ជាតិ
សង្គមជាតិ
រូបថត«វត្តភ្នំ»មួយសន្លឹកអាយុ១១៤ឆ្នាំ ទើបរកឃើញនៅប្រទេសបារាំង បានផ្ញើមកកម្ពុជាវិញ
× ភ្នំពេញ៖ រូបថត«វត្តភ្នំ»ដ៏កម្រមួយសន្លឹកដែលជនជាតិបារាំងម្នាក់ថតកាលពីជាង១០០ឆ្នាំមុន (ថតនៅក្នុងឆ្នាំ១៩០៥) ត្រូវបានជនជាតិបារាំងមួយគ្រួសាររក្សាទុក និងរកឃើញឡើងវិញកាលពីខែធ្នូចុងឆ្នាំ២០១៨កន្លងមកនៅក្នុងប្រទេសបារាំង មុនពេលផ្ញើមកឲ្យគ្រួសារបារាំងរបស់ខ្លួនម្នាក់ទៀតដែលកំពុងរស់នៅក្នុងប្រទេសកម្ពុជានៅឆ្នាំ២០១៩។ ជនជាតិបារាំងដែលថតរូបថត«វត្តភ្នំ»កាលពីឆ្នាំ១៩០៥ មានឈ្មោះថា លោក LOUIS GASCUEL។ លោក គឺជាជនជាតិបារាំងដែលមានជំនាញផ្នែករុករករ៉ែគ្រប់ប្រភេទ។ លោក LOUIS GASCUEL កើតនៅឆ្នាំ១៨៦៥ ហើយបាត់បង់ជីវិតទៅវិញនៅឆ្នាំ១៩៣៩ ពោល គឺលោកស្លាប់នៅអាយុ៧៤ឆ្នាំ។ បើគិតមកដល់សព្វថ្ងៃនេះ លោកមានអាយុ១៥៤ឆ្នាំ ហើយរូបថត«វត្តភ្នំ»ដែលលោកបានថតទុកជាអនុស្សាវរីយ៍ មានអាយុ១១៤ឆ្នាំហើយគិតត្រឹមឆ្នាំ២០១៩នេះ។ តើដំណើរដើមទងយ៉ាងដូចម្តេចបានជាលោក LOUIS GASCUEL ថតរូប«វត្តភ្នំ»?
រឿងរ៉ាវអតីតកាលនេះ គឺពិតជានឹកស្មានមិនដល់មែន។ កាលពីពេលថ្មីៗនេះ ចៅទួតស្រីរបស់លោក LOUIS GASCUEL, ឈ្មោះ Anne GASCUEL, បានរើរូបថតចាស់ៗជីតាទួតខ្លួនដើម្បីមើលលេង ស្រាប់តែរំពេចនោះ នាង Anne ក៏បានប្រទះឃើញរូបថតមួយចំនួនដែល លោក LOUIS GASCUEL បានថតនៅតាមដងទន្លេមេគង្គ និងរូបថតមួយសន្លឹកនៃ«វត្តភ្នំ»តែម្តង។ រកឃើញភ្លាម អ្នកនាង Anne ក៏បានផ្ញើរូបថតទាំងនោះ មកឲ្យលោក Alain GASCUEL ជាឪពុកមាខ្លួនដែលកំពុងរស់នៅរាជធានីភ្នំពេញ។
Mr. Alain GASCUEL, who has been living in Cambodia for more than 20 years and also is the grandson of Louis GASCUEL.
