កម្ពស់ទឹកខេត្តក្រចេះ កំពង់ចាម និងទន្លេកោះខែលបន្តហក់ឡើង ខណៈខេត្តស្ទឹងត្រែងស្រកជាបណ្តើរៗ

ជាតិ

សង្គមជាតិ

កម្ពស់ទឹកខេត្តក្រចេះ កំពង់ចាម និងទន្លេកោះខែលបន្តហក់ឡើង ខណៈខេត្តស្ទឹងត្រែងស្រកជាបណ្តើរៗ

09, Sep 2019 , 11:03 am

រូបភាព

រូបភាពពីក្រសួងធនធានទឹក និងឧតុនិយម

ដោយ: ថ្មីៗ

ភ្នំពេញ៖កម្ពស់ទឹកទន្លេខេត្តក្រចេះ កំពង់ចាម និងទន្លេកោះខែលបន្តហក់ឡើង ខណៈខេត្តស្ទឹងត្រែងបានស្រកជាបណ្តើរៗវិញហើយ។ នេះនេះបើយោងតាមព្រឹត្តិបត្រព័ត៌មាន និងព្យាករកម្ពស់ទឹក សម្រាប់ថ្ងៃទី៩ ខែកញ្ញានេះ។

ការព្យាករ បានបញ្ជាក់ថា ទឹកទន្លេខេត្តក្រចេះ នៅតែបន្តហក់ឡើងដល់២២.៧៣ម៉ែត្រ បើធៀបនឹងថ្ងៃទី៨ កញ្ញា ដែលមានកម្ពស់ទឹក ២២.៧២ ម៉ែត្រ។ ចំណែកខេត្តកំពង់ចាម ក៏បន្តហក់ឡើងដល់ ០.២៩ម៉ែត្របន្ថែមទៀតដែរ ពោលគឺ១៥.៦៤ ម៉ែត្រ ខណៈកម្ពស់ទឹកកោះខែល បន្តឡើងដល់៧.៥៩ម៉ែត្រ ដែលហួសកម្រិតប្រុងប្រយ័ត្នគឺ ៧.៤០ម៉ែត្រ។

ក្រសួងធនធានទឹក បានបន្ថែមថា កម្ពស់ទឹកខេត្តស្ទឹងត្រែងបានស្រក ០.២២ម៉ែត្រ គឺត្រឹម១១.៦០ ម៉ែត្រវិញ បើធៀបថ្ងៃទី៨ កញ្ញា ដែលមានកម្ពស់១១.៨២ម៉ែត្រ។

សម្រាប់ទឹកទន្លេនៅតាមបណ្តាខេត្តផ្សេងៗក៏កំពុងតែហក់ឡើងផងដែរ ក្នុងនោះមានទន្លេបាសាក់ ចតុមុខ មានកម្ពស់៩.២៣ម៉ែត្រ ទន្លេអ្នកលឿង ៦.៥៨ម៉ែត្រ ទន្លេព្រែកក្តាម៧.៣២ម៉ែត្រ និងទន្លេសាប កំពង់លួង ៤.១១ម៉ែត្រ។ នេះបើតាមព្រឹត្តិបត្រព័ត៌មាន និងព្យាករណ៍កម្ពស់ទឹករបស់ក្រសួងធនធានទឹកដែលចេញផ្សាយនៅថ្ងៃទី៩ ខែកញ្ញានេះដដែល៕