អន្តរជាតិ
និស្សិតស្រី Akter Khushi , រូបភាព (Press TV)
×![]()
ដោយ: ធៀន ភារិន្ទ
មន្ត្រីក្រសួងអប់រំបង់ក្លាដែស នៅថ្ងៃទី៨ ខែកញ្ញា បានអះអាងថា សកលវិទ្យាល័យបង់ក្លាដែសមួយកន្លែង បានបញ្ឈប់និស្សិតម្នាក់ពីការសិក្សា បន្ទាប់ពីរកឃើញថា នាងមានដើមកំណើតជាជនជាតិរ៉ូហ៊ីងយ៉ា។ ការបញ្ឈប់ការសិក្សានេះ ធ្វើឡើងស្របពេលជាមួយនឹងការកើនឡើងនៃចំនួនជនភៀសខ្លួនរ៉ូហ៊ីងយ៉ានៅក្នុងប្រទេស និងការបរាជ័យក្នុងការធ្វើមាតុភូមិនិវត្តន៍ជនភៀសខ្លួនទៅមីយ៉ាន់ម៉ាជាពីរលើកមកហើយ។ 
ជនភៀសខ្លួនគ្រប់រូប មិនអាចទទួលបានការអប់រំនៅក្នុងបង់ក្លាដែសបានទេ។ នេះបើផ្អែកតាមការចុះផ្សាយរបស់ទីភ្នាក់ងារសារព័ត៌មាន AFP បន្ទាប់ពីសកលវិទ្យាល័យអន្តរជាតិ Cox’s Bazar បានបញ្ឈប់និស្សិតស្រីម្នាក់ឈ្មោះ Akter Khushi ក្រោយពេលព័ត៌មានក្នុងស្រុកចុះផ្សាយថា និស្សិតវ័យ ២០ឆ្នាំរូបនេះ បានលាក់បាំងអត្តសញ្ញាណនៅពេលចុះឈ្មោះចូលរៀន។
លោកនាយកសាលាខាងលើ បានលើកឡើងថា៖ «ជនជាតិរ៉ូហ៊ីងយ៉ា មិនអាចអនុញ្ញាតឲ្យចូលរៀនសកលវិទ្យាល័យយើងបានទេ។ ជនបរទេសអាចរៀននៅទីនេះបាន ប៉ុន្តែត្រូវគោរពតាមនីតិវិធី»។ ការអះអាងរបស់លោកបែបនេះ គឺក្រោយពីរកឃើញថា និស្សិតស្រីKhushi បានផ្តល់ឯកសារពាក់ព័ន្ធនឹងការបញ្ចប់ថ្នាក់មធ្យមសិក្សានៅទីក្រុង Chittagone ប្រទេសបង់ក្លាដែស។
ទាក់ទងទៅនឹងបញ្ហានេះ និស្សិតច្បាប់វ័យ ២០ឆ្នាំរូបនេះ បានប្រាប់ទីភ្នាក់ងារសារព័ត៌មាន AFP ថា ការសម្រេចចិត្តរបស់សកលវិទ្យាល័យបែបនេះ គឺបំផ្លាញទឹកចិត្តនាងយ៉ាងខ្លាំង។ ក្នុងន័យលើកទឹកចិត្តខ្លួនឯង Khushi បាននិយាយថា បើជាមនុស្សស្រីផ្សេងប្រហែលជាសម្លាប់ខ្លួនហើយ ប៉ុន្តែនាងនឹងព្យាយាមឲ្យបានល្អ ក្នុងការប្រឈមមុខជាមួយរឿងទាំងនេះ។
ដើម្បីការពារពីការចោទប្រកាន់ និស្សិតស្រីរូបនេះអះអាងថា ឪពុកម្តាយរបស់នាងបានចំណាកស្រុកមកពីរដ្ឋរ៉ាឃីនតាំងពីឆ្នាំ ១៩៩០មកម្លេះ ចំណែករូបនាងគឺកើត និងបានធំធាត់ឡើងនៅក្នុងតំបន់ Cox’s Bazar មិនមែនក្នុងរដ្ឋរ៉ាក់ឃីនឡើយ ហើយឥឡូវនេះនាងមិនដឹងគួរធ្វើអ្វីបន្តទៀតឡើយ។
