ពីនេះ ពីនោះ
អ្វីជាភាពខុសគ្នារវាងពាក្យ «ពាម, ច្រាំង, ប្រឡាយ, អូរ, ព្រែក, ត្រពាំង, បឹង, ទន្លេ, និង សមុទ្រ»?
×![]()
ដោយ: ថ្មីៗ
សាធារណជនមួយចំនួននៅមិនទាន់បែងចែកឲ្យដាច់ រវាងភាពខុសគ្នានៃពាក្យ«ពាម, ច្រាំង, ប្រឡាយ, អូរ, ព្រែក, ត្រពាំង, បឹង, ទន្លេ, និងសមុទ្រ» ទាក់ទង ទំហំ រូបរាងពិត។ 
វចនានុក្រមសម្ដេចព្រះសង្ឃរាជ ជួន ណាត បានកំណត់ភាពខុសគ្នានៃពាក្យទាំងនេះដូចខាងក្រោម៖
១/. ពាម ថ្នាក់ពាក្យជ (ន) មានន័យថា មាត់ព្រែក ឬមាត់ស្ទឹងដែលបែកចេញពីទន្លេ, មាត់ទន្លេដែលហូរទៅជាប់នឹងសមុទ្រ, ដូចយ៉ាង ពាមផ្កាយម្រេច, ពាមរ ឬ ពាមសែន ពាមកញ្ជើ (នៅកម្ពុជាក្រោម) ជាដើម។
២/. ច្រាំង ថ្នាក់ពាក្យជា (ន) មានន័យថា រឹមស្ទឹង, ទន្លេ, សមុទ្រ...(គួរកុំច្រឡំពាក្យ ច្រាំង នេះនឹងពាក្យ ជ្រាំង)។
៣/. ប្រឡាយ ថ្នាក់ពាក្យជា (ន) មានន័យថា ផ្លូវទឹកតូច គឺជ្រលងតូចដែលគេជីកបង្ហូរទឹក ឬដីដែលទឹកហូរច្រោះកើតជាជ្រលងតូចៈ ទឹកហូរតាមប្រឡាយ។
៤/. អូរ ថ្នាក់ពាក្យជា (ន) មានន័យថា ប្រឡាយធំជ្រៅ ដែលនៅមាត់ទឹកជ្រៅសម្រាប់ទាញនាវាឬទូកធំៗ ឬក៏ឈើហុបឡើងពីក្នុងទឹកៈ ទាញកប៉ាល់ចូលអ៊ូ។
៥/. ព្រែក ថ្នាក់ពាក្យជា (ន) មានន័យថា ជ្រលង ឬប្រឡាយធំជាផ្លូវទឹក តពីទន្លេទៅបឹង ឬពីទីឯទៀតចូលមកទន្លេ, សមុទ្រ។ បើកើតដោយជីកហៅថា ព្រែកជីក។
៦/. ត្រពាំង ថ្នាក់ពាក្យជា (ន) មានន័យថា ថ្លុកធំកើតពីមនុស្សជីកសម្រាប់ឲ្យដក់ទឹក ឬកើតដោយសារកម្លាំងទឹកហូរច្រោះក៏មាន។
៧/. បឹង ថ្នាក់ពាក្យជា (ន) មានន័យថា ល្ហាលទឹកធំល្វឹងល្វើយក៏មាន គ្រាប់តែធំជាងស្រះ ជាងត្រពាំងដែលធំៗក៏មាន, ខ្លះមានដីខ្ពស់ជាភ្លឺព័ទ្ធជុំវិញ, ខ្លះមានប្រឡាយ ឬជ្រលងៈ ព្រែកជួបនឹងស្ទឹង ឬទន្លេ សម្រាប់ទឹកហូរចេញចូល។ បឹងបួ បឹងតូចៗ ឬបឹងរាយរង។
៨/. ទន្លេ ថ្នាក់ពាក្យជា (ន) មានន័យថា មហានទី, ផ្លូវទឹកធំហូរចុះពីភ្នំ និងធ្នារទឹកផ្សេងៗ ប្រជុំមូលមកហូរចេញទៅសមុទ្រៈ ទន្លេតូច, ទន្លេធំ។
