ជាតិ
សង្គមជាតិ
ក្រសួង មិនឲ្យទិញដីតំបន់អភិវឌ្ឍន៍ ឡុង វុទ្ធី នៅស្រុកសំឡូត ព្រោះជាតំបន់ការពារធម្មជាតិ
តំបន់ដីឡូតិ៍ ឡុង វុទ្ធី (រូបពីក្រសួងបរិស្ថាន)
×![]()
ដោយ: ឡាយ សុភាវតី
ក្រសួងបរិស្ថាន បានអំពាវនាវមិនឲ្យពលរដ្ឋ ទិញលក់ ដីនៅតំបន់អភិវឌ្ឍន៍ ឡុង វុទ្ធី ដែលមានទីតាំងនៅភូមិភ្នំដំបង ឃុំសន្តិភាព ស្រុកសំឡូត ខេត្តបាត់ដំបង ដោយសារតំបន់នេះស្ថិតនៅក្នុងតំបន់ការពារធម្មជាតិ ជាតំបន់ប្រើប្រាស់ច្រើនយ៉ាង ដែលបានកំណត់ដោយព្រះរាជក្រឹត្យដែលចុះតាំងពីឆ្នាំ១៩៩៣មក។ នេះបើតាមសេចក្ដីប្រកាសរបស់ក្រសួងបរិស្ថាន នៅថ្ងៃទី១៧ ខែកញ្ញា ឆ្នាំ២០១៩។ 
តំបន់ការពារធម្មជាតិនៅតំបន់អភិវឌ្ឍន៍ ឡុង វុទ្ធី មានទំហំជិត៥ម៉ឺនម៉ែត្រការ៉េ។ តំបន់ការពារធម្មជាតិ គឺជាដីសាធារណៈរបស់រដ្ឋ ដែលមិនអនុញ្ញាតឲ្យលក់ដូរ និងមិនអាចឋិតនៅក្រោមការកាន់កាប់ដោយកម្មសិទ្ធិស្របច្បាប់នៃបុគ្គលណាមួយឡើយ។ ក្រសួង ព្រមានថា អ្នកចាត់ចែង លក់ដូរដីនៅតំបន់ធម្មជាតិ នឹងត្រូវជាប់ពន្ធនាគារ និងត្រូវចាត់ចូលជាបទល្មើសព្រហ្មទណ្ឌ។
ដើម្បីជៀសវាងការសម្រេចចិត្តខុស ក្នុងការទិញដីឡូតិ៍ ក្រសួងបានបង្ហាញចំណុចសំខាន់ៗមួយចំនួន សម្រាប់ជាការយល់ដឹងរួមមាន ពិនិត្យឈ្មោះម្ចាស់អចលនទ្រព្យក្នុងវិញ្ញាបនប័ត្រសម្គាល់ម្ចាស់អចលនទ្រព្យ និងវិញ្ញាបនប័ត្រសម្គាល់ម្ចាស់អចលនទ្រព្យ មានជាប់បន្ទុកឬអត់។ លិខិតអនុញ្ញាតអភិវឌ្ឍដីដែលចេញដោយអាជ្ញាធរឬអង្គភាពមានសមត្ថកិច្ច មានចែងក្នុងសេចក្ដីប្រកាសរបស់ក្រសួងដែនដីស្ដីពីការអភិវឌ្ឍដី។ ក្រៅពីនេះ ត្រូវពិនិត្យ ឯកសារបង់ពន្ធអចលនវត្ថុ ប័ណ្ណបំបែកក្បាលដី និងខ្លឹមសារលម្អិតនៃកិច្ចសន្យាទិញលក់៕
តំបន់ការពារធម្មជាតិនៅតំបន់អភិវឌ្ឍន៍ ឡុង វុទ្ធី មានទំហំជិត៥ម៉ឺនម៉ែត្រការ៉េ។ តំបន់ការពារធម្មជាតិ គឺជាដីសាធារណៈរបស់រដ្ឋ ដែលមិនអនុញ្ញាតឲ្យលក់ដូរ និងមិនអាចឋិតនៅក្រោមការកាន់កាប់ដោយកម្មសិទ្ធិស្របច្បាប់នៃបុគ្គលណាមួយឡើយ។ ក្រសួង ព្រមានថា អ្នកចាត់ចែង លក់ដូរដីនៅតំបន់ធម្មជាតិ នឹងត្រូវជាប់ពន្ធនាគារ និងត្រូវចាត់ចូលជាបទល្មើសព្រហ្មទណ្ឌ។
ដើម្បីជៀសវាងការសម្រេចចិត្តខុស ក្នុងការទិញដីឡូតិ៍ ក្រសួងបានបង្ហាញចំណុចសំខាន់ៗមួយចំនួន សម្រាប់ជាការយល់ដឹងរួមមាន ពិនិត្យឈ្មោះម្ចាស់អចលនទ្រព្យក្នុងវិញ្ញាបនប័ត្រសម្គាល់ម្ចាស់អចលនទ្រព្យ និងវិញ្ញាបនប័ត្រសម្គាល់ម្ចាស់អចលនទ្រព្យ មានជាប់បន្ទុកឬអត់។ លិខិតអនុញ្ញាតអភិវឌ្ឍដីដែលចេញដោយអាជ្ញាធរឬអង្គភាពមានសមត្ថកិច្ច មានចែងក្នុងសេចក្ដីប្រកាសរបស់ក្រសួងដែនដីស្ដីពីការអភិវឌ្ឍដី។ ក្រៅពីនេះ ត្រូវពិនិត្យ ឯកសារបង់ពន្ធអចលនវត្ថុ ប័ណ្ណបំបែកក្បាលដី និងខ្លឹមសារលម្អិតនៃកិច្ចសន្យាទិញលក់៕
Tag:
ដីឡូតិ៍
© រក្សាសិទ្ធិដោយ thmeythmey.com
