ជាតិ
ការផលិតថាមពលកកើតឡើងវិញកើនឡើង ខណៈការបំភាយជាតិពុលទៅក្នុងបរិយាកាសកើនដូចគ្នា
×![]()
ថាមពលកកើតឡើងវិញ ដែលមានផលិតពីប្រភពមានការប្រកួតប្រជែងខ្លាំងដូចជាកម្លាំងខ្យល់ និងពន្លឺព្រះអាទិត្យ បានកើនឡើងបួនដងទូទាំងពិភពលោកក្នុងរយៈពេលត្រឹមតែ១០ឆ្នាំប៉ុណ្ណោះ។ ប៉ុន្តែ វានៅមិនទាន់អាចបំពេញតម្រូវការបានគ្រប់គ្រាន់នៅឡើយ ស្របពេលដែលការបញ្ចេញជាតិពុលបានកើនឡើង ១០%បន្ថែមផងដែរ។ នេះបើតាមរបាយការណ៍របស់ អង្គការសហប្រជាជាតិចេញនៅថ្ងៃទី៥ ខែកញ្ញា។
គម្រោងវិនិយោគទុនទូទាំងពិភពលោកទៅលើការផលិតថាមពលដែលកកើតឡើងវិញតាំងពីឆ្នាំ២០០៩ នឹងកើនដល់២,៦ពាន់ពាន់លានដុល្លារនៅចុងឆ្នាំ២០១៩នេះ។ នេះបើតាមការវាយតម្លៃប្រចាំឆ្នាំរបស់អង្គការសហប្រជាជាតិស្តីពីនិន្នាការថាមពលបៃតង។
បច្ចុប្បន្ននេះ បណ្តាប្រទេសជុំវិញពិភពលោកមានសមត្ថភាពផលិតថាមពលឡើងវិញ ចេញពីពន្លឺព្រះអាទិត្យ (បន្ទះសូឡា), ខ្យល់, ពីកម្តៅផែនដី, និងសមាសធាតុសរីរាង្គរបស់សត្វ រុក្ខជាតិជាដើម។ ថាមពលផលិតបាន បានកើនឡើងពី៤១៤ ជីហ្គាវ៉ាត់ក្នុងឆ្នាំ ២០០៩ ទៅដល់ ១៦៥០ ជីហ្គាវ៉ាត់នៅឆ្នាំនេះ។ សព្វថ្ងៃ ថាមពលកកើតឡើងវិញមានអត្រា ១២,៩% នៃថាមពលអគ្គីសនីទាំងអស់ដែលបានបង្កើតនៅលើផែនដី។
ថាមពលពន្លឺព្រះអាទិត្យ មានរួមចំណែកធំបំផុត ដោយមានទិន្នផលច្រើនជាង ២៣០០ ជីហ្គាវ៉ាត់បន្ថែមទៅលើថាមពលនៅទូទាំងពិភពលោកក្នុងទសវត្សរ៍កន្លងមកនេះ។ លើសពីនេះ វាបានផ្តល់ទិន្នផលច្រើនជាងការប្រើឥន្ធនៈផូស៊ីលដូចជាធ្យូងថ្មនិងឧស្ម័ន។
យ៉ាងណាមិញ ការសាយភាយសាធាតុពុលទៅក្នុងបរិយាកាស ក៏បានបន្តកើនឡើងផងដែរ ដោយពិភពលោកបានបញ្ចេញឧស្ម័នផ្ទះកញ្ចក់ដែលផលិតដោយមនុស្សនៅក្នុងឆ្នាំ ២០១៨ ច្រើនជាងឆ្នាំណាៗទាំងអស់។
លោកស្រី Inger Andersen នាយកប្រតិបត្តិកម្មវិធីបរិស្ថានរបស់អង្គការសហប្រជាជាតិ បានសាទរចំពោះអ្វីដែលលោកស្រីបានហៅថាជា ទសវត្សរ៍នៃការរីកចម្រើនមិនគួរឱ្យជឿនៃការផលិតថាមពលដែលកកើតឡើងវិញ។ នេះបើតាមការផ្សាយរបស់ទីភ្នាក់ងារព័ត៌មាន AFP ៕
កាលពីឆ្នាំមុន ថាមពលកកើតឡើងវិញ មានបរិមាណស្មើនឹងការបំភាយកាបូនឌីអុកស៊ីតចំនួន ២ ពាន់លានតោន។ ការបំពុលបរិយាកាសនៅតែបន្តកើនឡើង ដែលធ្វើឱ្យប៉ះពាល់ដល់គោលដៅសីតុណ្ហភាពបានចែងនៅក្នុងកិច្ចព្រមព្រៀងអាកាសធាតុក្រុងប៉ារីស នៅពេលដែលតម្រូវការពិភពលោកមិនអាចបញ្ចប់។
ប្រទេសចំនួន ៣០ បានវិនិយោគយ៉ាងហោចណាស់ ១ ពាន់លានដុល្លារក្នុងការកកើតឡើងវិញនៅក្នុងទសវត្សចុងក្រោយនេះ ហើយភាគច្រើនជាអ្នកផលិតផង និងប្រើប្រាស់ប្រេងឥន្ធនៈផូស៊ីលផង។
