ជាតិ
សង្គមជាតិ
រូបភាបពីទំព័រហ្វេសប៊ុកស្ថានអគ្គកុងស៊ុលកម្ពុជាប្រចាំខេត្តសាកែវ
×![]()
ដោយ: ឡាយ សុភាវតី
ពលរដ្ឋខ្មែរ៤នាក់ បានបាត់បង់ជីវិត និង ៦នាក់ទៀត រងរបួស ក្នុងគ្រោះថ្នាក់ចរាចរណ៍រវាងរថយន្តពីរគ្រឿង (ទិសដៅបញ្ច្រាសគ្នា) នៅស្រុកវឌ្ឍនាណាក់ខន ខេត្តសាកែវ (ស្រះកែវ) ប្រទេសថៃ កាលពីថ្ងៃទី១២ ខែកញ្ញា ឆ្នាំ២០១៩។ ស្ថានអគ្គកុងស៊ុលកម្ពុជាប្រចាំខេត្តសាកែវ បានបង្ហោះព័ត៌មាននេះ លើទំព័រហ្វេសប៊ុករបស់ខ្លួន។ 
ពលរដ្ឋខ្មែរទាំង៤នាក់ ដែលបាត់បង់ជីវិតនោះ គឺ ឈ្មោះ អោក លីម ភេទស្រី អាយុ៥១ឆ្នាំ ឈ្មោះ ជួង ស៊ីញីន ភេទស្រី អាយុ១៦ឆ្នាំ ឈ្មោះ ជួង ចាន់នីន ភេទស្រី អាយុ១៧ឆ្នាំ និង ឈ្មោះ ជួង ឡៃអ៊ិន ភេទប្រុស អាយុ១១ឆ្នាំ។ ស្ថានអគ្គកុងស៊ុលកម្ពុជាប្រចាំខេត្តសាកែវ អះអាងថា អ្នកទាំង៤ ជាអ្នកស្រុកភូមិជាមួយគ្នា គឺមកពី ភូមិគោកព្រិច ឃុំតាផូ ស្រុកស្វាយចេក ខេត្តបន្ទាយមានជ័យ។
ចំណែក អ្នករងរបួស គឺ៤នាក់ របួសស្រាល ហើយ២នាក់ របួសធ្ងន់។ ស្ថានអគ្គកុងស៊ុលកម្ពុជាប្រចាំខេត្តសាកែវ បញ្ជាក់ថា ពួកគេ កំពុងស្ថិតនៅក្នុងមន្ទីរពេទ្យ។ ស្ថានអគ្គកុងស៊ុលកម្ពុជាប្រចាំខេត្តសាកែវ បានឲ្យដឹងថា ក្នុងចំណោមពលរដ្ឋខ្មែរទាំង១០នាក់ ដែលស្លាប់និងរបួសក្នុងគ្រោះថ្នាក់ចរាចរណ៍នេះ មានអ្នកខ្លះជាអ្នកជំងឺ ប៉ងទៅព្យាបាលនៅប្រទេសថៃ ហើយអ្នកខ្លះ ជាអ្នកទេសចរ។
ប្រភពខាងលើ បានរៀបរាប់ថា រថយន្តទេសចរណ៍ម៉ាក Toyota Camery បានបុកយ៉ាងពេញទំហឹងជាមួយរថយន្តប្រភេទវ៉ែនដឹកអ្នកដំណើរ ដែលធ្វើដំណើរពីទីក្រុងបាងកក ឆ្ពោះមកកាន់ផ្សាររោងក្លឿ ច្រកព្រំដែនអន្តរជាតិកម្ពុជា-ថៃ (ប៉ោយប៉ែត-ខ្លងលឹក)។ បើតាមប្រភពដដែល តៃកុងឡានវ៉ែន ដែលជាជនជាតិថៃ បានស្លាប់ ហើយអ្នកបើកបររថយន្តទេសចរណ៍ បានសន្លប់និងមិនទាន់ដឹងខ្លួននៅឡើយទេ។
