អន្តរជាតិ
ប្រមុខការទូតអាមេរិកសង្ឃឹមថា ជំនួបជាមួយកូរ៉េខាងជើង នឹងកើតឡើងក្នុងពេលឆាប់ៗនេះ
រដ្ឋមន្រ្តីការបរទេសអាមេរិក ម៉ៃ ប៉ុមប៉េអូ, រូបភាព (ABC News)
×![]()
ដោយ: ធៀន ភារិន្ទ
រដ្ឋមន្ត្រីការបរទេសអាមេរិក ម៉ៃ ប៉ុមប៉េអូ នៅថ្ងៃទី០៨ ខែកញ្ញា បាននិយាយថា ទីក្រុងវ៉ាស៊ីនតោនសង្ឃឹមថា កិច្ចចរចារំសាយអាវុធនុយក្លេអ៊ែរ នឹងមានក្នុងពេលឆាប់ៗនេះ។ លោក ប៉ុមប៉េអូ នៅតែមានគំនិតវិជ្ជមានបែបនេះ បើទោះបីជាកូរ៉េខាងជើងបានសាកល្បងមីស៊ីលប៉ាលីស្ទិកចំងាយខ្លីជាច្រើនលើកមកហើយក៏ដោយ។ 
បន្ទាប់ពីកិច្ចចរចារំសាយអាវុធនុយក្លេអ៊ែរកូរ៉េខាងជើងចុងក្រោយរវាងអាមេរិក និងកូរ៉េខាងជើងបានបិទបញ្ជប់ដោយមិនមានកិច្ចព្រមព្រៀងជាមួយគ្នារួចមក រដ្ឋាភិបាលទីក្រុងព្យុងយ៉ាងបានចាប់ផ្តើមសាកល្បងមីស៊ីលចំងាយខ្លី៧ដង ក្នុងគោលបំណងគំរាមកំហែងអាមេរិក ក៏ដូចជាការធ្វើសមយុទ្ធយោធារវាងរដ្ឋាភិបាលទីក្រុងវ៉ាស៊ីនតោន និងរដ្ឋាភិបាលទីក្រុងសេអ៊ូល។
តាមរយៈបទសម្ភាសន៍នៅលើកញ្ចក់ទូរទស្សន៍អាមេរិក ABC កាលពីសប្តាហ៍មុន លោកម៉ៃ ប៉ុមប៉េអូ បានលើកឡើងថា អាមេរិកដឹងថា មេដឹកនាំគីម ជុងអ៊ុន នៅតែបន្តកិច្ចចរចារំសាយអាវុធនុយក្លេអ៊ែរ ហើយសង្ឃឹមថា លោក ត្រាំ និងលោក គីម នឹងចូលតុចរចាក្នុងពេលឆាប់ៗនេះ។ វា គឺលទ្ធផលដ៍ល្អមួយ។
ទោះជាខកចិត្តនឹងការសាកល្បងមីស៊ីលរបស់ទីក្រុងព្យុងយ៉ាងក្ដី លោក ប៉ុមប៉េអូ នៅតែជឿថា ការប្តេជ្ញាចិត្តរបស់លោក គីម ចំពោះលោក ត្រាំ នៅក្នុងកិច្ចចរចារំសាយអាវុធនុយក្លេអ៊ែរនៅតែមានដដែល។ បន្ថែមពីលើនេះ ប្រមុខការទូតអាមេរិកបានអះអាងទៀតថា លោក ត្រាំ នឹងមានការខកចិត្ត ប្រសិនបើកូរ៉េខាងជើងនៅតែមិនចូលតុចារចា ឬនៅតែសាកល្បងមីស៊ីលប៉ាលីស្ទិក ដែលផ្ទុយនឹងកិច្ចព្រមព្រៀង ដែលពួកគេបានធ្វើកន្លងមក។
