កីឡាអន្តរជាតិ
អន្តរជាតិ
×![]()
ដោយ: ធីតា
លោក Stephane Cand អ្នកជិះកង់ជនជាតិស្វីស បានក្លាយជាម្ចាស់កំណត់ត្រាថ្មីក្នុងសៀវភៅ Guinness Book ដោយជិះកង់ឆ្លងកាត់ដល់ទៅ១៦ប្រទេសក្នុងរយៈពេលត្រឹម៦ថ្ងៃ។ នេះបើយោងតាមការផ្សាយរបស់ទីភ្នាក់ងារព័ត៌មាន Belga ដោយម្ចាស់កំណត់ត្រាចាស់ គឺបុរសជនជាតិប៉ូឡូញ លោក Marek Dzienisiuk ដែលបានឆ្លងកាត់១៤ប្រទេសក្នុងរយៈពេល៧ថ្ងៃ។
អ្នកជិះកង់ដែលមានមូលដ្ឋាននៅក្រុង Fribourg ប្រទេសស្វីសរូបនេះ បានចេញដំណើរពីសាធារណរដ្ឋឆេក ហើយឆ្លងកាត់ប្រទេសជាបន្តបន្ទាប់ រួមមាន ស្លូវ៉ាគី ស៊ែប៊ី ហុងគ្រី បូស្ន៊ី-ហឺហ្សេហ្គោវីណា ក្រូអាស៊ី ស្លូវេនី អូទ្រីស អ៊ីតាលី លិចតិញស្តាញ អាល្លឺម៉ង់ ស្វីស បារាំង លុចសំបួរ បែលហ្ស៊ិក បញ្ចប់នៅប្រទេសហូឡង់។
លោក Stephane Cand បានទៅដល់មុនគោលដៅដែលខ្លួនបានកំណត់មុនមួយថ្ងៃ ពោលគឺក្នុងរយៈពេល៦ថ្ងៃ លោកបានឆ្លងកាត់១៦ប្រទេស លើចម្ងាយសរុបជាង២ ២០០គីឡូម៉ែត្រ។ ក្នុងមួយថ្ងៃ លោក Cand ត្រូវធ្វើដំណើរក្នុងរង្វង់ជាង៣០០គីឡូម៉ែត្រ ដោយបានគេងតែ៣ទៅ៤ម៉ោងប៉ុណ្ណោះ។
លោកបានបញ្ជាក់ថា៖ «ខ្ញុំបានឆ្លងកាត់ស្ថានភាពអាកាសធាតុផ្សេងៗគ្នា ជាពិសេសធាតុអាកាសដ៏ត្រជាក់នៅហុងគ្រី។ ទោះបីជាយ៉ាងណាក៏ដោយខ្ញុំពិតជារីករាយខ្លាំងណាស់ ដោយសម្រេចបានក្នុងរយៈពេលត្រឹម៦ថ្ងៃ មិនមែន៧ថ្ងៃ»។
អ្នកជិះកង់ស្វីសរូបនេះ ក៏បានបណ្តើរកង់ក្នុងរយៈពេលចម្ងាយប្រមាណ១០០គីឡូម៉ែត្រផងដែរ ដោយភាគច្រើននៅក្នុងប្រទេសបែលហ្ស៊ិក និងមុនពេលទៅដល់គោលដៅ ដែលមានបងប្អូនសាច់ញាតិនៅរង់ចាំទទួល។
លោក Cand ដែលមានវ័យ៤៧ឆ្នាំទៅហើយនោះ បានបំបែកកំណត់ត្រាអ្នកជិះកង់ជនជាតិប៉ូឡូញ លោក Marek Dzienisiuk ដែលបានឆ្លងកាត់១៤ប្រទេសក្នុងរយៈពេល៧ថ្ងៃ។ អ្វីដែលគួរឲ្យកត់សម្គាល់នោះ លោក Cand ក៏ជាអ្នកជិះកង់ដំបូងដែលបានធ្វើដំណើរឆ្លងកាត់ប្រទេសជាច្រើននៅអឺរ៉ុបខាងកើត។