យ៉ាងណាមិញ អង្គការឃ្លាំមើលសិទ្ធិមនុស្ស និងសិទ្ធិជាក្រុមនៅថ្ងៃទី៧ ខែកញ្ញា បានរិះគន់ទៅលើចំណាត់ការមួយនេះ ហើយថាសកម្មភាពបែបនេះធ្វើឲ្យស្ថានការណ៍កាន់តែអាក្រក់ឡើង។ អង្គការនេះថែមទាំងស្នើឲ្យរដ្ឋាភិបាលក្រុងដាក្កា មានដំណោះស្រាយដ៏សមស្របមួយ ជាជាងប្រតិកម្មជ្រុលលើការតវ៉ា និងភាពតានតឹង ដែលបង្កដោយក្រុមជនជាតិរ៉ូហ៊ីងយ៉ា។
សូមបញ្ជាក់ថា កាលពីខែសីហា ឆ្នាំ២០១៧ ជនជាតិរ៉ូហ៊ីងយ៉ាប្រមាណជា ៧៤ម៉ឺននាក់ បានរត់ភៀសខ្លួនចេញពីប្រទេសដោយសារតែការបង្ក្រាបពីសំណាក់រដ្ឋាភិបាលមីយ៉ាន់ម៉ា ទៅរស់នៅប្រទេសក្បែងខាងបង់ក្លាដែស។ ដើម្បីដោះស្រាយបញ្ហាជនភៀសខ្លួននៅក្នុងបង់ក្លាដែស រដ្ឋាភិបាលទីក្រុងណៃពិដោ និងរដ្ឋាភិបាលទីក្រុងដាក្កាបានព្រមព្រៀងគ្នាធ្វើមាតុភូមិនិវត្តន៍ជនភៀសខ្លួនរ៉ូហ៊ីងយ៉ាពីរដងមកហើយ ក៏ប៉ុន្តែត្រូវទទួលរងបរាជ័យ ដោយសារគ្មានជនភៀសខ្លួនណាម្នាក់ចង់ត្រលប់ទៅវិញទេ។
បន្ថែមពីលើនេះទៅទៀតរដ្ឋាភិបាលបង់ក្លាដែស បានបិទសេវាទូរសព្ទ និងអ៊ីនធឺណិតល្បឿនលឿននៅពេលយប់ បន្ទាប់ពីផ្ទុះអំពើហិង្សានៅក្នុងជំរុំជនភៀសខ្លួនក្នុងពេលថ្មីៗនេះ៕
ជនភៀសខ្លួនគ្រប់រូប មិនអាចទទួលបានការអប់រំនៅក្នុងបង់ក្លាដែសបានទេ។ នេះបើផ្អែកតាមការចុះផ្សាយរបស់ទីភ្នាក់ងារសារព័ត៌មាន AFP បន្ទាប់ពីសកលវិទ្យាល័យអន្តរជាតិ Cox’s Bazar បានបញ្ឈប់និស្សិតស្រីម្នាក់ឈ្មោះ Akter Khushi ក្រោយពេលព័ត៌មានក្នុងស្រុកចុះផ្សាយថា និស្សិតវ័យ ២០ឆ្នាំរូបនេះ បានលាក់បាំងអត្តសញ្ញាណនៅពេលចុះឈ្មោះចូលរៀន។
លោកនាយកសាលាខាងលើ បានលើកឡើងថា៖ «ជនជាតិរ៉ូហ៊ីងយ៉ា មិនអាចអនុញ្ញាតឲ្យចូលរៀនសកលវិទ្យាល័យយើងបានទេ។ ជនបរទេសអាចរៀននៅទីនេះបាន ប៉ុន្តែត្រូវគោរពតាមនីតិវិធី»។ ការអះអាងរបស់លោកបែបនេះ គឺក្រោយពីរកឃើញថា និស្សិតស្រីKhushi បានផ្តល់ឯកសារពាក់ព័ន្ធនឹងការបញ្ចប់ថ្នាក់មធ្យមសិក្សានៅទីក្រុង Chittagone ប្រទេសបង់ក្លាដែស។
