ជាតិ
ក្រសួង កែវិញ្ញាសាប្រឡងបាក់ឌុបចប់ហើយ និងកំពុងបូកពិន្ទុ រូបពីក្រសួងអប់រំ
× ដំណើរការកំណែនៃការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ត្រូវបានបញ្ចប់ បន្ទាប់ពីបានប្រព្រឹត្តិទៅអស់រយៈពេល៧ថ្ងៃ ចាប់ពីថ្ងៃទី២២ដល់ថ្ងៃទី២៨ ខែសីហា ឆ្នាំ២០១៩។ ដំណើរការបន្ទាប់ គឺការបូកនិងស្រង់ពិន្ទុដោយកំព្យូទ័រ។ នេះបើតាមការចេញផ្សាយលើទំព័រហ្វេសហ៊ុករបស់ក្រសួងអប់រំ យុវជន និងកីឡា នៅថ្ងៃទី២៩ ខែសីហា ឆ្នាំ២០១៩។
ដំណើរការកំណែនៅមណ្ឌលកំណែទាំង១០ក្នុងរាជធានីភ្នំពេញ បានប្រព្រឹត្តិទៅដោយរលូន ហើយមិនមានភាពមិនប្រក្រតីណាមួយកើតឡើយ។ លទ្ធផលប្រឡង នឹងត្រូវប្រកាសនៅតាមមណ្ឌលក្នុងរាជធានីភ្នំពេញនិងខេត្តកណ្ដាល នៅរសៀលថ្ងៃទី១០ ខែកញ្ញា ចំណែកឯតាមបណ្ដាលខេត្តនានា នៅថ្ងៃទី១១ ខែកញ្ញា ឆ្នាំ២០១៩។
សូមបញ្ជាក់ថា បេក្ខជនប្រឡង មានជាង១,១សែននាក់ (ស្រីជាង៦ម៉ឺននាក់)។ បេក្ខជន ដែលអវត្តមាន មានជិត២ពាន់នាក់ (ស្រីជិត៧រយនាក់)៕
© រក្សាសិទ្ធិដោយ thmeythmey.com