អន្តរជាតិ
តើអ្នកដឹងអ្វីខ្លះពីព្រៃអាម៉ាហ្សូន?
× ទោះបីជាព្រឹត្តិការណ៍ឆេះព្រៃអាម៉ាហ្សូនកំពុងតែឆក់យកធនធានធម្មជាតិ និងចំណាប់អារម្មណ៍យ៉ាងខ្លាំងពីសំណាក់មហាជនទូទៅតាមប្រព័ន្ធបណ្តាញសង្គម អត្ថបទមួយនេះនឹងនាំអ្នកអានទៅរកចំណេះដឹងខ្លីៗអំពីព្រៃដែលមានទំហំធំធេងមួយនេះ ចុះផ្សាយដោយគេហទំព័រ Rainforest Cruises ។
ខាងក្រោមនេះ ជារឿងរ៉ាវខ្លះរបស់ព្រៃធំជាងគេរបស់ពិភពលោក៖
ទី១៖ ទន្លេអាម៉ាហ្សូននៅក្នុងព្រៃអាម៉ាហ្សូនគឺជាទន្លេដែលមានប្រវែងវែងជាងគេនៅក្នុងពិភពលោក ក្នុងចម្ងាយ៦៩៩២គីឡូម៉ែត្រ។ តែមានមតិមិនយល់ស្របមួយចំនួនដែលបានលើកឡើងថាទន្លេ«នីល»នៅឯប្រទេសអេស្ស៊ីបមានប្រវែងវែងជាងទន្លេអាម៉ាហ្សូនទៅទៀត។ តែទោះបីជាយ៉ាងនេះមែន ទន្លេអាម៉ាហ្សូនក៏នៅតែជាទន្លេមួយដែលស្ថិតនៅក្នុងចំណោមចំណាត់ថ្នាក់ទន្លេដែលវែងជាងគេដែរ។
ទី២៖ ព្រៃអាម៉ាហ្សូននាំបរិមាណទឹកប្រមាណជា២០៨លានលីត្រចូលទៅក្នុងមហាសមុទ្រអាត្លង់ទិចរៀងរាល់វិនាទី។
ទី៣៖ ជាង២០ភាគរយនៃអុកស៊ីសែនក្នុងបរិយាកាសផែនដីត្រូវបានផលិតដោយព្រៃអាម៉ាហ្សូន។
ទី៤៖ បើព្រៃអាម៉ាហ្សូនជាប្រទេសវិញ វាអាចក្លាយជាប្រទេសដែលមានទំហំផ្ទៃដីធំជាងគេលេខរៀងទី៩ ជាមួយនឹងក្រឡាផ្ទៃជាង៦.៤លានគីឡូម៉ែត្រការ៉េ។
ទី៥៖ ប្រមាណ២៥ភាគរយនៃថ្នាំពេទ្យរបស់ប្រទេសលោកខាងលិចមានគ្រឿងផ្សំចេញពីរុក្ខជាតិនៃព្រៃមួយនេះ។ ទោះបីជាយ៉ាងនេះមែន តិចជា១ភាគរយនៃរុក្ខជាតិសរុបនៅក្នុងព្រៃត្រូវបានយកទៅពិសោធន៍ដោយអ្នកជំនាញវិទ្យាសាស្ត្រ។
ទី៦៖ ព្រៃអាម៉ាហ្សូនមានផ្លែឈើហូបផ្លែចំនួន៣០០០ប្រភេទ។ ក្នុងនោះប្រមាណជា២០០ប្រភេទប៉ុណ្ណោះដែលគេយកមកពិសារ។
ទី៧៖ ជាង៨០ភាគរយនៃអាហារក្នុងពិភពលោកមានប្រភពដើមមកពីព្រៃអាម៉ាហ្សូន។
ទី៨៖ ក្នុងមួយហិកតានៃព្រៃអាម៉ាហ្សូន មានដើមឈើប្រមាណ៧៥០ប្រភេទ និងរុក្ខជាតិ១៥០០ប្រភេទ។
ទី៩៖ ព្រៃអាម៉ាហ្សូនលាភសន្ធឹងលើប្រទេសចំនួន៩នៅក្នុងទ្វីបអាមេរិកខាងត្បូងដែលមានដូចជា ប្រេស៊ីល កូឡាំប៊ី ប៉េរូ វេណាស៊ុយអេឡា អេក្វាឌ័រ បូលីវី ហ្គីយ៉ាន ស៊ូរីណាម និង ហ្គីយ៉ានបារាំង។
ទី១០៖ តិចជាង១ភាគរយនៃពន្លឺព្រះអាទិត្យអាចធ្វើដំណើរទៅដល់ផ្ទៃខាងក្រោមនៃសណ្ឋានដីព្រៃ ដោយសារតែកម្រាស់នៃដើមឈើនៅពីលើ។
ទី១១៖ ដីព្រៃអាម៉ាហ្សូនចំនួន១.៥អា បាត់បង់ជារៀងរាល់វិនាទី៕
© រក្សាសិទ្ធិដោយ thmeythmey.com