ជាតិ
សង្គមជាតិ
លោក វង្ស ពិសេន អគ្គមេបញ្ជាការនៃកងយោធពលខេមរភូមិន្ទ (រូបពីអគ្គបញ្ជាការដ្ឋាន)
×![]()
ដោយ: ថ្មីៗ
កងកម្លាំងយោធា មិនត្រូវស្លៀកពាក់ឯកសណ្ឋាននិងយកអាវុធតាមខ្លួនឡើយ ពេលចូលក្លិបកម្សាន្ត ភោជនីយដ្ឋាន និង អគារលក់ទំនិញ ដែលប្រមូលផ្តុំមហាជន។ នេះជាបញ្ជា ដែលចេញដោយនាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ កាលពីថ្ងៃទី៣ ខែកញ្ញា ឆ្នាំ២០១៩។ 
នាយឧត្តមសេនីយ៍ វង្ស ពិសេន បញ្ជាក់ថា កម្លាំងយោធា អាចយកអាវុធទៅកន្លែងទាំងនោះបាន បើស្ថិតក្នុងប្រតិបត្តិការ។ ការចេញបញ្ជានេះ គឺដើម្បីកុំឲ្យបាត់បង់សណ្ដាប់ធ្នាប់និងវិន័យរបស់កងយោធពលខេមរភូមិន្ទ។
នាយឧត្តមសេនីយ៍ ឈុំ សុជាត ប្រាប់សារព័ត៌មានថ្មីៗតាមទូរសព្ទថា ប្រជាជន អាចនឹងមានអារម្មណ៍ភ័យខ្លាចនិងបារម្ភពីសន្តិសុខ បើយោធាណាម្នាក់ ដាក់អាវុធតាមខ្លួន ពេលចូលកន្លែងទាំងនោះ។ លោក បញ្ជាក់ដូច្នេះថា៖«ជូនកាលយើង រេកៃទៅ វា ប៉ះពាល់ដល់ប្រជាពលរដ្ឋ»។
លោក បន្តថា ការចេញបញ្ជានេះ ក៏ដើម្បីការពារកុំឲ្យប៉ះពាល់ដល់កិត្តិយសយោធា ដោយសារតែការផ្ទុះអាវុធ នៅកន្លែងកម្សាន្តផ្សេងៗ។ លោក សង្កត់ធ្ងន់ថា៖«ជូនកាលផឹកស្រវឹង បាញ់បោះទៅ វាបាត់តួនាទី គេដកស័ក្តិអី វាស្តាយ អ៊ីចឹងយើងត្រូវហាមឃាត់....»។
បើតាមអ្នកនាំពាក្យ ការហាមមិនឲ្យយោធា យកអាវុធចូលកន្លែងទាំងនេះ មិនមែនជារឿងថ្មីនោះទេ ពោលគឺ កន្លងមក មេដឹកនាំយោធា ក៏ធ្លាប់ហាមប្រាមដែរ។
តាមរយៈបទបញ្ជានេះ នាយឧត្តមសេនីយ៍ វង្ស ពិសេន ក៏បានប្រាប់មេបញ្ជាការកងទ័ព នាយកស្ថាប័ន និងនាយកសាលា ដែលចំណុះអគ្គបញ្ជាការដ្ឋាននៃកងយោធពលខេមរភូមិន្ទ កុំឲ្យយកកងទ័ព ឬធម្យោបាយរបស់កងទ័ពក្នុងអង្គភាព «ទៅបម្រើការងា ឬយាមការពារក្រុមហ៊ុន រោងចក្រ សហគ្រាសឯកជន និងបម្រើការងារបុគ្គលឯកជន»។
លោក ឈុំ សុជាត អះអាងថា ការហាមមិនឲ្យយកកម្លាំងយោធាទៅបម្រើវិស័យឯកជននេះ ក៏ក្រសួងការពារជាតិ ធ្លាប់ហាមពីមុនមកដែរ។ លោក ថ្លែងបែបនេះថា៖«ក្រសួង មិនដែលអនុញ្ញាតឲ្យធ្វើទេ តែជារឿងបុគ្គល ដែលធ្វើ។ ការណែនាំនេះ ដើម្បីរម្លឹកស្មារតីឡើងវិញ ចំពោះអ្នកដែលអនុវត្តខុស ឲ្យអនុវត្តចាប់ផ្តើមពីពេលនេះទៅ កុំឲ្យមានបន្តទៀត»។
កាលពីដើមខែកក្កដា ឆ្នាំ២០១៩ សម្តេច ស ខេង រដ្ឋមន្ត្រីក្រសួងមហាផ្ទៃ បានចេញបទបញ្ជាមួយ ដោយបានហាមគ្រប់អង្គភាព មិនឲ្យយកកងកម្លាំងនគរបាល និងមធ្យោបាយផ្សេងៗ (ម៉ូតូ រថយន្ត...) ទៅបម្រើការងារតាមក្រុមហ៊ុន រោងចក្រ សហគ្រាស ឬជាលក្ខណៈបុគ្គលឯកជន ដោយគ្មានការអនុញ្ញាតពីថ្នាក់ដឹកនាំ។ លើសពីនេះ រដ្ឋមន្ត្រីមហាផ្ទៃ នៅហាមមិនឲ្យយកកងកម្លាំងនគរបាលទៅប្រចាំការ ឬការពារនៅកន្លែងកម្សាន្តផ្សេងៗ ដូចជា ក្លិប ខារ៉ាអូខេ និង កាស៊ីណូ ជាដើម៕
