ជាតិ
សង្គមជាតិ
នៅឆ្នាំ១៩៦៧ លោក លី ក្វាន់យូ បានបណ្ឌិតកិត្តិយសផ្នែកច្បាប់ពីសាកលវិទ្យាល័យភូមិន្ទខ្មែរ
×![]()
កាលពីថ្ងៃទី៨ ខែធ្នូ ឆ្នាំ១៩៦៧ លោក លី ក្វាន់យូ (Lee Kuan Yew) នាយករដ្ឋមន្ត្រី និងជាបិតាស្ថាបនិកប្រទេសសិង្ហបុរី បានទទួលសញ្ញាបត្របណ្ឌិតកិត្តិយស (docteur honoris causa) ផ្នែកច្បាប់ពីសាកលវិទ្យាភូមិន្ទខ្មែរ (ឬសាកលវិទ្យាល័យសង្គមរាស្ត្រនិយម)។ ពិធីប្រគល់នេះ ធ្វើឡើងនៅថ្ងៃចុងក្រោយនៃដំណើរទស្សនកិច្ចរយៈពេល៦ថ្ងៃរបស់លោកនៅកម្ពុជា។
យោងតាមកាសែតជាភាសាបារាំង Cambodge, Quotidien National ចុះថ្ងៃទី៩ ខែធ្នូ ឆ្នាំ១៩៦៧ សាលរៀបចំពិធីនៃមជ្ឈមណ្ឌលសាកលវិទ្យាល័យសង្គមរាស្ត្រនិយម (Centre Universitaire “Sangkum Reastr Niyuym”) ជាទីតាំងនៃពិធីប្រគល់សញ្ញាបត្រ បណ្ឌិតកិត្តិយសផ្នែកច្បាប់ ជូនដល់លោក លី ក្វាន់យូ ក្រោមព្រះរាជវត្តមានសម្តេចព្រះប្រមុខរដ្ឋ នរោត្តម សីហនុ។
ពិធីនាពេលនោះ មានការចូលរួមផងដែរពីសំណាក់សម្តេច សឺន សាន នាយករដ្ឋមន្ត្រី សម្តេច ញឹក ជូឡុង មេបញ្ជាការកងទ័ព លោក វណ្ណ មូលីវណ្ណ រដ្ឋមន្ត្រីក្រសួងសិក្សាធិការជាតិ និស្សិត និងតំណាងអង្គទូតជាច្រើនរូប។
ក្នុងនាមជារដ្ឋមន្ត្រីនាពេលនោះ លោក វណ្ណ មូលីវណ្ណ បានរៀបរាប់ពីគុណសម្បត្តិផ្សេងៗរបស់លោក លី ក្វាន់យួ ក្នុងការកសាងសិង្ហបុរី ដែលជាសាធារណរដ្ឋដ៏ក្មេងខ្ចី ក៏ដូចជាតួនាទីសំខាន់ក្នុងការពង្រឹងទំនាក់ទំនងជាមួយកម្ពុជា និងបណ្តាប្រទេសក្នុងតំបន់អាស៊ីអាគ្នេយ៍ទាំងមូល។
បន្ទាប់ពីសន្ទរកថារបស់លោក វណ្ណ មូលីវណ្ណ ត្រូវបានបញ្ចប់ លោក លី ក្វាន់យូ ទទួលសញ្ញាបត្របណ្ឌិតកិត្តិយសផ្នែកច្បាប់ដោយផ្ទាល់ពីដៃ លោក ភឹង តុន ដែលជាសាកលវិទ្យាធិការ នាពេលនោះ។ បិតាស្ថាបនិកសិង្ហបុរី បានឡើងថ្លែងអរគុណជាភាសាអង់គ្លេស មុនពេលមានចំណារនៅក្រាំងមាសរបស់សាកលវិទ្យាល័យ។
តាមឯកសារ «The Essentials of Economic Growth» ដែលជាបទអន្តរាគមន៍ និងសេចក្តីអធិប្បាយជុំវិញការទទួលបណ្ឌិតកិត្តិយសផ្នែកច្បាប់ (Honorary degree of Doctor of Law) ពីកម្ពុជា លោក លី ក្វាន់យូ បានលើកឡើងថា ការថ្លែងជាសាធារណៈរបស់រដ្ឋមន្ត្រីសិក្សាធិការ គឺជាកិត្តិយសដ៏ខ្ពង់ខ្ពស់បំផុត និងមិនបានរំពឹងទុកមុនសម្រាប់លោក។
លោក លី ក្វាន់យូ ដែលបានរៀនចប់ច្បាប់នៅសាកលវិទ្យាល័យ Cambridge ចក្រភពអង់គ្លេស បានលើកឡើងពីទំនាក់ទំនងល្អរវាងកម្ពុជា និងសិង្ហបុរី រួមទាំងបណ្តាប្រទេសទាំងអស់ក្នុងតំបន់។ ជាមួយគ្នានេះ លោកក៏បានគូសបញ្ជាក់ពីប្រវត្តិសាស្ត្រដ៏អស្ចារ្យរបស់កម្ពុជាផងដែរ៕
