English-Français
ជាតិ
បទយកការណ៍ / បទសម្ភាសន៍
២៥ខេត្ត/រាជធានី
កុមារា ហេវិន ប៉ងធ្វើគ្រូបង្រៀនភាសាអង់គ្លេស ឬអ្នកជំនួញ (ភាគបញ្ចប់)
× ភ្នំពេញ៖ ជាមួយអំណោយទានពីធម្មជាតិ កុមារា ភូន ហេវិន អាចនិយាយបាន៤ភាសា ក្នុងនោះមាន ភាសាខ្មែរ ចិន អង់គ្លេស និងអាលឺម៉ង់។ តែភាសាអាលឺម៉ង់ កុមាររូបនេះ ចេះតិចតួចទេ។ មានអត្តចរិតប្លែកខុសពីក្មេងដទៃ កុមារ ហេវិន មិនបានរៀនភាសាអង់គ្លេសត្រឹមត្រូវនៅសាលាជាមួយគ្រូបង្រៀនច្រើនឡើយ តែគាត់ព្យាយាមរៀនភាសាអង់គ្លេសដោយខ្លួនឯង តាមយូធូប ឬដោយលេង ហ្គេមដែលនិយាយជាភាសាអង់គ្លេស។ ក្រៅពីពេលវេលាសិក្សានៅសាលាថ្នាក់ភាសាខ្មែរ កុមារា ភូន ហេវិន តែងតែចំណាយពេល៣ម៉ោង ជារៀងរាល់ថ្ងៃ តាំងពីរូបគេនៅតូចដើម្បីសិក្សាភាសាអង់គ្លេសតាមយូធូប ដោយមើលវីដេអូកំប្លែង វីដេអូតុក្កតា វីដេអូផ្សេងៗជាភាសាអង់គ្លេស។ បើនិយាយពីចំណង់ចំណូលចិត្តវិញ កុមាររូបនេះ មានទម្លាប់ដូចមនុស្សពេញវ័យដូច្នោះដែរ។ ហេវិន មានកាលវិភាគរៀនត្រឹមត្រូវ មានពេលវេលាហាត់ប្រាណ ខុសពីក្មេងដទៃៗដែលមិនសូវគិតគូរ ឬខ្លះមិនទាន់ដឹងពីចំណង់ចំណូលចិត្តខ្លួនឯងយ៉ាងណានោះផង។ នាពេលអនាគត កុមារ ហេវិន ចង់ក្លាយខ្លួនជាគ្រូបង្រៀនភាសាអង់គ្លេស ឬជាអ្នកជំនួញ។
សូមអញ្ជើញស្តាប់បទសម្ភាសជាភាសាអង់គ្លេស (ភាគបញ្ចប់) រវាងលោក គី សុខលីម អ្នកសារព័ត៌មានអេឡិត្រូនិក Thmeythmey.com និងកុមារា ភូន ហេវិន ខាងក្រោមនេះដូចតទៅ៖
© រក្សាសិទ្ធិដោយ thmeythmey.com