ទាក់ទងទៅនឹងបញ្ហានេះ និស្សិតច្បាប់វ័យ ២០ឆ្នាំរូបនេះ បានប្រាប់ទីភ្នាក់ងារសារព័ត៌មាន AFP ថា ការសម្រេចចិត្តរបស់សកលវិទ្យាល័យបែបនេះ គឺបំផ្លាញទឹកចិត្តនាងយ៉ាងខ្លាំង។ ក្នុងន័យលើកទឹកចិត្តខ្លួនឯង Khushi បាននិយាយថា បើជាមនុស្សស្រីផ្សេងប្រហែលជាសម្លាប់ខ្លួនហើយ ប៉ុន្តែនាងនឹងព្យាយាមឲ្យបានល្អ ក្នុងការប្រឈមមុខជាមួយរឿងទាំងនេះ។
ដើម្បីការពារពីការចោទប្រកាន់ និស្សិតស្រីរូបនេះអះអាងថា ឪពុកម្តាយរបស់នាងបានចំណាកស្រុកមកពីរដ្ឋរ៉ាឃីនតាំងពីឆ្នាំ ១៩៩០មកម្លេះ ចំណែករូបនាងគឺកើត និងបានធំធាត់ឡើងនៅក្នុងតំបន់ Cox’s Bazar មិនមែនក្នុងរដ្ឋរ៉ាក់ឃីនឡើយ ហើយឥឡូវនេះនាងមិនដឹងគួរធ្វើអ្វីបន្តទៀតឡើយ។
យ៉ាងណាមិញ អង្គការឃ្លាំមើលសិទ្ធិមនុស្ស និងសិទ្ធិជាក្រុមនៅថ្ងៃទី៧ ខែកញ្ញា បានរិះគន់ទៅលើចំណាត់ការមួយនេះ ហើយថាសកម្មភាពបែបនេះធ្វើឲ្យស្ថានការណ៍កាន់តែអាក្រក់ឡើង។ អង្គការនេះថែមទាំងស្នើឲ្យរដ្ឋាភិបាលក្រុងដាក្កា មានដំណោះស្រាយដ៏សមស្របមួយ ជាជាងប្រតិកម្មជ្រុលលើការតវ៉ា និងភាពតានតឹង ដែលបង្កដោយក្រុមជនជាតិរ៉ូហ៊ីងយ៉ា។
សូមបញ្ជាក់ថា កាលពីខែសីហា ឆ្នាំ២០១៧ ជនជាតិរ៉ូហ៊ីងយ៉ាប្រមាណជា ៧៤ម៉ឺននាក់ បានរត់ភៀសខ្លួនចេញពីប្រទេសដោយសារតែការបង្ក្រាបពីសំណាក់រដ្ឋាភិបាលមីយ៉ាន់ម៉ា ទៅរស់នៅប្រទេសក្បែងខាងបង់ក្លាដែស។ ដើម្បីដោះស្រាយបញ្ហាជនភៀសខ្លួននៅក្នុងបង់ក្លាដែស រដ្ឋាភិបាលទីក្រុងណៃពិដោ និងរដ្ឋាភិបាលទីក្រុងដាក្កាបានព្រមព្រៀងគ្នាធ្វើមាតុភូមិនិវត្តន៍ជនភៀសខ្លួនរ៉ូហ៊ីងយ៉ាពីរដងមកហើយ ក៏ប៉ុន្តែត្រូវទទួលរងបរាជ័យ ដោយសារគ្មានជនភៀសខ្លួនណាម្នាក់ចង់ត្រលប់ទៅវិញទេ។
បន្ថែមពីលើនេះទៅទៀតរដ្ឋាភិបាលបង់ក្លាដែស បានបិទសេវាទូរសព្ទ និងអ៊ីនធឺណិតល្បឿនលឿននៅពេលយប់ បន្ទាប់ពីផ្ទុះអំពើហិង្សានៅក្នុងជំរុំជនភៀសខ្លួនក្នុងពេលថ្មីៗនេះ៕
Tag:
បង់ក្លាដែស
រ៉ូហ៊ីងយ៉ា
© រក្សាសិទ្ធិដោយ thmeythmey.com