នាយឧត្តមសេនីយ៍ វង្ស ពិសេន បញ្ជាក់ថា កម្លាំងយោធា អាចយកអាវុធទៅកន្លែងទាំងនោះបាន បើស្ថិតក្នុងប្រតិបត្តិការ។ ការចេញបញ្ជានេះ គឺដើម្បីកុំឲ្យបាត់បង់សណ្ដាប់ធ្នាប់និងវិន័យរបស់កងយោធពលខេមរភូមិន្ទ។
នាយឧត្តមសេនីយ៍ ឈុំ សុជាត ប្រាប់សារព័ត៌មានថ្មីៗតាមទូរសព្ទថា ប្រជាជន អាចនឹងមានអារម្មណ៍ភ័យខ្លាចនិងបារម្ភពីសន្តិសុខ បើយោធាណាម្នាក់ ដាក់អាវុធតាមខ្លួន ពេលចូលកន្លែងទាំងនោះ។ លោក បញ្ជាក់ដូច្នេះថា៖«ជូនកាលយើង រេកៃទៅ វា ប៉ះពាល់ដល់ប្រជាពលរដ្ឋ»។
លោក បន្តថា ការចេញបញ្ជានេះ ក៏ដើម្បីការពារកុំឲ្យប៉ះពាល់ដល់កិត្តិយសយោធា ដោយសារតែការផ្ទុះអាវុធ នៅកន្លែងកម្សាន្តផ្សេងៗ។ លោក សង្កត់ធ្ងន់ថា៖«ជូនកាលផឹកស្រវឹង បាញ់បោះទៅ វាបាត់តួនាទី គេដកស័ក្តិអី វាស្តាយ អ៊ីចឹងយើងត្រូវហាមឃាត់....»។
បើតាមអ្នកនាំពាក្យ ការហាមមិនឲ្យយោធា យកអាវុធចូលកន្លែងទាំងនេះ មិនមែនជារឿងថ្មីនោះទេ ពោលគឺ កន្លងមក មេដឹកនាំយោធា ក៏ធ្លាប់ហាមប្រាមដែរ។
តាមរយៈបទបញ្ជានេះ នាយឧត្តមសេនីយ៍ វង្ស ពិសេន ក៏បានប្រាប់មេបញ្ជាការកងទ័ព នាយកស្ថាប័ន និងនាយកសាលា ដែលចំណុះអគ្គបញ្ជាការដ្ឋាននៃកងយោធពលខេមរភូមិន្ទ កុំឲ្យយកកងទ័ព ឬធម្យោបាយរបស់កងទ័ពក្នុងអង្គភាព «ទៅបម្រើការងា ឬយាមការពារក្រុមហ៊ុន រោងចក្រ សហគ្រាសឯកជន និងបម្រើការងារបុគ្គលឯកជន»។
លោក ឈុំ សុជាត អះអាងថា ការហាមមិនឲ្យយកកម្លាំងយោធាទៅបម្រើវិស័យឯកជននេះ ក៏ក្រសួងការពារជាតិ ធ្លាប់ហាមពីមុនមកដែរ។ លោក ថ្លែងបែបនេះថា៖«ក្រសួង មិនដែលអនុញ្ញាតឲ្យធ្វើទេ តែជារឿងបុគ្គល ដែលធ្វើ។ ការណែនាំនេះ ដើម្បីរម្លឹកស្មារតីឡើងវិញ ចំពោះអ្នកដែលអនុវត្តខុស ឲ្យអនុវត្តចាប់ផ្តើមពីពេលនេះទៅ កុំឲ្យមានបន្តទៀត»។
កាលពីដើមខែកក្កដា ឆ្នាំ២០១៩ សម្តេច ស ខេង រដ្ឋមន្ត្រីក្រសួងមហាផ្ទៃ បានចេញបទបញ្ជាមួយ ដោយបានហាមគ្រប់អង្គភាព មិនឲ្យយកកងកម្លាំងនគរបាល និងមធ្យោបាយផ្សេងៗ (ម៉ូតូ រថយន្ត...) ទៅបម្រើការងារតាមក្រុមហ៊ុន រោងចក្រ សហគ្រាស ឬជាលក្ខណៈបុគ្គលឯកជន ដោយគ្មានការអនុញ្ញាតពីថ្នាក់ដឹកនាំ។ លើសពីនេះ រដ្ឋមន្ត្រីមហាផ្ទៃ នៅហាមមិនឲ្យយកកងកម្លាំងនគរបាលទៅប្រចាំការ ឬការពារនៅកន្លែងកម្សាន្តផ្សេងៗ ដូចជា ក្លិប ខារ៉ាអូខេ និង កាស៊ីណូ ជាដើម៕
Tag:
វង្ស ពិសេន
© រក្សាសិទ្ធិដោយ thmeythmey.com
