​

បទ គោ​ព័ទ្ធ​ស្នឹង​
 

-​រៀបរាប់​ភ្ជាប់​រឿង​សឿង​តាម​ចាស់​

​ចាស់​ចែង​ច្បាស់​ណាស់​ប្រយោជន៍​ត្នោត​

​ត្នោត​មានតម្លៃ​គួរ​ឲ្យ​កោត​

​កោត​គួរ​ណាស់​ផ្តោត​ផ្តួចផ្តើម​ដាំ​។​
 

-​ដាំ​ជា​សីមា​ថាថាង​ថែ​

​ថែ​ដី​កេរ​ខ្មែរ​ត​សិប​ឆ្នាំ​

​ឆ្នាំនេះ​បើសិន​យើង​ចាប់​ដាំ​

​ដាំ​ម្ភៃ​សាម​ឆ្នាំ​ប្រើការ​បាន​។​
 

-​បានជា​រនាំង​រាំង​ឃាំង​ខណ្ឌ​

​ខណ្ឌ​ច្បាស់​ជាក់ស្បាន់​ដៅ​ដិត​ដាន​

​ដាន​ដៅ​ដែនដី​យ៉ាង​ល្អិត​ល្អាន​

​ល្អាន​ត​សន្តាន​បាន​ឥត​ល្អៀង​។​
 

-​ល្អៀង​ល្អាន​បាន​ត្នោត​តំណាង​ខ្មែរ​

​ខ្មែរ​ដាំ​មើលថែ​ត្នោត​តរៀង​

​រៀងរៀប​រុក្ខា​ជា​ព្រំ​ព្រៀង​

​ព្រៀង​ព្រម​ល្មម​ផ្ទៀងផ្ទាត់​ថ្ងៃក្រោយ​៕

​