អន្តរជាតិ
ថៃ ក្លាយជាប្រទេសដំបូងគេនៅអាស៊ីដែលកញ្ចប់បារីគ្មានសញ្ញាដើម្បីទាក់ទាញអ្នកជក់
ហាងលក់ទំនិញមួយកន្លែងក្នុងទីក្រុងបាងកក។ រូបភាព AFP
×![]()
ដោយ៖ ឈួន ឈីវអ៊ីង
កញ្ចប់បារីដែលគ្មានរូបសញ្ញាអ្វីទាក់ទាញ បានលេចមុខតាមទីផ្សារថៃហើយកាលពីថ្ងៃទី១០ ខែកញ្ញា ដែលធ្វើឲ្យប្រទេសអាស៊ានមួយនេះ ក្លាយជាប្រទេសទីមួយនៅតំបន់អាស៊ីដែលអនុវត្តតាមគោលការណ៍របស់អង្គការសុខភាពពិភពលោក។ ការវេចខ្ចប់បារីជាមួយកញ្ចប់លាត គ្មានរូបសញ្ញា មានគោលបំណងណែនាំដល់ក្រុមអ្នកប្រើប្រាស់ ឲ្យបានដឹងពីផលប៉ះពាល់តាមរយៈការកាត់បន្ថយភាពទាក់ទាញនៃការជក់បារី។
កាលពីឆ្នាំ២០១២ អូស្ត្រាលីគឺជាប្រទេសដំបូងដែលបានតម្រូវឲ្យក្រុមហ៊ុនផលិតថ្នាំជក់បញ្ចេញកញ្ចប់បារីដែលមិនដាក់ពណ៌ ឈ្មោះ និងរូបសញ្ញាផ្សេងៗ។ តាំងពីពេលនោះមក មានបណ្តាប្រទេសនៅអ៊ឺរ៉ុបជាច្រើនបានយកគម្រូតាម រួមទាំងប្រទេសបារាំង ហុងគ្រី និងអង់គ្លេសផងដែរ។ ប៉ុន្តែថៃ ក្លាយជាប្រទេសដំបូងគេនៅអាស៊ី ដែលមានកញ្ចប់បារីគ្មានសញ្ញាទាក់ទាញក្រៅពីរូបភាពបង្ហាញផលវិបាកនៃការជក់បារី។
នៅឆ្នាំ២០១៨ ថៃបានយល់ព្រមអនុវត្តតាមការណែនាំជាមួយអង្គការសុខភាពពិភពលោកដែលហាមប្រាមការច្នៃប្រឌិតកញ្ចប់បារីមានភាពទាក់ទាញ។ កញ្ចប់បារីថ្មី ដែលគ្មានស្លាកសញ្ញាទាក់ទាញ ត្រូវបានដាក់លក់ជាផ្លូវការនៅថ្ងៃទី១០ ខែកញ្ញា។ នេះបើតាមការផ្សាយរបស់ទីភ្នាក់ងារព័ត៌មាន AFP ។ ចាប់ពីពេលនេះ អាជីវករថៃ អាចលក់បារីមានកញ្ចប់ចាស់ឲ្យអស់ពីស្តុកត្រឹមថ្ងៃទី៨ ធ្នូ បើមិនចង់ប្រឈមការផាកពិន័យរហូតដល់ ៤ម៉ឺនបាតទេនោះ។
សមាជិកអាស៊ានមួយទៀត គឺសឹង្ហបុរី ក៏គ្រោងនឹងអនុវត្តការរឹតបន្តឹងស្រដៀងគ្នានេះលើការវេចខ្ចប់បារីផងដែរ។
កញ្ចប់បារីថ្មី ត្រូវមានរូបភាពនៃសរីរាង្គដែលរងប៉ះពាល់ដោយសារការជក់បារី និងគ្មានស្លាកសញ្ញា ម៉ាកយីហោ ដែលសរសេរជាទម្រង់អក្សរលាត។ ការដាក់រូបភាពដែលពិពណ៌នាពីជំងឺទាក់ទងនឹងការជក់បារី នឹងជួយកាត់បន្ថយភាពទាក់ទាញរបស់ផលិតផលទៅកាន់អ្នកទិញ។ នេះគឺជាការលើកឡើងរបស់លោកស្រីអនុប្រធានអង្គការគ្រប់គ្រងថ្នាំជក់នៅអាស៊ីអាគ្នេយ៍ ប្រាគីត វ៉ាថេសាតូគីត (Prakit Vathesatogkit) ។
នៅទូទាំងអាស៊ីអាគ្នេយ៍ អ្នកជក់បារីមានរហូតដល់ទៅជាង ២៤៦លាននាក់ ដោយសារតែបារីមានតម្លៃទាប។ ដូច្នេះវាគឺជាកន្លែងដែលមានការប្រើប្រាស់បារីច្រើនជាងគេបង្អស់ក្នុងពិភពលោក៕