មន្ត្រីស្ថានអគ្គកុងស៊ុលកម្ពុជាប្រចាំខេត្តសាកែវ បានចុះទៅដល់កន្លែងកើតហេតុ ហើយបានសហការជាមួយសាច់ញាតិសព ព្រមទាំងអាជ្ញាធរថៃ ដើម្បីរៀបចំបែបបទនាំយកសពមកធ្វើបុណ្យនៅកម្ពុជា៕
ពលរដ្ឋខ្មែរទាំង៤នាក់ ដែលបាត់បង់ជីវិតនោះ គឺ ឈ្មោះ អោក លីម ភេទស្រី អាយុ៥១ឆ្នាំ ឈ្មោះ ជួង ស៊ីញីន ភេទស្រី អាយុ១៦ឆ្នាំ ឈ្មោះ ជួង ចាន់នីន ភេទស្រី អាយុ១៧ឆ្នាំ និង ឈ្មោះ ជួង ឡៃអ៊ិន ភេទប្រុស អាយុ១១ឆ្នាំ។ ស្ថានអគ្គកុងស៊ុលកម្ពុជាប្រចាំខេត្តសាកែវ អះអាងថា អ្នកទាំង៤ ជាអ្នកស្រុកភូមិជាមួយគ្នា គឺមកពី ភូមិគោកព្រិច ឃុំតាផូ ស្រុកស្វាយចេក ខេត្តបន្ទាយមានជ័យ។
ចំណែក អ្នករងរបួស គឺ៤នាក់ របួសស្រាល ហើយ២នាក់ របួសធ្ងន់។ ស្ថានអគ្គកុងស៊ុលកម្ពុជាប្រចាំខេត្តសាកែវ បញ្ជាក់ថា ពួកគេ កំពុងស្ថិតនៅក្នុងមន្ទីរពេទ្យ។ ស្ថានអគ្គកុងស៊ុលកម្ពុជាប្រចាំខេត្តសាកែវ បានឲ្យដឹងថា ក្នុងចំណោមពលរដ្ឋខ្មែរទាំង១០នាក់ ដែលស្លាប់និងរបួសក្នុងគ្រោះថ្នាក់ចរាចរណ៍នេះ មានអ្នកខ្លះជាអ្នកជំងឺ ប៉ងទៅព្យាបាលនៅប្រទេសថៃ ហើយអ្នកខ្លះ ជាអ្នកទេសចរ។
ប្រភពខាងលើ បានរៀបរាប់ថា រថយន្តទេសចរណ៍ម៉ាក Toyota Camery បានបុកយ៉ាងពេញទំហឹងជាមួយរថយន្តប្រភេទវ៉ែនដឹកអ្នកដំណើរ ដែលធ្វើដំណើរពីទីក្រុងបាងកក ឆ្ពោះមកកាន់ផ្សាររោងក្លឿ ច្រកព្រំដែនអន្តរជាតិកម្ពុជា-ថៃ (ប៉ោយប៉ែត-ខ្លងលឹក)។ បើតាមប្រភពដដែល តៃកុងឡានវ៉ែន ដែលជាជនជាតិថៃ បានស្លាប់ ហើយអ្នកបើកបររថយន្តទេសចរណ៍ បានសន្លប់និងមិនទាន់ដឹងខ្លួននៅឡើយទេ។
មន្ត្រីស្ថានអគ្គកុងស៊ុលកម្ពុជាប្រចាំខេត្តសាកែវ បានចុះទៅដល់កន្លែងកើតហេតុ ហើយបានសហការជាមួយសាច់ញាតិសព ព្រមទាំងអាជ្ញាធរថៃ ដើម្បីរៀបចំបែបបទនាំយកសពមកធ្វើបុណ្យនៅកម្ពុជា៕
Tag:
គ្រោះថ្នាក់ចរាចរណ៍
© រក្សាសិទ្ធិដោយ thmeythmey.com
