Honda ថា ពេលជួបបារ៉ែន មានអ្នកគាំទ្រ៥៥០០០នាក់ មិនមែន៤៥០០០នាក់ឡើយ

FIFA

កីឡាជាតិ

ជាតិ

Honda ថា ពេលជួបបារ៉ែន មានអ្នកគាំទ្រ៥៥០០០នាក់ មិនមែន៤៥០០០នាក់ឡើយ

11, Sep 2019 , 10:39 pm

រូបភាព

ដោយ: ទេព ពិទូរ្យ

ក្នុងការប្រកួតរវាងក្រុមកីឡាបាល់ទាត់ជម្រើសជាតិកម្ពុជាទល់បារ៉ែន ក្នុងវគ្គជម្រុះ World Cup 2022 នៅពហុកីឡដ្ឋានជាតិ នាល្ងាចថ្ងៃទី១០ ខែកញ្ញា បានធ្វើឲ្យកម្ពុជា ជាប់កំណត់ត្រាមានអ្នកទស្សនាផ្ទាល់ច្រើនលើសគេ។ FIFA បានបង្ហាញតួលេខពីចំនួនអ្នកចូលរួមជំនួបនេះដល់ទៅពីរលើក ដោយលើកទី១ចំនួន ៥៥០០០នាក់ និងក្រោយការប្រកួតប្រកាសថាសល់ត្រឹម៤៥០០០នាក់ទៅវិញ។ តើចំនួនណាដែលត្រឹមត្រូវ ខណៈដែលអ្នកចាត់ការលោក Keisuke Honda បានសរសរក្នុងបណ្តាញសង្គម Instagram របស់លោកនៅថ្ងៃទី១១ កញ្ញា ថាមានអ្នកគាំទ្ររហូតដល់ ៥៥០០០នាក់។

អត្ថបទទាក់ទង

ទោះចាញ់បារ៉ែន តែកម្ពុជាជាប់កំណត់ត្រា មានអ្នកទស្សនាច្រើនជាងគេ

បើទោះជាបរាជ័យជំនួបលើកទី២ក្រោមថ្វីជើងក្រុមបារ៉ែនក្នុងលទ្ធផល ១-០ ក្តី ប៉ុន្តែក្រុមគោព្រៃកម្ពុជាក្រោមការដឹកនាំរបស់អ្នកចាត់ការទូទៅលោក Keisuke Honda និងលោក Felix Dalmas ជាគ្រូបង្វឹកនោះ បានបង្ហាញទម្រង់លេងដ៏គួរឲ្យភ្ញាក់ផ្អើលបំផុតក្រោមក្រសែភ្នែកទស្សនិកជនខ្មែររាប់ម៉ឺននាក់។

យ៉ាងណាក្តី មានការលើកឡើងលើចំនួនអ្នកចូលទស្សនាផ្ទាល់នៅពហុកីឡដ្ឋានជាតិខុសតួលេខគ្នាដល់ទៅ១ម៉ឺននាក់។ ក្នុងអំឡុងការប្រកួតនៅនាទី៧៥ ពិធីការិនី បានប្រកាសថា មានអ្នកគាំទ្រចំនួន៥៥០០០នាក់ ស្របគ្នានោះ FIFA ក៏បានប្រកាសចំនួនដូចគ្នានេះលើ App របស់ខ្លួនដែរ។ ប៉ុន្តែក្រោយចប់ការប្រកួតស្រាប់តែ FIFA បង្ហាញតួលេខសល់តែ៤៥០០០វិញ។

បើទោះជាស្ថានប័នគ្រប់គ្រងកីឡាពិភពលោកមួយនេះបង្ហាញពីចំនួនអ្នកចូលទស្សនារបស់កម្ពុជាថយដល់ទៅ១ម៉ឺននាក់ក៏ដោយ លោក Honda បាន Comment លើវីដេអូដែលបង្ហោះលើ Instagram ផ្ទាល់របស់លោក ថាមានចំនួនអ្នកចូលរួម ៥៥០០០នាក់ ដោយមិនខ្វស់ពីតួលេខរបស់ FIFA ឡើយ។

«យើងនៅតែនៅក្នុងដំណើរការលេងរបស់ដដែល។ #អរគុណ #៥៥០០០ @cambodianationalteam #thankyou #55,000 #supporters #stadium»។
កាលពីជំនួបរវាងកម្ពុជាទល់ហុងកុង FIFA បង្ហាញថាមានអ្នកទស្សនាចំនួន ៤៥០០០នាក់ ប៉ុន្តែជំនួបទល់បារ៉ែនដែលគេជឿជាក់ថាមានអ្នកគាំទ្រចូលរួមលើសប្រកួតមុននោះបែរជាមានទស្សនាត្រឹម៤៥០០០ទៅវិញ៕