ជាតិ
កម្ពុជា នឹងរងឥទ្ធិពលព្យុះពីរបន្ថែម បណ្ដាលឲ្យមានខ្យល់និងភ្លៀងធ្លាក់ខ្លាំងនៅតំបន់មួយចំនួន
រូបភាពពីក្រសួងធមធានទឹកនិងឧតុនិយម
×![]()
ដោយ: ឡាយ សុភាវតី
ព្យុះពីរបន្ថែម ដែលនឹងកើតឡើងពីថ្ងៃទី៣-៩កញ្ញា មានឈ្មោះ លីងលីង នៅភាគខាងកើតហ្វីលីពីនឆ្ពោះទៅប្រទេសកូរ៉េ ចំណែកមួយទៀតឈ្មោះ កាហ្សីគី ដែលទទួលសម្ពាធពីព្យុះ លីងលីង បណ្តាលឲ្យមានព្យុះនៅតំបន់សមុទ្រចិនខាងត្បូង។ ព្យុះទាំងពីនេះ នឹងបង្កើនសម្ពាធឥទ្ធិលនៅតំបន់ភាគពាយព្យ ខ្ពង់រាបឦសាន និងខេត្តនៅតំបន់មាត់សមុទ្រនៅកម្ពុជា។ ទន្ទឹមនេះ ឥទ្ធិពលព្យុះ នឹងងាកទៅកោះហៃណាំ ឆ្ពោះទៅហុងកុង។ នេះបើតាមសេចក្ដីជូនដំណឹងរបស់ក្រសួងធនធានទឹក និងឧតុនិយម ដែលចេញផ្សាយនៅថ្ងៃទី៣ ខែកញ្ញា ឆ្នាំ២០១៩។ 
ការទទួលរងពីព្យុះនេះ នឹងបណ្ដាលឲ្យតំបន់ភាគពាយព្យខេត្តជាប់ជួរភ្នំដងរ៉ែក ខ្ពង់រាបឦសានជាប់ប្រទេសវៀតណាម បន្តមានភ្លៀងធ្លាក់នៅក្នុងកម្រិតបរិមាណពីមធ្យមទៅច្រើន ដែលផ្នែកខ្លះអាចមានភ្លៀងធ្លាក់ខ្លាំង។ ខេត្តនៅតំបន់មាត់សមុទ្រ ដូចជាខេត្តកោះកុង និងខេត្តព្រះសីហនុ បន្តមានភ្លៀងនៅក្នុងកម្រិតបរិមាណពីបង្គួរទៅច្រើន រួមទាំងអាចមានភ្លៀងខ្យល់និងរលកបក់បោកខ្លាំងនៅផ្ទៃទឹក។ ទន្ទឹមនេះ បណ្តាខេត្តមួយចំនួនទៀត អាចនឹងមានភ្លៀងពីតិចទៅមធ្យម៕
Tag:
អាកាសធាតុ
© រក្សាសិទ្ធិដោយ thmeythmey.com
