កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
លោក Carlo Ancelotti និយាយបែបលេងសើចបន្ទាប់ពី Napoli យកឈ្នះ Liverpool ដោយធានាថាលោក Jurgen Klopp នឹងនាំហង្សក្រហមលើកពាន Champions League បន្តទៀត ក្រោយក្រុមអង់គ្លេសមួយនេះចាញ់ក្រុមពីលីគកំពូលអ៊ីតាលី Serie A។
Napoli បានទទួលជ័យជម្នះលើម្ចាស់ការពារជើងឯកចាស់ដោយលទ្ធផល ២-០ ក្នុងការប្រកួតបើកឆាកពូល E នៃក្របខណ្ឌ Champions League នៅរាត្រីថ្ងៃទី១៧ ខែកញ្ញា។ ទាំងពីរគ្រាប់របស់ Napoli សម្រេចបានដោយខ្សែប្រយុទ្ធ Dries Mertens ដោយបាលពិន័យប៉េណាល់ទីនៅនាទី៨២ និង Fernando Llorente ធ្វើបាននៅចុងម៉ោង។
នេះជារដូវកាលទី២ហើយដែលក្រុម Liverpool ចាញ់ក្រុម Napoli ក្នុងវគ្គចែកពូល ពោលគឺចាញ់ ១-០ ក្នុងដីដូចគ្នានេះកាលពីប្រកួតចុងក្រោយរដូវកាលមុន ២០១៨-១៩។ យ៉ាងណាក៏ដោយហង្សក្រហមបានក្លាយជាម្ចាស់ពានក្របខណ្ឌកំពូលអឺរ៉ុបនេះ ហើយលោក Ancelotti បានរម្លឹកដល់លោក Klopp អំពីហេតុការណ៍នោះបន្ទាប់ពីការប្រកួត។
«ខ្ញុំបានប្រាប់គាត់កុំបារម្ភព្រោះប្រសិនបើគាត់ចាញ់នៅទីនេះគាត់នឹងបន្តឈ្នះជើងឯក Champions League។ ខ្ញុំបានធានាគាត់បែបនេះ»។ Ancelotti បានប្រាប់ទូរទស្សន៍ Sky Sport Italia ដូច្នេះ។
អ្នកចាត់ការសញ្ជាតិអ៊ីតាលី វ័យ៦០ឆ្នាំបន្ថែមថា ជំនួបទល់នឹង Liverpool គឺតឹងតែងតាំងពីនាទីដំបូងរហូតដល់នាទីចុងក្រោយតែម្តងសម្រាប់ការប៉ះគ្នាពីររដូវកាលចុងក្រោយនេះ។ ប៉ុន្តែយ៉ាងណាលោក Ancelotti ពិតជាកោតសរសើរកូនក្រុមខ្លួនចំពោះការខិតខំប្រឹងប្រែង ជាពិសេសតំបន់ការពារ និងចង់ឲ្យក្រុមរក្សាទម្រង់លេងបែបនេះ៕
Napoli បានទទួលជ័យជម្នះលើម្ចាស់ការពារជើងឯកចាស់ដោយលទ្ធផល ២-០ ក្នុងការប្រកួតបើកឆាកពូល E នៃក្របខណ្ឌ Champions League នៅរាត្រីថ្ងៃទី១៧ ខែកញ្ញា។ ទាំងពីរគ្រាប់របស់ Napoli សម្រេចបានដោយខ្សែប្រយុទ្ធ Dries Mertens ដោយបាលពិន័យប៉េណាល់ទីនៅនាទី៨២ និង Fernando Llorente ធ្វើបាននៅចុងម៉ោង។
នេះជារដូវកាលទី២ហើយដែលក្រុម Liverpool ចាញ់ក្រុម Napoli ក្នុងវគ្គចែកពូល ពោលគឺចាញ់ ១-០ ក្នុងដីដូចគ្នានេះកាលពីប្រកួតចុងក្រោយរដូវកាលមុន ២០១៨-១៩។ យ៉ាងណាក៏ដោយហង្សក្រហមបានក្លាយជាម្ចាស់ពានក្របខណ្ឌកំពូលអឺរ៉ុបនេះ ហើយលោក Ancelotti បានរម្លឹកដល់លោក Klopp អំពីហេតុការណ៍នោះបន្ទាប់ពីការប្រកួត។
«ខ្ញុំបានប្រាប់គាត់កុំបារម្ភព្រោះប្រសិនបើគាត់ចាញ់នៅទីនេះគាត់នឹងបន្តឈ្នះជើងឯក Champions League។ ខ្ញុំបានធានាគាត់បែបនេះ»។ Ancelotti បានប្រាប់ទូរទស្សន៍ Sky Sport Italia ដូច្នេះ។
អ្នកចាត់ការសញ្ជាតិអ៊ីតាលី វ័យ៦០ឆ្នាំបន្ថែមថា ជំនួបទល់នឹង Liverpool គឺតឹងតែងតាំងពីនាទីដំបូងរហូតដល់នាទីចុងក្រោយតែម្តងសម្រាប់ការប៉ះគ្នាពីររដូវកាលចុងក្រោយនេះ។ ប៉ុន្តែយ៉ាងណាលោក Ancelotti ពិតជាកោតសរសើរកូនក្រុមខ្លួនចំពោះការខិតខំប្រឹងប្រែង ជាពិសេសតំបន់ការពារ និងចង់ឲ្យក្រុមរក្សាទម្រង់លេងបែបនេះ៕
Tag:
Carlo Ancelotti
UEFA Champions League
Napoli
© រក្សាសិទ្ធិដោយ thmeythmey.com
