FIFA
កីឡាអន្តរជាតិ
អន្តរជាតិ
FIFA គ្រោងដកច្បាប់ហាមស្ត្រីអ៊ីរ៉ង់ចូលកីឡដ្ឋាន ក្រោយនារីអ៊ីរ៉ង់ម្នាក់ដុតសម្លាប់ខ្លួនតវ៉ាបម្រាមនេះ
×![]()
ដោយ: ទេព ពិទូរ្យ
សហព័ន្ធកីឡាបាល់ទាត់អន្តរជាតិ (FIFA) នៅថ្ងៃទី១១ ខែកញ្ញាថានឹងបញ្ជូនមន្ត្រីខ្លួនទៅកាន់ប្រទេសអ៊ីរ៉ង់ឆាប់ៗនេះដើម្បីពិនិត្យមើលលទ្ធភាពនៃការអនុញ្ញាតិឲ្យអ្នកគាំទ្រកីឡាបាល់ទាត់ជាស្ត្រីអ៊ឺរ៉ង់អាចចូលទស្សនាការប្រកួតក្នុងកីឡដ្ឋានវិញ។ ជំនួបអ៊ីរ៉ង់-កម្ពុជា ក្នុងការប្រកួតជម្រុះ World Cup ជុំទី២ ខែក្រោយ អាចនឹងមានអ្នកគាំទ្រស្ត្រីចូលរួមផ្លូវការលើកដំបូង។
ការប្រកាសនេះ ធ្វើឡើងមួយសប្តាហ៍ប៉ុណ្ណោះ បន្ទាប់ពីអ្នកគាំទ្រស្ត្រីអ៊ីរ៉ង់ម្នាក់សម្រេចដុតសម្លាប់ខ្លួននៅខាងមុខតុលាការ ដ្បិតនាងត្រូវកាត់ទោសឲ្យជាប់ពន្ធនាគាររយៈពេល ៦ខែ ពីបទព្យាយាមចូលកីឡដ្ឋានដោយបន្លំខ្លួនស្លៀកពាក់ជាបុរស។
(រូបខាងមុខ) នាង Sahar Khodayari កាលនៅរស់ អំឡុងពេលនាងចូលរួមការប្រកួតមួយ
នាង Sahar Khodayari ដែលគេស្គាល់ថា «Blue Girl» ដោយសារនាងជាអ្នកគាំទ្រក្លិបកីឡាបាល់ទាត់ដែលប្រើឯកសណ្ឋានពណ៌ខៀវ Esteghlal FC នៃលីគកំពូលអ៊ីរ៉ង (Pro League)។ ដោយសារស្រឡាញ់កីឡានេះខ្លាំង នារីវ័យ២៩ឆ្នាំរូបនេះ បង្ខំចិត្តក្លែងខ្លួនជាប្រុសព្យាយាមចូលក្នុងកីឡដ្ឋានដែលស្ថិតក្រុងតេហេរ៉ង់ ប៉ុន្តែនៅតែត្រូវសន្តិសុខកំណត់អត្តសញ្ញាណបាន ហើយចាប់ឃុំខ្លួន។
Khodayari បានស្លាប់នៅឯមន្ទីរពេទ្យកាលពីថ្ងៃទី៩ ខែកញ្ញា ដោយសារការដុតខ្លួនឯងនៅខាងក្រៅតុលាការ ដែលនេះជាការបង្ហាញពីការបូជាជីវិតដើម្បីប្រឆាំងបម្រាមរបស់ប្រទេសនាង។
ខណៈស្ត្រីបរទេសត្រូវបានអនុញ្ញាតឲ្យចូលមើលការប្រកួត ផ្ទុយទៅវិញសហព័ន្ធកីឡាបាល់ទាត់អ៊ីរ៉ង់បានកំណត់ការហាមប្រាមស្ត្រីជនជាតិខ្លួនមិនឲ្យមានវត្តមានក្នុងកីឡដ្ឋានសម្រាប់ការប្រកួតរបស់ក្រុមបុរសតាំងពីឆ្នាំ១៩៨១មក ពោលគឺចាប់ពីពេលបដិវត្តអ៊ីស្លាម ឆ្នាំ ១៩៧៩។
ក្រោយមរណភាពរបស់ Khodayari ដែលធ្វើឲ្យមានកំហឹងរីករាលដាល់ពេញប្រទេសអ៊ីរ៉ង់ និងបណ្តាញសង្គមនោះ ស្ថាប័នគ្រប់គ្រងកីឡាបាល់ទាត់ពិភពលោក បានចេញបញ្ជាឲ្យមន្ត្រីរបស់ខ្លួនទៅកាន់អ៊ីរ៉ង់ដើម្បីពិភាក្សាដកការហាមឃាត់នេះវិញ។ FIFA ប្រាប់ទីភ្នាក់ងារព័ត៌មាន AFP ថា គណៈប្រតិភូរបស់ខ្លួន៣រូប នឹងទៅដល់អ៊ីរ៉ង់ឆាប់ៗនេះ ដើម្បីវាយតម្លៃពីការអនុញ្ញាតឲ្យស្ត្រីអ៊ីរ៉ង់ចូលក្នុងកីឡាដ្ឋានវិញ នាការប្រកួតវគ្គជម្រុះ World Cup 2022 ក្នុងខែតុលាខាងមុខ។
