ជាប្រធានបទដ៏គួរឲ្យចាប់អារម្មណ៍សម្រាប់អ្នកគាំទ្រកីឡាប្រណាំងរថយន្ត Formula One ឬកាំជ្រួចលើផ្ទៃរាប ដែលពួកគេចង់ដឹងពីតម្លៃប្រាក់ឈ្នួលរបស់កីឡាករនីមួយៗពីក្រុមប្រណាំងទាំង១០។ សំណួរ ត្រូវបានចោទសួរជាញឹកញាប់ ថាតើលទ្ធផលនៃការប្រណាំងដ៏អស្ចារ្យកម្រិតណាទៅ ទើបធ្វើឲ្យកីឡាករខ្លះមានប្រាក់ឈ្នួលរហូតដល់រាប់សិបលានដុល្លារនោះ?
កីឡាប្រណាំងរថយន្ត Formula One ជាប្រភេទកីឡាដ៏ល្បីល្បាញ និងមានប្រជាប្រិយបំផុតមួយលើលោក ដែលមានកីឡាករចូលរួមប្រកួតប្រជែងចំនួន២០រូប។ Lewis Hamilton បានក្លាយជាអ្នកប្រណាំងរថយន្ត F1 ដែលទទួលបានប្រាក់ឈ្នួលខ្ពស់បំផុតរហូតដល់ ៤៦,១៣លានដុល្លារអាមេរិកក្នុងមួយរដូវកាល សម្រាប់ឆ្នាំ ២០១៩ នេះ តាមពីក្រោយដោយ គូប្រជែង Sebastian Vettel ៣៨,៤៤លានដុល្លារ និង Daniel Ricciardo ២២លានដុល្លារ។
Hamilton អ្នកប្រណាំងសញ្ជាតិអង់គ្លេស វ័យ៣៤ឆ្នាំ ដែលបើកបរឲ្យក្រុម Mercedes បានឈ្នះការប្រណាំងចំនួន៨ទីលានរួចមកហើយ ក្នុងចំណោមការប្រណាំងទាំង ១៣លើក នារដូវកាល២០១៩នេះ។ ជាម្ចាស់ជើងឯក F1 ឆ្នាំចាស់ និងជាម្ចាស់ជើងឯក៥សម័យកាល Hamilton ក៏មានភាគរយខ្ពស់ផងដែរដើម្បីការពារជើងឯករបស់ខ្លួន ខណៈការប្រណាំងនៅសល់ ៨ ទីលានទៀតនឹងត្រូវបញ្ជប់។
Sebastian Vettel អ្នកប្រណាំសញ្ជាតិអាល្លឺម៉ង់ដែលបើកបរឲ្យក្រុម Ferrari ដែលទទួលបានត្រឹមរងជើងឯកកាលពីឆ្នាំមុខស្ថិតនៅចំណាត់ថ្នាក់ទី៤ ខណៈ Daniel Ricciardo ឈរចំណាត់ថ្នាក់ទី១២បណ្តោះអាសន្ន។
យ៉ាងណាក៏ដោយ អ្នកប្រណាំងសញ្ជាតិអូស្ត្រាលី Ricciardo ដែលបើកបរឲ្យក្រុម Red Bull បានហក់ទៅកាន់ចំណាត់ថ្នាក់ទី៣ក្នុងនាមកីឡាករដែលបានប្រាក់ឈ្នួលខ្ពស់រដូវកាលនេះ ក្រោយ Fernando Alonso បានប្រកាសចូលនិវត្តន៍ពីអាជីពប្រណាំងនេះ។
Rookie Alexander Albon អ្នកប្រណាំងសញ្ជាតិថៃ-អង់គ្លេស ដែលបើកបរឲ្យក្រុម Toro Roso ហើយឈរនៅលេខរៀងទី១០ពីការប្រណាំង១៣ទីលានកន្លង មានប្រាក់ឈ្នួលច្រើនជាងគេលំដាប់ទី១៦ ពោលគឺជាង៨២ម៉ឺនដុល្លារក្នុងមួយឆ្នាំ។
ខាងក្រោយនេះជាកីឡាករប្រណាំងរថយន្ត F1 ទាំង២០រូបដែលទទួលបានប្រាក់ឈ្នួលខ្ពស់បំផុតប្រចាំរដូវកាល២០១៩នេះ៖
១/ Lewis Hamilton (Mercedes): ៤៦,១៣លានដុល្លារអាមេរិក
២/ Sebastian Vettel (Ferrari): ៣៨,៤៤លានដុល្លារអាមេរិក
៣/ Daniel Ricciardo (Renault): Daniel Ricciardo ២២លានដុល្លារអាមេរិក
៤/ Max Verstappen (RBR): ១៣,១៨លានដុល្លារអាមេរិក
៥/ Nico Hulkenberg (Renault): ៨,៧៨លានដុល្លារអាមេរិក
៦/ Valtteri Bottas (Mercedes): ៨,៧៨លានដុល្លារអាមេរិក
៧/ Kimi Raikkkonen (Alfa Romeo) : ៦៥,៥៩លានដុល្លារអាមេរិក
៨/ Sergio Perez (Racing Point): ៤,៣៩ លានដុល្លារអាមេរិក
៩/ Carlos Sainz (McLaren): ៤,៣៩ លានដុល្លារអាមេរិក
១០/ Charles Leclerc (Ferrari) : ៣,៣០ លានដុល្លារអាមេរិក
១១/ Romain Grosjean (Haas) : ២,២០ លានដុល្លារអាមេរិក
១២/ Kevin Magnussen (Haas) : ២,២០ លានដុល្លារអាមេរិក
១៣/ Lance Stroll (Racing Point): ១,៦៥ លានដុល្លារអាមេរិក
១៤/ Pierre Gasly (RBR) : ១,៦៥ លានដុល្លារអាមេរិក
១៥/ Robert Kubica (Williams): ១,១០ លានដុល្លារអាមេរិក
១៦/ Alexander Albon (STR): ៨២៣៧០០ ដុល្លារអាមេរិក
១៧/ Daniil Kvyat (STR): ៨២៣៧០០ ដុល្លារអាមេរិក
១៨/ Lando Norris (McLaren): ៧៦៨៨០០ ដុល្លារអាមេរិក
១៩/ George Russell (Williams): ៥៤៩១០០ ដុល្លារអាមេរិក
២០/ Antonio Giovinazzi (Alfa Romeo): ៥៤៩១០០ ដុល្លារអាមេរិក