អន្តរជាតិ
ប្រមុខការទូតតៃវ៉ាន់ លើកយកមេរៀនបរាជ័យរបស់អតីតសម្ព័ន្ធមិត្តដែលបោះបង់តៃវ៉ាន់ទៅយកចិន
×![]()
រដ្ឋមន្ត្រីការបរទេសតៃវ៉ាន់ លោក Joseph Wu បានព្រមាន និងក្រើនរម្លឹកដល់សម្ព័ន្ធមិត្តរបស់ខ្លួន ដែលប៉ុនប៉ងបោះបង់ចំណងមិត្តភាពជាមួយនឹងតៃវ៉ាន់ ហើយងាកទៅរកចិន ដើម្បីទទួលយកផលប្រយោជន៍ហិញ្ញវត្ថុ។ ប្រមុខការទូតរូបនេះ បានលើកយកគំរូបណ្តាប្រទេសមួយចំនួន ដែលបានរត់ទៅក្រសោបចិន ហើយពេលនេះ នៅមិនទាន់មានភាពល្អប្រសើរអ្វីសោះ។
តាមរយៈកិច្ចសម្ភាសន៍ជាមួយនឹងទូរទស្សន៍សិង្ហបុរី CNA លោករដ្ឋមន្ត្រី Wu បានលើកឡើងថា ការសន្យាជាជំនួយហិរញ្ញវត្ថុរបស់ចិន ដើម្បីជាថ្នូរនឹងការកាត់ផ្តាច់ចំណងការទូតជាមួយនឹងតៃវ៉ាន់ មិនអាចជឿជាក់បានឡើយ។ លោករដ្ឋមន្ត្រី បានមានមតិបែបនេះ ស្របពេលដែលកោះសូលូម៉ុន និងហៃទី កំពុងតែដើរដល់ច្រកចេញនៃទំនាក់ទំនងជាមួយនឹងតៃវ៉ាន់រួចហើយ។
លោករដ្ឋមន្ត្រី អះអាងថា លោកមិនច្បាស់ថា ចិនសន្យាផ្តល់អ្វីខ្លះដល់ប្រទេសទាំងនេះនោះទេ ក៏ប៉ុន្តែផ្អែកតាមករណីមុន ពោលគឺតាមរយៈបទពិសោធន៍ប្រទេសមួយចំនួនដែលចាកចេញពីតៃវ៉ាន់រួចហើយ ចិន មិនបានគោរពតាមការសន្យានោះទេ។
ប្រមុខការទូតរូបនេះ បានលើកយកករណី រដ្ឋនៅតំបន់អាហ្វ្រិកមួយចំនួនដូចជា សៅតូម៉េ និងប្រាំងស៊ីប សាធារណៈដូមីនិក និងបួគីណាហ្វាសូ ដែលកាលពីបីឆ្នាំមុន បានកាត់ផ្តាច់ចំណងការទូតរាប់ទសវត្សរ៍ជាមួយនឹងតៃវ៉ាន់ ដើម្បីទទួលបានជំនួយពីចិន ហើយនៅពេលនេះ កំពុងតែប្រឈមនឹងស្ថានភាពដោះបំណុលមិនចេញ ដោយសារតែគ្មានលទ្ធភាព។
លើសពីនេះទៅទៀតនោះ តាមលោក Wu ចិន បានសន្យាផ្តល់ជំនួយដល់សៅតូម៉េ និងប្រាំងស៊ីប ៦០០ លានដុល្លារសម្រាប់កសាងផែទឹកជ្រៅ ១ ពាន់លានដុល្លារសម្រាប់បួគីណាហ្វាសូ ដើម្បីកសាងហេដ្ឋារចនាសម្ព័ន្ធ និង ៣ ពាន់លានដុល្លារសម្រាប់សាធារណរដ្ឋដូមីនិកលើការវិនិយោគក្នុងប្រទេស ក៏ប៉ុន្តែគម្រោងទាំងនេះ នៅមិនទាន់មានពន្លឺនៅឡើយនោះទេ។ នេះ មិនទាន់និយាយដល់គុណភាពហេដ្ឋារចនាសម្ព័ន្ធ ដែលចិនបានផ្តល់ឲ្យបណ្តាប្រទេសដៃគូផ្សេងទៀត ដូចជា កេនយ៉ា និងអេក្វាទ័រផង៕
តាមរយៈកិច្ចសម្ភាសន៍ជាមួយនឹងទូរទស្សន៍សិង្ហបុរី CNA លោករដ្ឋមន្ត្រី Wu បានលើកឡើងថា ការសន្យាជាជំនួយហិរញ្ញវត្ថុរបស់ចិន ដើម្បីជាថ្នូរនឹងការកាត់ផ្តាច់ចំណងការទូតជាមួយនឹងតៃវ៉ាន់ មិនអាចជឿជាក់បានឡើយ។ លោករដ្ឋមន្ត្រី បានមានមតិបែបនេះ ស្របពេលដែលកោះសូលូម៉ុន និងហៃទី កំពុងតែដើរដល់ច្រកចេញនៃទំនាក់ទំនងជាមួយនឹងតៃវ៉ាន់រួចហើយ។
លោករដ្ឋមន្ត្រី អះអាងថា លោកមិនច្បាស់ថា ចិនសន្យាផ្តល់អ្វីខ្លះដល់ប្រទេសទាំងនេះនោះទេ ក៏ប៉ុន្តែផ្អែកតាមករណីមុន ពោលគឺតាមរយៈបទពិសោធន៍ប្រទេសមួយចំនួនដែលចាកចេញពីតៃវ៉ាន់រួចហើយ ចិន មិនបានគោរពតាមការសន្យានោះទេ។
ប្រមុខការទូតរូបនេះ បានលើកយកករណី រដ្ឋនៅតំបន់អាហ្វ្រិកមួយចំនួនដូចជា សៅតូម៉េ និងប្រាំងស៊ីប សាធារណៈដូមីនិក និងបួគីណាហ្វាសូ ដែលកាលពីបីឆ្នាំមុន បានកាត់ផ្តាច់ចំណងការទូតរាប់ទសវត្សរ៍ជាមួយនឹងតៃវ៉ាន់ ដើម្បីទទួលបានជំនួយពីចិន ហើយនៅពេលនេះ កំពុងតែប្រឈមនឹងស្ថានភាពដោះបំណុលមិនចេញ ដោយសារតែគ្មានលទ្ធភាព។
លើសពីនេះទៅទៀតនោះ តាមលោក Wu ចិន បានសន្យាផ្តល់ជំនួយដល់សៅតូម៉េ និងប្រាំងស៊ីប ៦០០ លានដុល្លារសម្រាប់កសាងផែទឹកជ្រៅ ១ ពាន់លានដុល្លារសម្រាប់បួគីណាហ្វាសូ ដើម្បីកសាងហេដ្ឋារចនាសម្ព័ន្ធ និង ៣ ពាន់លានដុល្លារសម្រាប់សាធារណរដ្ឋដូមីនិកលើការវិនិយោគក្នុងប្រទេស ក៏ប៉ុន្តែគម្រោងទាំងនេះ នៅមិនទាន់មានពន្លឺនៅឡើយនោះទេ។ នេះ មិនទាន់និយាយដល់គុណភាពហេដ្ឋារចនាសម្ព័ន្ធ ដែលចិនបានផ្តល់ឲ្យបណ្តាប្រទេសដៃគូផ្សេងទៀត ដូចជា កេនយ៉ា និងអេក្វាទ័រផង៕
Tag:
ចិន
តៃវ៉ាន់
© រក្សាសិទ្ធិដោយ thmeythmey.com