ជាឧទាហរណ៍ប្រទេសចិនដែលផលិតបានប្រហែល ២៩% នៃឧស្ម័នកាបូនិច និងគឺជាអ្នកវិនិយោគធំជាងគេក្នុងការផលិតថាមពលកកើតឡើងវិញដោយចំណាយ ៧៦០ ពាន់លានដុល្លារចាប់តាំងពីឆ្នាំ ២០១០។ ប៉ុន្តែចិន ក៏ជាអ្នកបំពុលធំមួយដែរ ព្រោះចង់រក្សាទីផ្សារសម្រាប់ឥន្ធនៈផូស៊ីលដែលពួកគេអាចទាញយកប្រាក់ចំណូលបានយ៉ាងច្រើន៕
គម្រោងវិនិយោគទុនទូទាំងពិភពលោកទៅលើការផលិតថាមពលដែលកកើតឡើងវិញតាំងពីឆ្នាំ២០០៩ នឹងកើនដល់២,៦ពាន់ពាន់លានដុល្លារនៅចុងឆ្នាំ២០១៩នេះ។ នេះបើតាមការវាយតម្លៃប្រចាំឆ្នាំរបស់អង្គការសហប្រជាជាតិស្តីពីនិន្នាការថាមពលបៃតង។
បច្ចុប្បន្ននេះ បណ្តាប្រទេសជុំវិញពិភពលោកមានសមត្ថភាពផលិតថាមពលឡើងវិញ ចេញពីពន្លឺព្រះអាទិត្យ (បន្ទះសូឡា), ខ្យល់, ពីកម្តៅផែនដី, និងសមាសធាតុសរីរាង្គរបស់សត្វ រុក្ខជាតិជាដើម។ ថាមពលផលិតបាន បានកើនឡើងពី៤១៤ ជីហ្គាវ៉ាត់ក្នុងឆ្នាំ ២០០៩ ទៅដល់ ១៦៥០ ជីហ្គាវ៉ាត់នៅឆ្នាំនេះ។ សព្វថ្ងៃ ថាមពលកកើតឡើងវិញមានអត្រា ១២,៩% នៃថាមពលអគ្គីសនីទាំងអស់ដែលបានបង្កើតនៅលើផែនដី។
ថាមពលពន្លឺព្រះអាទិត្យ មានរួមចំណែកធំបំផុត ដោយមានទិន្នផលច្រើនជាង ២៣០០ ជីហ្គាវ៉ាត់បន្ថែមទៅលើថាមពលនៅទូទាំងពិភពលោកក្នុងទសវត្សរ៍កន្លងមកនេះ។ លើសពីនេះ វាបានផ្តល់ទិន្នផលច្រើនជាងការប្រើឥន្ធនៈផូស៊ីលដូចជាធ្យូងថ្មនិងឧស្ម័ន។
យ៉ាងណាមិញ ការសាយភាយសាធាតុពុលទៅក្នុងបរិយាកាស ក៏បានបន្តកើនឡើងផងដែរ ដោយពិភពលោកបានបញ្ចេញឧស្ម័នផ្ទះកញ្ចក់ដែលផលិតដោយមនុស្សនៅក្នុងឆ្នាំ ២០១៨ ច្រើនជាងឆ្នាំណាៗទាំងអស់។
លោកស្រី Inger Andersen នាយកប្រតិបត្តិកម្មវិធីបរិស្ថានរបស់អង្គការសហប្រជាជាតិ បានសាទរចំពោះអ្វីដែលលោកស្រីបានហៅថាជា ទសវត្សរ៍នៃការរីកចម្រើនមិនគួរឱ្យជឿនៃការផលិតថាមពលដែលកកើតឡើងវិញ។ នេះបើតាមការផ្សាយរបស់ទីភ្នាក់ងារព័ត៌មាន AFP ៕
កាលពីឆ្នាំមុន ថាមពលកកើតឡើងវិញ មានបរិមាណស្មើនឹងការបំភាយកាបូនឌីអុកស៊ីតចំនួន ២ ពាន់លានតោន។ ការបំពុលបរិយាកាសនៅតែបន្តកើនឡើង ដែលធ្វើឱ្យប៉ះពាល់ដល់គោលដៅសីតុណ្ហភាពបានចែងនៅក្នុងកិច្ចព្រមព្រៀងអាកាសធាតុក្រុងប៉ារីស នៅពេលដែលតម្រូវការពិភពលោកមិនអាចបញ្ចប់។
ប្រទេសចំនួន ៣០ បានវិនិយោគយ៉ាងហោចណាស់ ១ ពាន់លានដុល្លារក្នុងការកកើតឡើងវិញនៅក្នុងទសវត្សចុងក្រោយនេះ ហើយភាគច្រើនជាអ្នកផលិតផង និងប្រើប្រាស់ប្រេងឥន្ធនៈផូស៊ីលផង។
ជាឧទាហរណ៍ប្រទេសចិនដែលផលិតបានប្រហែល ២៩% នៃឧស្ម័នកាបូនិច និងគឺជាអ្នកវិនិយោគធំជាងគេក្នុងការផលិតថាមពលកកើតឡើងវិញដោយចំណាយ ៧៦០ ពាន់លានដុល្លារចាប់តាំងពីឆ្នាំ ២០១០។ ប៉ុន្តែចិន ក៏ជាអ្នកបំពុលធំមួយដែរ ព្រោះចង់រក្សាទីផ្សារសម្រាប់ឥន្ធនៈផូស៊ីលដែលពួកគេអាចទាញយកប្រាក់ចំណូលបានយ៉ាងច្រើន៕
© រក្សាសិទ្ធិដោយ thmeythmey.com