សូមបញ្ជាក់ថា កិច្ចចរចារំសាយអាវុធនុយក្លេអ៊ែររវាងអាមេរិក និងកូរ៉េខាងជើងបានធ្វើ២លើករួចមកហើយ ប៉ុន្តែនៅតែរកច្រកចេញមិនទាន់ឃើញនៅឡើយ។ យ៉ាងណាមិញ កាលពីខែមិថុនា មេដឹកនាំទីក្រុងព្យុងយ៉ាង និងវ៉ាស៊ីនតោន បានជួបគ្នាជាថ្មីនៅតំបន់គ្មានយោធាក្នុងឧបទ្វីបកូរ៉េ ហើយសន្យាថានឹងមានជំនួបចរចាលើកទី៣ ក្នុងពេលឆាប់ៗខាងមុខ។ ប៉ុន្តែមកដល់ពេលបច្ចុប្បន្នមិនទាន់មានជំនួបណាមួយរវាងមេដឹកនាំទាំងពីរកើតឡើងទេ៕
បន្ទាប់ពីកិច្ចចរចារំសាយអាវុធនុយក្លេអ៊ែរកូរ៉េខាងជើងចុងក្រោយរវាងអាមេរិក និងកូរ៉េខាងជើងបានបិទបញ្ជប់ដោយមិនមានកិច្ចព្រមព្រៀងជាមួយគ្នារួចមក រដ្ឋាភិបាលទីក្រុងព្យុងយ៉ាងបានចាប់ផ្តើមសាកល្បងមីស៊ីលចំងាយខ្លី៧ដង ក្នុងគោលបំណងគំរាមកំហែងអាមេរិក ក៏ដូចជាការធ្វើសមយុទ្ធយោធារវាងរដ្ឋាភិបាលទីក្រុងវ៉ាស៊ីនតោន និងរដ្ឋាភិបាលទីក្រុងសេអ៊ូល។
តាមរយៈបទសម្ភាសន៍នៅលើកញ្ចក់ទូរទស្សន៍អាមេរិក ABC កាលពីសប្តាហ៍មុន លោកម៉ៃ ប៉ុមប៉េអូ បានលើកឡើងថា អាមេរិកដឹងថា មេដឹកនាំគីម ជុងអ៊ុន នៅតែបន្តកិច្ចចរចារំសាយអាវុធនុយក្លេអ៊ែរ ហើយសង្ឃឹមថា លោក ត្រាំ និងលោក គីម នឹងចូលតុចរចាក្នុងពេលឆាប់ៗនេះ។ វា គឺលទ្ធផលដ៍ល្អមួយ។
ទោះជាខកចិត្តនឹងការសាកល្បងមីស៊ីលរបស់ទីក្រុងព្យុងយ៉ាងក្ដី លោក ប៉ុមប៉េអូ នៅតែជឿថា ការប្តេជ្ញាចិត្តរបស់លោក គីម ចំពោះលោក ត្រាំ នៅក្នុងកិច្ចចរចារំសាយអាវុធនុយក្លេអ៊ែរនៅតែមានដដែល។ បន្ថែមពីលើនេះ ប្រមុខការទូតអាមេរិកបានអះអាងទៀតថា លោក ត្រាំ នឹងមានការខកចិត្ត ប្រសិនបើកូរ៉េខាងជើងនៅតែមិនចូលតុចារចា ឬនៅតែសាកល្បងមីស៊ីលប៉ាលីស្ទិក ដែលផ្ទុយនឹងកិច្ចព្រមព្រៀង ដែលពួកគេបានធ្វើកន្លងមក។
សូមបញ្ជាក់ថា កិច្ចចរចារំសាយអាវុធនុយក្លេអ៊ែររវាងអាមេរិក និងកូរ៉េខាងជើងបានធ្វើ២លើករួចមកហើយ ប៉ុន្តែនៅតែរកច្រកចេញមិនទាន់ឃើញនៅឡើយ។ យ៉ាងណាមិញ កាលពីខែមិថុនា មេដឹកនាំទីក្រុងព្យុងយ៉ាង និងវ៉ាស៊ីនតោន បានជួបគ្នាជាថ្មីនៅតំបន់គ្មានយោធាក្នុងឧបទ្វីបកូរ៉េ ហើយសន្យាថានឹងមានជំនួបចរចាលើកទី៣ ក្នុងពេលឆាប់ៗខាងមុខ។ ប៉ុន្តែមកដល់ពេលបច្ចុប្បន្នមិនទាន់មានជំនួបណាមួយរវាងមេដឹកនាំទាំងពីរកើតឡើងទេ៕
Tag:
អាមេរិក
កូរ៉េខាងជើង
ម៉ៃ ប៉ុមប៉េអូ
© រក្សាសិទ្ធិដោយ thmeythmey.com