យ៉ាងណាក៏ដោយ FIFA មិនបានបន្ថែមព័ត៌មានលម្អិតទាក់ទងកាលបរិច្ឆេទនៃដំណើរទៅប្រទេសនេះឡើយ ខណៈដែលក្រុមកីឡាបាល់ទាត់ជម្រើសជាតិអ៊ីរ៉ង់ត្រូវធ្វើម្ចាស់ផ្ទះដើម្បីទទួលភ្ញៀវកម្ពុជាសម្រាប់ការប្រកួតជម្រុះ World Cup ជុំទី២ ពូល C នៅថ្ងៃទី១០ ខែតុលា៕
ការប្រកាសនេះ ធ្វើឡើងមួយសប្តាហ៍ប៉ុណ្ណោះ បន្ទាប់ពីអ្នកគាំទ្រស្ត្រីអ៊ីរ៉ង់ម្នាក់សម្រេចដុតសម្លាប់ខ្លួននៅខាងមុខតុលាការ ដ្បិតនាងត្រូវកាត់ទោសឲ្យជាប់ពន្ធនាគាររយៈពេល ៦ខែ ពីបទព្យាយាមចូលកីឡដ្ឋានដោយបន្លំខ្លួនស្លៀកពាក់ជាបុរស។
(រូបខាងមុខ) នាង Sahar Khodayari កាលនៅរស់ អំឡុងពេលនាងចូលរួមការប្រកួតមួយ
នាង Sahar Khodayari ដែលគេស្គាល់ថា «Blue Girl» ដោយសារនាងជាអ្នកគាំទ្រក្លិបកីឡាបាល់ទាត់ដែលប្រើឯកសណ្ឋានពណ៌ខៀវ Esteghlal FC នៃលីគកំពូលអ៊ីរ៉ង (Pro League)។ ដោយសារស្រឡាញ់កីឡានេះខ្លាំង នារីវ័យ២៩ឆ្នាំរូបនេះ បង្ខំចិត្តក្លែងខ្លួនជាប្រុសព្យាយាមចូលក្នុងកីឡដ្ឋានដែលស្ថិតក្រុងតេហេរ៉ង់ ប៉ុន្តែនៅតែត្រូវសន្តិសុខកំណត់អត្តសញ្ញាណបាន ហើយចាប់ឃុំខ្លួន។
Khodayari បានស្លាប់នៅឯមន្ទីរពេទ្យកាលពីថ្ងៃទី៩ ខែកញ្ញា ដោយសារការដុតខ្លួនឯងនៅខាងក្រៅតុលាការ ដែលនេះជាការបង្ហាញពីការបូជាជីវិតដើម្បីប្រឆាំងបម្រាមរបស់ប្រទេសនាង។
ខណៈស្ត្រីបរទេសត្រូវបានអនុញ្ញាតឲ្យចូលមើលការប្រកួត ផ្ទុយទៅវិញសហព័ន្ធកីឡាបាល់ទាត់អ៊ីរ៉ង់បានកំណត់ការហាមប្រាមស្ត្រីជនជាតិខ្លួនមិនឲ្យមានវត្តមានក្នុងកីឡដ្ឋានសម្រាប់ការប្រកួតរបស់ក្រុមបុរសតាំងពីឆ្នាំ១៩៨១មក ពោលគឺចាប់ពីពេលបដិវត្តអ៊ីស្លាម ឆ្នាំ ១៩៧៩។
ក្រោយមរណភាពរបស់ Khodayari ដែលធ្វើឲ្យមានកំហឹងរីករាលដាល់ពេញប្រទេសអ៊ីរ៉ង់ និងបណ្តាញសង្គមនោះ ស្ថាប័នគ្រប់គ្រងកីឡាបាល់ទាត់ពិភពលោក បានចេញបញ្ជាឲ្យមន្ត្រីរបស់ខ្លួនទៅកាន់អ៊ីរ៉ង់ដើម្បីពិភាក្សាដកការហាមឃាត់នេះវិញ។ FIFA ប្រាប់ទីភ្នាក់ងារព័ត៌មាន AFP ថា គណៈប្រតិភូរបស់ខ្លួន៣រូប នឹងទៅដល់អ៊ីរ៉ង់ឆាប់ៗនេះ ដើម្បីវាយតម្លៃពីការអនុញ្ញាតឲ្យស្ត្រីអ៊ីរ៉ង់ចូលក្នុងកីឡាដ្ឋានវិញ នាការប្រកួតវគ្គជម្រុះ World Cup 2022 ក្នុងខែតុលាខាងមុខ។
យ៉ាងណាក៏ដោយ FIFA មិនបានបន្ថែមព័ត៌មានលម្អិតទាក់ទងកាលបរិច្ឆេទនៃដំណើរទៅប្រទេសនេះឡើយ ខណៈដែលក្រុមកីឡាបាល់ទាត់ជម្រើសជាតិអ៊ីរ៉ង់ត្រូវធ្វើម្ចាស់ផ្ទះដើម្បីទទួលភ្ញៀវកម្ពុជាសម្រាប់ការប្រកួតជម្រុះ World Cup ជុំទី២ ពូល C នៅថ្ងៃទី១០ ខែតុលា៕
Tag:
World Cup
FIFA
អ៊ីរ៉ង់
ជម្រើសជាតិ
© រក្សាសិទ្ធិដោយ thmeythmey.com
