ជាតិ
បាក់ឌុប
ក្រសួងអប់រំ ប្ដេជ្ញាពិនិត្យ និងដោះស្រាយការតវ៉ារបស់បេក្ខជន ដោយយុត្តិធម៌ និងតម្លាភាព
រូបពីហ្វេសប៊ុកក្រសួង៖ រដ្ឋមន្រ្តីក្រសួងអប់រំ យុវជន និងកីឡា លោក ហង់ ជួន ណារ៉ុន កំពុងដឹកនាំគណៈកម្មការពិនិត្យ និងដោះស្រាយការតវ៉ារបស់បេក្ខជនប្រឡង
×![]()
ដោយ: ធឿន បញ្ញាឬទិ្ធ
ភ្នំពេញ៖ក្រសួងអប់រំ យុវជន និងកីឡា កំពុងពិនិត្យនិងធ្វើកោសល្យវិច្ច័យលើក្រដាសកិច្ចការរបស់បេក្ខជនដែលតវ៉ា ចំពោះលទ្ធផលប្រឡងមធ្យមសិក្សាទុតិយភូមិសម័យប្រឡង១៩ សីហា ២០១៩ កន្លងមក។ រដ្ឋមន្ត្រីក្រសួងអប់រំ លោក ហង់ ជួន ណារ៉ុន និងតំណាងអង្គភាពប្រឆាំងអំពើពុករលួយ ដឹកនាំក្រុមការងារគណៈកម្មការពិនិត្យ និងដោះស្រាយការតវ៉ារបស់បេក្ខជននេះ។ 
ដើម្បីឱ្យបេក្ខជនប្រឡងស្ងប់ចិត្តនោះ ក្រសួងអប់រំ អះអាងថា ការធ្វើកោសល្យវិច្ច័យលើក្រដាសកិច្ចការនេះ នឹងអនុវត្តដោយតម្លាភាព និងសុក្រឹតភាព។ «ក្រសួងអប់រំ យុវជន និងកីឡា ប្តេជ្ញាចិត្តខ្ពស់ក្នុងការពិនិត្យ និងដោះស្រាយការតវ៉ារបស់បេក្ខជន ប្រកបដោយ ស្មារតី ទទួល ខុសត្រូវ គោរពនូវគោលការណ៍ច្បាប់ យុត្តិធម៌ តម្លាភាព និង លទ្ធផលទទួលយកបាន»។ នេះបើតាមហ្វេសប៊ុកក្រសួង នៅថ្ងៃទី១៦ កញ្ញា។
សារព័ត៌មានថ្មីៗ មិនទាន់អាចទាក់ទងអ្នកនាំពាក្យក្រសួងអប់រំ ដើម្បីសុំការអត្ថាធិប្បាយបន្ថែមជុំវិញការត្រួតពិនិត្យ និងដោះស្រាយបញ្ហាតវ៉ារបស់បេក្ខជនប្រឡងនេះឡើយ។
កាលពីថ្ងៃទី១១ កញ្ញានេះ មានយុវជនជាង៥០នាក់ បាននាំគ្នាតវ៉ាចំពោះលទ្ធផលប្រឡងរបស់ពួកគេ នៅមុខក្រសួងអប់រំ។ មូលហេតុដែលបេក្ខជនទាំងនោះ បានកើតទុក្ខមិនសុខចិត្ត លើលទ្ធផលរបស់ខ្លួន ក្រោមហេតុផលថា ពួកគេធ្វើបានល្អច្រើននៅក្នុងមុខវិជ្ជាគណិតវិទ្យា រូបវិទ្យា ភាសារខ្មែរ និងភាសាអង់គ្លេសជាដើម នៅក្នុងពេលប្រឡង តែផ្ទុយមកវិញបែរជាទទួលបានលទ្ធផលធ្លាក់ទៅវិញ ។ ដោយសារមូលហេតុនេះ ទើបពួកគេមិនសុខចិត្ត និងមកតវ៉ាទាមទារឱ្យក្រសួងពិនិត្យកំណែឡើងវិញ។
ប៉ុន្តែបញ្ហានេះ ធ្លាប់ត្រូវបានលោក រស់ សុវាចា អ្នកនាំពាក្យក្រសួងអប់រំ បកស្រាយប្រាប់សារព័ត៌មានថ្មីៗ នៅក្នុងន័យនេះថា ក្រសួងស្រង់ពិន្ទុ និងពិនិត្យផ្ទៀងផ្ទាត់ ដោយភាពសុក្រឹត មុននឹងចេញលទ្ធផលផងដែរ។ «សុក្រឹតភាព និងប្រសិទ្ធភាពនៃគ្រប់ដំណាក់កាលប្រឡងឆ្នាំនេះ បានមកពីកិច្ចសហការណ៍របស់គ្រប់ភាគីពាក់ព័ន្ធ ជាពិសេសក្រុមការងារកំណែក្រដាសកិច្ចការបេក្ខជន ក្រុមការងារស្រង់ បូកពិន្ទុដោយកំព្យូទ័រ និងពិនិត្យផ្ទៀងផ្ទាត់ពិន្ទុ។ ដូច៥ឆ្នាំកន្លងមក ក្រសួងក៏បានទទួលកិច្ចសហការ ពីអង្គភាពប្រឆាំងអំពើពុករលួយ ក្រសួងមហាផ្ទៃ សហភាពសហព័ន្ធយុវជនកម្ពុជា និងក្រសួងស្ថាប័ននានា»។ នេះជាការបញ្ជាក់របស់អ្នកនាំពាក្យក្រសួងអប់រំ។