កញ្ចប់បារីដែលគ្មានរូបសញ្ញាអ្វីទាក់ទាញ បានលេចមុខតាមទីផ្សារថៃហើយកាលពីថ្ងៃទី១០ ខែកញ្ញា ដែលធ្វើឲ្យប្រទេសអាស៊ានមួយនេះ ក្លាយជាប្រទេសទីមួយនៅតំបន់អាស៊ីដែលអនុវត្តតាមគោលការណ៍របស់អង្គការសុខភាពពិភពលោក។ ការវេចខ្ចប់បារីជាមួយកញ្ចប់លាត គ្មានរូបសញ្ញា មានគោលបំណងណែនាំដល់ក្រុមអ្នកប្រើប្រាស់ ឲ្យបានដឹងពីផលប៉ះពាល់តាមរយៈការកាត់បន្ថយភាពទាក់ទាញនៃការជក់បារី។
កាលពីឆ្នាំ២០១២ អូស្ត្រាលីគឺជាប្រទេសដំបូងដែលបានតម្រូវឲ្យក្រុមហ៊ុនផលិតថ្នាំជក់បញ្ចេញកញ្ចប់បារីដែលមិនដាក់ពណ៌ ឈ្មោះ និងរូបសញ្ញាផ្សេងៗ។ តាំងពីពេលនោះមក មានបណ្តាប្រទេសនៅអ៊ឺរ៉ុបជាច្រើនបានយកគម្រូតាម រួមទាំងប្រទេសបារាំង ហុងគ្រី និងអង់គ្លេសផងដែរ។ ប៉ុន្តែថៃ ក្លាយជាប្រទេសដំបូងគេនៅអាស៊ី ដែលមានកញ្ចប់បារីគ្មានសញ្ញាទាក់ទាញក្រៅពីរូបភាពបង្ហាញផលវិបាកនៃការជក់បារី។
នៅឆ្នាំ២០១៨ ថៃបានយល់ព្រមអនុវត្តតាមការណែនាំជាមួយអង្គការសុខភាពពិភពលោកដែលហាមប្រាមការច្នៃប្រឌិតកញ្ចប់បារីមានភាពទាក់ទាញ។ កញ្ចប់បារីថ្មី ដែលគ្មានស្លាកសញ្ញាទាក់ទាញ ត្រូវបានដាក់លក់ជាផ្លូវការនៅថ្ងៃទី១០ ខែកញ្ញា។ នេះបើតាមការផ្សាយរបស់ទីភ្នាក់ងារព័ត៌មាន AFP ។ ចាប់ពីពេលនេះ អាជីវករថៃ អាចលក់បារីមានកញ្ចប់ចាស់ឲ្យអស់ពីស្តុកត្រឹមថ្ងៃទី៨ ធ្នូ បើមិនចង់ប្រឈមការផាកពិន័យរហូតដល់ ៤ម៉ឺនបាតទេនោះ។
សមាជិកអាស៊ានមួយទៀត គឺសឹង្ហបុរី ក៏គ្រោងនឹងអនុវត្តការរឹតបន្តឹងស្រដៀងគ្នានេះលើការវេចខ្ចប់បារីផងដែរ។
កញ្ចប់បារីថ្មី ត្រូវមានរូបភាពនៃសរីរាង្គដែលរងប៉ះពាល់ដោយសារការជក់បារី និងគ្មានស្លាកសញ្ញា ម៉ាកយីហោ ដែលសរសេរជាទម្រង់អក្សរលាត។ ការដាក់រូបភាពដែលពិពណ៌នាពីជំងឺទាក់ទងនឹងការជក់បារី នឹងជួយកាត់បន្ថយភាពទាក់ទាញរបស់ផលិតផលទៅកាន់អ្នកទិញ។ នេះគឺជាការលើកឡើងរបស់លោកស្រីអនុប្រធានអង្គការគ្រប់គ្រងថ្នាំជក់នៅអាស៊ីអាគ្នេយ៍ ប្រាគីត វ៉ាថេសាតូគីត (Prakit Vathesatogkit) ។
នៅទូទាំងអាស៊ីអាគ្នេយ៍ អ្នកជក់បារីមានរហូតដល់ទៅជាង ២៤៦លាននាក់ ដោយសារតែបារីមានតម្លៃទាប។ ដូច្នេះវាគឺជាកន្លែងដែលមានការប្រើប្រាស់បារីច្រើនជាងគេបង្អស់ក្នុងពិភពលោក៕
© រក្សាសិទ្ធិដោយ thmeythmey.com