តាមពិតទៅលោក Cand មានត្រៀមខ្លួនយ៉ាងត្រឹមត្រូវសម្រាប់បេសកកម្មមួយនេះ ដោយលោកមានទម្លាប់ជិះក្នុងចម្ងាយប្រមាណ១៤០គីឡូម៉ែត្រជារៀងរាល់ថ្ងៃ។ លោកក៏ទទួលបានការណែនាំជាប្រចាំទាំងការថែរក្សាផ្នែកកាយសម្បទា និងស្មារតី ពីសំណាក់គ្រូពេទ្យមួយរូបផងដែរ៕
អ្នកជិះកង់ដែលមានមូលដ្ឋាននៅក្រុង Fribourg ប្រទេសស្វីសរូបនេះ បានចេញដំណើរពីសាធារណរដ្ឋឆេក ហើយឆ្លងកាត់ប្រទេសជាបន្តបន្ទាប់ រួមមាន ស្លូវ៉ាគី ស៊ែប៊ី ហុងគ្រី បូស្ន៊ី-ហឺហ្សេហ្គោវីណា ក្រូអាស៊ី ស្លូវេនី អូទ្រីស អ៊ីតាលី លិចតិញស្តាញ អាល្លឺម៉ង់ ស្វីស បារាំង លុចសំបួរ បែលហ្ស៊ិក បញ្ចប់នៅប្រទេសហូឡង់។
លោក Stephane Cand បានទៅដល់មុនគោលដៅដែលខ្លួនបានកំណត់មុនមួយថ្ងៃ ពោលគឺក្នុងរយៈពេល៦ថ្ងៃ លោកបានឆ្លងកាត់១៦ប្រទេស លើចម្ងាយសរុបជាង២ ២០០គីឡូម៉ែត្រ។ ក្នុងមួយថ្ងៃ លោក Cand ត្រូវធ្វើដំណើរក្នុងរង្វង់ជាង៣០០គីឡូម៉ែត្រ ដោយបានគេងតែ៣ទៅ៤ម៉ោងប៉ុណ្ណោះ។
លោកបានបញ្ជាក់ថា៖ «ខ្ញុំបានឆ្លងកាត់ស្ថានភាពអាកាសធាតុផ្សេងៗគ្នា ជាពិសេសធាតុអាកាសដ៏ត្រជាក់នៅហុងគ្រី។ ទោះបីជាយ៉ាងណាក៏ដោយខ្ញុំពិតជារីករាយខ្លាំងណាស់ ដោយសម្រេចបានក្នុងរយៈពេលត្រឹម៦ថ្ងៃ មិនមែន៧ថ្ងៃ»។
អ្នកជិះកង់ស្វីសរូបនេះ ក៏បានបណ្តើរកង់ក្នុងរយៈពេលចម្ងាយប្រមាណ១០០គីឡូម៉ែត្រផងដែរ ដោយភាគច្រើននៅក្នុងប្រទេសបែលហ្ស៊ិក និងមុនពេលទៅដល់គោលដៅ ដែលមានបងប្អូនសាច់ញាតិនៅរង់ចាំទទួល។
លោក Cand ដែលមានវ័យ៤៧ឆ្នាំទៅហើយនោះ បានបំបែកកំណត់ត្រាអ្នកជិះកង់ជនជាតិប៉ូឡូញ លោក Marek Dzienisiuk ដែលបានឆ្លងកាត់១៤ប្រទេសក្នុងរយៈពេល៧ថ្ងៃ។ អ្វីដែលគួរឲ្យកត់សម្គាល់នោះ លោក Cand ក៏ជាអ្នកជិះកង់ដំបូងដែលបានធ្វើដំណើរឆ្លងកាត់ប្រទេសជាច្រើននៅអឺរ៉ុបខាងកើត។
តាមពិតទៅលោក Cand មានត្រៀមខ្លួនយ៉ាងត្រឹមត្រូវសម្រាប់បេសកកម្មមួយនេះ ដោយលោកមានទម្លាប់ជិះក្នុងចម្ងាយប្រមាណ១៤០គីឡូម៉ែត្រជារៀងរាល់ថ្ងៃ។ លោកក៏ទទួលបានការណែនាំជាប្រចាំទាំងការថែរក្សាផ្នែកកាយសម្បទា និងស្មារតី ពីសំណាក់គ្រូពេទ្យមួយរូបផងដែរ៕
© រក្សាសិទ្ធិដោយ thmeythmey.com