គួរបញ្ជាក់ថា លទ្ធផលប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០១៩ នេះ មានសិស្សដែលប្រឡងជាប់មានចំនួន ៧៩ ០៥២នាក់ ត្រូវជា ៦៨.៦២ភាគរយ។ ក្នុងនោះបេក្ខជនប្រឡងជាប់និទ្ទេស A មានចំនួន ៤៤៣នាក់ និទ្ទេស B មានចំនួន ២ ៤៣០នាក់ និទ្ទេស C មានចំនួន ៥ ៨៤៧នាក់។ ចំណែកឯនិទ្ទេស D មានចំនួន ១៤ ១០០នាក់ និងនិទ្ទេស E មានចំនួន ៥៦ ២៣២ នាក់៕
ដើម្បីឱ្យបេក្ខជនប្រឡងស្ងប់ចិត្តនោះ ក្រសួងអប់រំ អះអាងថា ការធ្វើកោសល្យវិច្ច័យលើក្រដាសកិច្ចការនេះ នឹងអនុវត្តដោយតម្លាភាព និងសុក្រឹតភាព។ «ក្រសួងអប់រំ យុវជន និងកីឡា ប្តេជ្ញាចិត្តខ្ពស់ក្នុងការពិនិត្យ និងដោះស្រាយការតវ៉ារបស់បេក្ខជន ប្រកបដោយ ស្មារតី ទទួល ខុសត្រូវ គោរពនូវគោលការណ៍ច្បាប់ យុត្តិធម៌ តម្លាភាព និង លទ្ធផលទទួលយកបាន»។ នេះបើតាមហ្វេសប៊ុកក្រសួង នៅថ្ងៃទី១៦ កញ្ញា។
សារព័ត៌មានថ្មីៗ មិនទាន់អាចទាក់ទងអ្នកនាំពាក្យក្រសួងអប់រំ ដើម្បីសុំការអត្ថាធិប្បាយបន្ថែមជុំវិញការត្រួតពិនិត្យ និងដោះស្រាយបញ្ហាតវ៉ារបស់បេក្ខជនប្រឡងនេះឡើយ។
កាលពីថ្ងៃទី១១ កញ្ញានេះ មានយុវជនជាង៥០នាក់ បាននាំគ្នាតវ៉ាចំពោះលទ្ធផលប្រឡងរបស់ពួកគេ នៅមុខក្រសួងអប់រំ។ មូលហេតុដែលបេក្ខជនទាំងនោះ បានកើតទុក្ខមិនសុខចិត្ត លើលទ្ធផលរបស់ខ្លួន ក្រោមហេតុផលថា ពួកគេធ្វើបានល្អច្រើននៅក្នុងមុខវិជ្ជាគណិតវិទ្យា រូបវិទ្យា ភាសារខ្មែរ និងភាសាអង់គ្លេសជាដើម នៅក្នុងពេលប្រឡង តែផ្ទុយមកវិញបែរជាទទួលបានលទ្ធផលធ្លាក់ទៅវិញ ។ ដោយសារមូលហេតុនេះ ទើបពួកគេមិនសុខចិត្ត និងមកតវ៉ាទាមទារឱ្យក្រសួងពិនិត្យកំណែឡើងវិញ។
ប៉ុន្តែបញ្ហានេះ ធ្លាប់ត្រូវបានលោក រស់ សុវាចា អ្នកនាំពាក្យក្រសួងអប់រំ បកស្រាយប្រាប់សារព័ត៌មានថ្មីៗ នៅក្នុងន័យនេះថា ក្រសួងស្រង់ពិន្ទុ និងពិនិត្យផ្ទៀងផ្ទាត់ ដោយភាពសុក្រឹត មុននឹងចេញលទ្ធផលផងដែរ។ «សុក្រឹតភាព និងប្រសិទ្ធភាពនៃគ្រប់ដំណាក់កាលប្រឡងឆ្នាំនេះ បានមកពីកិច្ចសហការណ៍របស់គ្រប់ភាគីពាក់ព័ន្ធ ជាពិសេសក្រុមការងារកំណែក្រដាសកិច្ចការបេក្ខជន ក្រុមការងារស្រង់ បូកពិន្ទុដោយកំព្យូទ័រ និងពិនិត្យផ្ទៀងផ្ទាត់ពិន្ទុ។ ដូច៥ឆ្នាំកន្លងមក ក្រសួងក៏បានទទួលកិច្ចសហការ ពីអង្គភាពប្រឆាំងអំពើពុករលួយ ក្រសួងមហាផ្ទៃ សហភាពសហព័ន្ធយុវជនកម្ពុជា និងក្រសួងស្ថាប័ននានា»។ នេះជាការបញ្ជាក់របស់អ្នកនាំពាក្យក្រសួងអប់រំ។
គួរបញ្ជាក់ថា លទ្ធផលប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០១៩ នេះ មានសិស្សដែលប្រឡងជាប់មានចំនួន ៧៩ ០៥២នាក់ ត្រូវជា ៦៨.៦២ភាគរយ។ ក្នុងនោះបេក្ខជនប្រឡងជាប់និទ្ទេស A មានចំនួន ៤៤៣នាក់ និទ្ទេស B មានចំនួន ២ ៤៣០នាក់ និទ្ទេស C មានចំនួន ៥ ៨៤៧នាក់។ ចំណែកឯនិទ្ទេស D មានចំនួន ១៤ ១០០នាក់ និងនិទ្ទេស E មានចំនួន ៥៦ ២៣២ នាក់៕
Tag:
ហង់ ជួន ណារ៉ុន
អប់រំ
បាក់ឌុប២០១៩
© រក្សាសិទ្ធិដោយ thmeythmey.com
