ជាតិ
យុទ្ធនាការទប់ស្កាត់ពលកម្មកុមារក្នុងសិប្បកម្មផលិតឥដ្ឋ បន្តចុះដល់៥០ទីតាំងទៀតក្នុងខេត្តកំពង់ចាម ត្បូងឃ្មុំ និងក្រចេះ
×![]()
ដោយ: ថ្មីៗ
(កំពង់ចាម)៖ យុទ្ធនាការទប់ស្កាត់ការប្រើប្រាស់ពលកម្មកុមារ ក្នុងវិស័យសិប្បកម្មផលិតឥដ្ឋ នៅតែបន្តអនុវត្តវិធានការយ៉ាងម៉ឺងម៉ាត់ និងបានចុះទៅដល់ខេត្តកំពង់ចាម ខេត្តត្បូងឃ្មុំ និងខេត្តក្រចេះ ដើម្បីលើកកម្ពស់ការអនុវត្តច្បាប់ស្តីពីការងារ និងយុទ្ធនាការសហគមន៍ផលិតឥដ្ឋគ្មានពលកម្មកុមារ នៅឆ្នាំ២០២០។
ការយុទ្ធនាការក្នុងខេត្តទាំងបីនេះ គឺបានចុះទៅដល់សិប្បកម្មផលិតឥដ្ឋចំនួន ៥០ទីតាំង គិតចាប់ពីថ្ងៃទី២ ខែកញ្ញា ឆ្នាំ២០១៩ មក។
លោក វ៉េង ហៀង ប្រធាននាយកដ្ឋានការងារកុមារ នៃក្រសួងការងារ និងបណ្ដុះបណ្ដាលវិជ្ជាជីវៈ បានដឹកនាំក្រុមការងារយុទ្ធនាការទប់ស្កាត់ការប្រើប្រាស់ពលកម្មកុមារ ក្នុងវិស័យសិប្បកម្មផលិតឥដ្ឋ នៅក្នុងខេត្តទាំងបីនេះ។
បើតាម លោក វ៉េង ហៀង លោកបានសង្កេតឃើញពីវឌ្ឍនភាពលក្ខខណ្ឌការងារល្អគួរឲ្យកត់សម្គាល់ នៅបណ្តាសិប្បកម្មដែលក្រុមការងារបានទៅដល់។ លោក វ៉េង ហៀង បញ្ជាក់ថា ការយល់ដឹងអំពីការទប់ស្កាត់ការប្រើប្រាស់ពលកម្មកុមារ ក្នុងចំណោមនិយោជក កម្មករនិយោជិត ក្រុមគ្រួសារ និងសហគមន៍នៅក្នុងវិស័យសិប្បកម្មផលិតឥដ្ឋ មានការរីកចម្រើនគួរឱ្យកត់សម្គាល់ បើធៀបទៅនឹងឆ្នាំ២០១៦។
អ្វីដែលគួរឲ្យកត់សម្គាល់នោះ គឺគ្រប់សិប្បកម្មផលិតឥដ្ឋទាំងអស់ មិនមានប្រើប្រាស់ពលកម្មកុមារនោះទេ និងនិយោជកប្រមាណ ១០ ភាគរយ មានសញ្ញាហាមប្រើប្រាស់កុមារអាយុក្រោម ១៥ឆ្នាំ។ ម្យ៉ាងទៀត សិប្បកម្មទាំងនោះ ក៏បានប្រើប្រាស់ឧសមិនប៉ះពាល់ដល់បរិស្ថានផងដែរ ខណៈដែលវឌ្ឍភាពល្អក៏គួរឲ្យកត់សម្គាល់មួយចំណុចទៀតនោះគឺ ក្រុមការងារមិនបានរកឃើញថាមានសិប្បកម្មផលិតឥដ្ឋណាមួយ ដែលមានការកាត់បំណុល ការដាក់បន្ទុកសេរីភាពកម្មករនិយោជិត ការងារដោយបង្ខំ និងទាសភាពបំណុល ឬអន្ទាក់បំណុលនោះទេ។ ទោះជាយ៉ាងនេះក្តី ក្រុមការងារសង្កេតឃើញថា ម៉ាស៊ីនផលិតដុំឥដ្ឋ នៅមិនទាន់មានលក្ខណៈស្វ័យប្រវត្តិនៅឡើយ។
នាអំឡុងពេលចុះយុទ្ធនាការនេះផងដែរ និយោជក និងសហគមន៍ផលិតឥដ្ឋទាំងអស់ បានប្តេជ្ញាជំរុញឱ្យកុមារទទួលបានការអប់រំ បណ្តុះបណ្តាលជំនាញ និងទប់ស្កាត់គ្រោះថ្នាក់ការងារ ក៏ដូចជាការប្រើប្រាស់ពលកម្មកុមារនៅក្នុងសិប្បកម្មផលិតផលឥដ្ឋ។
