបន្តសុពលភាពបណ្ណ/សៀវភៅការងារដល់ជនបរទេសដែលកំពុងប្រកបមុខរបរ និងការងារដូចកំណត់ខាងលើនេះឡើយ។
ជនបរទេសដែលបំពានបម្រាមនេះ នឹងត្រូវផាកពិន័យ។ ក្រសួងសង្កត់ធ្ងន់ដូច្នេះថា៖«ជនណាដែលប្រព្រឹត្តផ្ទុយនឹងបទបញ្ញត្តិនៃប្រកាសនេះ ត្រូវពិន័យជាប្រាក់ និងផ្ដន្ទាទោស តាមបញ្ញត្តិច្បាប់ស្ដីពីការងារ»។
គួរបញ្ជាក់ថា មុនចេញប្រកាសនេះ អ្នកនាំពាក្យក្រសួងការងារលោក ហេង សួរ បានប្រាប់អ្នកកាសែត មួយខែមុននេះ ពោលគឺខែកក្កដា ថា ក្រសួងនឹងហាមជនបរទេសប្រកបមុខរបរអាជីវកម្មក្រៅប្រព័ន្ធតូចៗ ដែលប៉ះពាល់មុខរបរចិញ្ចឹមជីវិតរបស់ពលរដ្ឋខ្មែរ។ ហើយវិធានការនេះត្រូវបានសង្គមស៊ីវិលសាទរ។ លោក វន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ ស្វាគមន៍វិធានការនេះ តែលោកជំរុញឲ្យបង្កើតយន្តការអនុវត្តច្បាស់លាស់។ លោកថ្លែងយ៉ាងដូចនេះថា៖«ពេលប្រកាសនោះចេញមក សូមអនុវត្តឲ្យបានត្រឹមត្រូវ មានយន្តការច្បាស់លាស់ បើមានតែប្រកាសហើយអត់យន្តការអនុវត្ត គឺជារឿងគួរឲ្យសោកស្ដាយ»៕
Tag:
ការងារ
មុខរបរ ជនបរទេស អាជីវកម្មតូចៗ អាជីវកម្មក្រៅប្រព័ន្ធ
© រក្សាសិទ្ធិដោយ thmeythmey.com