លោក Alain GASCUEL ដែលបានមករស់នៅ និងធ្វើការនៅក្នុងប្រទេសកម្ពុជាអស់រយៈពេលជាង២០ឆ្នាំមកហើយនោះ មានអាយុ៨៥ឆ្នាំហើយនាពេលបច្ចុប្បន្ននេះ។ លោកធ្លាប់ជាស្ថាបនិកកាសែតបារាំងមួយនៅក្នុងប្រទេសកម្ពុជាដែលមានឈ្មោះថា Cambodge Nouveau។
សារព័ត៌មានអេឡិចត្រូនិកថ្មីៗ (Thmeythmey.com) បានសម្ភាសជាមួយលោក Alain GASCUEL ទល់មុខ និង អ្នកនាង Anne GASCUEL តាមអ៊ីមែលដើម្បីទទួលបានព័ត៌មានជុំវិញរូបថត«វត្តភ្នំ»មួយសន្លឹកនេះ។
បើតាមការរៀបរាប់របស់អ្នកទាំងពីរខាងលើនេះ, លោក LOUIS GASCUEL ដែលជាអ្នកជំនាញខាងរ៉ែ កាលនោះ (១៩០៥) បម្រើការឲ្យធនាគារបារាំងឈ្មោះ ធនាគារសហព័ន្ធទីក្រុងប៉ារីស។ តាមរយៈការងារ, លោកទទួលបានបេសកកម្មធ្វើដំណើរមកកាន់ប្រទេស ឡាវ ដើម្បីធ្វើកិច្ចការរ៉ែរបស់លោក។ ប៉ុន្តែ លោក LOUIS GASCUEL ត្រូវឆ្លងកាត់ទីក្រុងហូជីមិញប្រទេសវៀតណាម បន្ទាប់មករាជធានីភ្នំពេញប្រទេសកម្ពុជា មុននឹងទៅដល់ប្រទេសឡាវដែលជាគោលដៅចុងក្រោយ។
Mr. Louis GASCUEL, a Frenchman (1865-1939)
ដោយធ្វើដំណើរតាមដងទន្លេមេគង្គ, លោក LOUIS GASCUEL បានថតទេសភាព និងសកម្មភាពប្រចាំថ្ងៃរបស់ប្រជាជនតាមដងទន្លេមេគង្គ ហើយស្របពេលជាមួយគ្នា លោកក៏ឆ្លៀតធ្វើដំណើរឡើងគោកសំចតនៅរាជធានីភ្នំពេញ និងបានថតរូបថត«វត្តភ្នំ»ទុកជាអនុស្សាវរីយ៍តាំងពីពេលនោះមក។
លោក LOUIS GASCUEL កើតនៅឆ្នាំ១៨៦៥ ហើយបាត់បង់ជីវិតទៅវិញនៅឆ្នាំ១៩៣៩ ពោល គឺលោកស្លាប់នៅអាយុ៧៤ឆ្នាំ។ បើគិតមកដល់សព្វថ្ងៃនេះ លោកមានអាយុ១៥៤ឆ្នាំ ហើយរូបថត«វត្តភ្នំ»ដែលលោកបានថត មានអាយុ១១៤ឆ្នាំគត់នៅឆ្នាំ២០១៩នេះ។ លោក LOUIS GASCUEL បានបាត់បង់ជីវិតមែន។ តែរូបថតអនុស្សារីយ៍ល្អជាមួយ«វត្តភ្នំ»នៃព្រះរាជាណាចក្រកម្ពុជាស្ថិតនៅជាអមតៈ៕
ចំណាំ៖ ប្រសិនបើលោកអ្នកចាប់អារម្មណ៍ចង់ជាវរូបថតវត្តភ្នំ និងអ្នកថតរូបក្នុងអត្ថបទខាងលើនេះ រួមនឹងក្រុមគ្រួសារអ្នកថតរូបជនជាតិបារាំងនោះ ទុកជាអនុស្សាវរីយ៍, លោកអ្នកអាចជាវបានក្នុងតម្លៃ៣០ដុល្លារ (តម្លៃផ្តិត និងដាក់ស៊ុម) ជាមួយនឹងការចុះហត្ថលេខាជូនរបស់លោក Alain Gascuel ដែលជាចៅមានអាយុ៨៥ឆ្នាំផងដែរ។ ទំនាក់ទំនង៖ កញ្ញា ស្រី ល័ក្ខ៖ ០៨៩ ៨២០ ៨៣២ ឬលោក សុខលីម ០១២ ៨៦២ ៥០៩
THE 114 YEAR-OLD PICTURE OF WAT PHNOM WAS FOUND IN 2018 BY A FRENCH FAMILY IN FRANCE
Mr. Louis GASCUEL, a Frenchman (1865-1939), took a beautiful picture from the East front of Wat Phnom when passing by Saigon (HCM City, Vietnam) and Cambodia to Laos on a mission as a mining expert commissioned by Bank of Paris Union.
The pictures of Wat Phnom and some other Mekong River pictures had been discovered recently by the great grand-daughter of Mr. Louis GASCUEL, Ms. Anne GASCUEL, in her house in France. The pictures then were sent to Mr. Alain GASCUEL, who has been living in Cambodia for more than 20 years and also is the grandson of Mr. Louis GASCUEL.
Mr. Alain GASCUEL, the founder of French Magazine Cambodge Nouveau, ages 85 years old.
By Mr. Ky Soklim, journalist for the Online News thmeythmey.com, Cambodia, 2019.
© រក្សាសិទ្ធិដោយ thmeythmey.com