៩/. សមុទ្រ ថ្នាក់ពាក្យជា (ន) មានន័យថា អន្លង់ទឹកធំធេង ជ្រាលជ្រៅ ល្ហល្ហេវ សន្លឹមបាត់ត្រើយ ដែលមានអំបិលឬ រសជាតិប្រៃស្មើភាគគ្នានឹងទឹក, សាគរ ឆ្នេរសុមុទ្ទ, មាត់សមុទ្រ។
វចនានុក្រមសម្ដេចព្រះសង្ឃរាជ ជួន ណាត បានកំណត់ភាពខុសគ្នានៃពាក្យទាំងនេះដូចខាងក្រោម៖
១/. ពាម ថ្នាក់ពាក្យជ (ន) មានន័យថា មាត់ព្រែក ឬមាត់ស្ទឹងដែលបែកចេញពីទន្លេ, មាត់ទន្លេដែលហូរទៅជាប់នឹងសមុទ្រ, ដូចយ៉ាង ពាមផ្កាយម្រេច, ពាមរ ឬ ពាមសែន ពាមកញ្ជើ (នៅកម្ពុជាក្រោម) ជាដើម។
២/. ច្រាំង ថ្នាក់ពាក្យជា (ន) មានន័យថា រឹមស្ទឹង, ទន្លេ, សមុទ្រ...(គួរកុំច្រឡំពាក្យ ច្រាំង នេះនឹងពាក្យ ជ្រាំង)។
៣/. ប្រឡាយ ថ្នាក់ពាក្យជា (ន) មានន័យថា ផ្លូវទឹកតូច គឺជ្រលងតូចដែលគេជីកបង្ហូរទឹក ឬដីដែលទឹកហូរច្រោះកើតជាជ្រលងតូចៈ ទឹកហូរតាមប្រឡាយ។
៤/. អូរ ថ្នាក់ពាក្យជា (ន) មានន័យថា ប្រឡាយធំជ្រៅ ដែលនៅមាត់ទឹកជ្រៅសម្រាប់ទាញនាវាឬទូកធំៗ ឬក៏ឈើហុបឡើងពីក្នុងទឹកៈ ទាញកប៉ាល់ចូលអ៊ូ។
៥/. ព្រែក ថ្នាក់ពាក្យជា (ន) មានន័យថា ជ្រលង ឬប្រឡាយធំជាផ្លូវទឹក តពីទន្លេទៅបឹង ឬពីទីឯទៀតចូលមកទន្លេ, សមុទ្រ។ បើកើតដោយជីកហៅថា ព្រែកជីក។
៦/. ត្រពាំង ថ្នាក់ពាក្យជា (ន) មានន័យថា ថ្លុកធំកើតពីមនុស្សជីកសម្រាប់ឲ្យដក់ទឹក ឬកើតដោយសារកម្លាំងទឹកហូរច្រោះក៏មាន។
៧/. បឹង ថ្នាក់ពាក្យជា (ន) មានន័យថា ល្ហាលទឹកធំល្វឹងល្វើយក៏មាន គ្រាប់តែធំជាងស្រះ ជាងត្រពាំងដែលធំៗក៏មាន, ខ្លះមានដីខ្ពស់ជាភ្លឺព័ទ្ធជុំវិញ, ខ្លះមានប្រឡាយ ឬជ្រលងៈ ព្រែកជួបនឹងស្ទឹង ឬទន្លេ សម្រាប់ទឹកហូរចេញចូល។ បឹងបួ បឹងតូចៗ ឬបឹងរាយរង។
៨/. ទន្លេ ថ្នាក់ពាក្យជា (ន) មានន័យថា មហានទី, ផ្លូវទឹកធំហូរចុះពីភ្នំ និងធ្នារទឹកផ្សេងៗ ប្រជុំមូលមកហូរចេញទៅសមុទ្រៈ ទន្លេតូច, ទន្លេធំ។
៩/. សមុទ្រ ថ្នាក់ពាក្យជា (ន) មានន័យថា អន្លង់ទឹកធំធេង ជ្រាលជ្រៅ ល្ហល្ហេវ សន្លឹមបាត់ត្រើយ ដែលមានអំបិលឬ រសជាតិប្រៃស្មើភាគគ្នានឹងទឹក, សាគរ ឆ្នេរសុមុទ្ទ, មាត់សមុទ្រ។
Tag:
ពន្យល់ពាក្យ
© រក្សាសិទ្ធិដោយ thmeythmey.com