លោក លី ក្វាន់យូ និងភរិយា ព្រមទាំងកូនៗដែលក្នុងនោះមាន លោក លី សៀនឡុង នាយករដ្ឋមន្ត្រីបច្ចុប្បន្ន បានចូលគាល់សម្តេចឪ និងសម្តេចម៉ែ នាអំឡុងទសវត្សរ៍៦០។ ប្រភព៖ norodomsihanouk.info
យោងតាមកាសែតជាភាសាបារាំង Cambodge, Quotidien National ចុះថ្ងៃទី៩ ខែធ្នូ ឆ្នាំ១៩៦៧ សាលរៀបចំពិធីនៃមជ្ឈមណ្ឌលសាកលវិទ្យាល័យសង្គមរាស្ត្រនិយម (Centre Universitaire “Sangkum Reastr Niyuym”) ជាទីតាំងនៃពិធីប្រគល់សញ្ញាបត្រ បណ្ឌិតកិត្តិយសផ្នែកច្បាប់ ជូនដល់លោក លី ក្វាន់យូ ក្រោមព្រះរាជវត្តមានសម្តេចព្រះប្រមុខរដ្ឋ នរោត្តម សីហនុ។
ពិធីនាពេលនោះ មានការចូលរួមផងដែរពីសំណាក់សម្តេច សឺន សាន នាយករដ្ឋមន្ត្រី សម្តេច ញឹក ជូឡុង មេបញ្ជាការកងទ័ព លោក វណ្ណ មូលីវណ្ណ រដ្ឋមន្ត្រីក្រសួងសិក្សាធិការជាតិ និស្សិត និងតំណាងអង្គទូតជាច្រើនរូប។
ក្នុងនាមជារដ្ឋមន្ត្រីនាពេលនោះ លោក វណ្ណ មូលីវណ្ណ បានរៀបរាប់ពីគុណសម្បត្តិផ្សេងៗរបស់លោក លី ក្វាន់យួ ក្នុងការកសាងសិង្ហបុរី ដែលជាសាធារណរដ្ឋដ៏ក្មេងខ្ចី ក៏ដូចជាតួនាទីសំខាន់ក្នុងការពង្រឹងទំនាក់ទំនងជាមួយកម្ពុជា និងបណ្តាប្រទេសក្នុងតំបន់អាស៊ីអាគ្នេយ៍ទាំងមូល។
បន្ទាប់ពីសន្ទរកថារបស់លោក វណ្ណ មូលីវណ្ណ ត្រូវបានបញ្ចប់ លោក លី ក្វាន់យូ ទទួលសញ្ញាបត្របណ្ឌិតកិត្តិយសផ្នែកច្បាប់ដោយផ្ទាល់ពីដៃ លោក ភឹង តុន ដែលជាសាកលវិទ្យាធិការ នាពេលនោះ។ បិតាស្ថាបនិកសិង្ហបុរី បានឡើងថ្លែងអរគុណជាភាសាអង់គ្លេស មុនពេលមានចំណារនៅក្រាំងមាសរបស់សាកលវិទ្យាល័យ។
តាមឯកសារ «The Essentials of Economic Growth» ដែលជាបទអន្តរាគមន៍ និងសេចក្តីអធិប្បាយជុំវិញការទទួលបណ្ឌិតកិត្តិយសផ្នែកច្បាប់ (Honorary degree of Doctor of Law) ពីកម្ពុជា លោក លី ក្វាន់យូ បានលើកឡើងថា ការថ្លែងជាសាធារណៈរបស់រដ្ឋមន្ត្រីសិក្សាធិការ គឺជាកិត្តិយសដ៏ខ្ពង់ខ្ពស់បំផុត និងមិនបានរំពឹងទុកមុនសម្រាប់លោក។
លោក លី ក្វាន់យូ ដែលបានរៀនចប់ច្បាប់នៅសាកលវិទ្យាល័យ Cambridge ចក្រភពអង់គ្លេស បានលើកឡើងពីទំនាក់ទំនងល្អរវាងកម្ពុជា និងសិង្ហបុរី រួមទាំងបណ្តាប្រទេសទាំងអស់ក្នុងតំបន់។ ជាមួយគ្នានេះ លោកក៏បានគូសបញ្ជាក់ពីប្រវត្តិសាស្ត្រដ៏អស្ចារ្យរបស់កម្ពុជាផងដែរ៕
លោក លី ក្វាន់យូ និងភរិយា ព្រមទាំងកូនៗដែលក្នុងនោះមាន លោក លី សៀនឡុង នាយករដ្ឋមន្ត្រីបច្ចុប្បន្ន បានចូលគាល់សម្តេចឪ និងសម្តេចម៉ែ នាអំឡុងទសវត្សរ៍៦០។ ប្រភព៖ norodomsihanouk.info
© រក្សាសិទ្ធិដោយ thmeythmey.com
