ជាតិ
ពីនេះ ពីនោះ
«ច្រាង»,«ច្រាំង» និង«ជ្រាំង»មានន័យដូចគ្នាដែរឬទេ?
× បើផ្អែកតាមការត្រួតពិនិត្យមើល និងផ្ទៀងផ្ទាត់ជាមួយវចនានុក្រមខ្មែររបស់សម្តេចព្រះសង្ឃរាជ ជួន ណាត ពាក្យទាំងបីនេះ មិនមានន័យដូចគ្នាឡើយ។
«ច្រាង» មានន័យថា ដែលប៉ះចុងក្រញាងឡើង។ ចំពោះពាក្យ«ច្រាំង» មានន័យថា រឹមស្ទឹង ទន្លេ សមុទ្រ។ សុំកុំច្រឡំពាក្យ «ច្រាំង» នេះនឹងពាក្យ «ជ្រាំង»ឲ្យសោះ ព្រោះពាក្យ«ជ្រាំង»មានន័យជា សាច់ជាចម្រៀកៗក្នុងផ្លែដែលផ្សេងពីក្លែប និងគ្រាប់ ដែលគេច្រើនតែហៅថា ជ្រាំងខ្នុរ។
ពាក្យ «ជ្រាំង» មានន័យម្យ៉ាងទៀតថា ជាឈ្មោះរោគមួយប្រភេទកើតនៅក្នុងអណ្តាត ឬទាំងសាច់ក្នុងមាត់ផង បណ្តាលពីចំហាយក្តៅ ដែលធ្វើឲ្យពងបែកប្រេះរអាមផ្សា៕
© រក្សាសិទ្ធិដោយ thmeythmey.com