លោក វ៉េង ហៀង បានបញ្ជាក់ទៀតថា យុទ្ធនាការនេះ នឹងបន្តទៅទូទាំងរាជធានី-ខេត្ត ដែលមានសិប្បកម្មផលិតឥដ្ឋដោយមិនលើកលែង និងគ្មានការយោគយល់ឡើយ៕
ការយុទ្ធនាការក្នុងខេត្តទាំងបីនេះ គឺបានចុះទៅដល់សិប្បកម្មផលិតឥដ្ឋចំនួន ៥០ទីតាំង គិតចាប់ពីថ្ងៃទី២ ខែកញ្ញា ឆ្នាំ២០១៩ មក។
លោក វ៉េង ហៀង ប្រធាននាយកដ្ឋានការងារកុមារ នៃក្រសួងការងារ និងបណ្ដុះបណ្ដាលវិជ្ជាជីវៈ បានដឹកនាំក្រុមការងារយុទ្ធនាការទប់ស្កាត់ការប្រើប្រាស់ពលកម្មកុមារ ក្នុងវិស័យសិប្បកម្មផលិតឥដ្ឋ នៅក្នុងខេត្តទាំងបីនេះ។
បើតាម លោក វ៉េង ហៀង លោកបានសង្កេតឃើញពីវឌ្ឍនភាពលក្ខខណ្ឌការងារល្អគួរឲ្យកត់សម្គាល់ នៅបណ្តាសិប្បកម្មដែលក្រុមការងារបានទៅដល់។ លោក វ៉េង ហៀង បញ្ជាក់ថា ការយល់ដឹងអំពីការទប់ស្កាត់ការប្រើប្រាស់ពលកម្មកុមារ ក្នុងចំណោមនិយោជក កម្មករនិយោជិត ក្រុមគ្រួសារ និងសហគមន៍នៅក្នុងវិស័យសិប្បកម្មផលិតឥដ្ឋ មានការរីកចម្រើនគួរឱ្យកត់សម្គាល់ បើធៀបទៅនឹងឆ្នាំ២០១៦។
អ្វីដែលគួរឲ្យកត់សម្គាល់នោះ គឺគ្រប់សិប្បកម្មផលិតឥដ្ឋទាំងអស់ មិនមានប្រើប្រាស់ពលកម្មកុមារនោះទេ និងនិយោជកប្រមាណ ១០ ភាគរយ មានសញ្ញាហាមប្រើប្រាស់កុមារអាយុក្រោម ១៥ឆ្នាំ។ ម្យ៉ាងទៀត សិប្បកម្មទាំងនោះ ក៏បានប្រើប្រាស់ឧសមិនប៉ះពាល់ដល់បរិស្ថានផងដែរ ខណៈដែលវឌ្ឍភាពល្អក៏គួរឲ្យកត់សម្គាល់មួយចំណុចទៀតនោះគឺ ក្រុមការងារមិនបានរកឃើញថាមានសិប្បកម្មផលិតឥដ្ឋណាមួយ ដែលមានការកាត់បំណុល ការដាក់បន្ទុកសេរីភាពកម្មករនិយោជិត ការងារដោយបង្ខំ និងទាសភាពបំណុល ឬអន្ទាក់បំណុលនោះទេ។ ទោះជាយ៉ាងនេះក្តី ក្រុមការងារសង្កេតឃើញថា ម៉ាស៊ីនផលិតដុំឥដ្ឋ នៅមិនទាន់មានលក្ខណៈស្វ័យប្រវត្តិនៅឡើយ។
នាអំឡុងពេលចុះយុទ្ធនាការនេះផងដែរ និយោជក និងសហគមន៍ផលិតឥដ្ឋទាំងអស់ បានប្តេជ្ញាជំរុញឱ្យកុមារទទួលបានការអប់រំ បណ្តុះបណ្តាលជំនាញ និងទប់ស្កាត់គ្រោះថ្នាក់ការងារ ក៏ដូចជាការប្រើប្រាស់ពលកម្មកុមារនៅក្នុងសិប្បកម្មផលិតផលឥដ្ឋ។
លោក វ៉េង ហៀង បានបញ្ជាក់ទៀតថា យុទ្ធនាការនេះ នឹងបន្តទៅទូទាំងរាជធានី-ខេត្ត ដែលមានសិប្បកម្មផលិតឥដ្ឋដោយមិនលើកលែង និងគ្មានការយោគយល់ឡើយ៕
© រក្សាសិទ្ធិដោយ thmeythmey.com
