សមត្ថកិច្ចកំពុងតាមចាប់ប៉ូលិសស្រីម្នាក់ ដែលឆបោកលុយជនបរទេសជាច្រើននាក់

ជាតិ

សង្គមជាតិ

សមត្ថកិច្ចកំពុងតាមចាប់ប៉ូលិសស្រីម្នាក់ ដែលឆបោកលុយជនបរទេសជាច្រើននាក់

19, Sep 2019 , 2:10 pm

រូបភាព

រូបភាព អតីតមន្ត្រីប៉ុស្តិ៍នគរបាលជាតិ ឈ្មោះ ភា ស្រីល័ក្ខ ដែលឆបោកលុយជនជាតិបរទេស

ដោយ:

ភ្នំពេញ៖ សមត្ថកិច្ចកំពុងតាមចាប់ស្ត្រីម្នាក់ដែលជាអតីតមន្ត្រីប៉ុស្តិ៍នគរបាលជាតិ ដែលពាក់ព័ន្ធនឹងករណីឆបោកប្រាក់ជនបរទេស ជាថ្នូរនឹងរត់ការធ្វើទិដ្ឋការ(Visa) ឱ្យពួកគេ។ ការតាមចាប់ខ្លួននេះ ធ្វើឡើងតាមពាក្យបណ្ដឹងជនបរទេសជាច្រើនរូប ដែលប្ដឹងមកសមត្ថកិច្ច។

តាមការបញ្ជាក់ពីស្នងការដ្ឋាននគរបាលរាជធានីភ្នំពេញ កញ្ញា ភា ស្រីល័ក្ខ ដែលជាអតីតអនុសេនីយ៍ទោ ត្រូវបានបណ្តេញចេញពីក្របខណ្ឌនគរបាលជាតិ តាំងពីថ្ងៃទី៧ ខែសីហា ឆ្នាំ២០១៨មកហើយ។

ស្នងការដ្ឋាននគរបាលរាជធានីភ្នំពេញ ប្រាប់ឱ្យពលរដ្ឋរាយការណ៍ទៅសមត្ថកិច្ច បើឃើញបុគ្គលខាងលើនេះ នៅបន្តប្រព្រឹត្តបទល្មើសឆបោកកន្លែងផ្សេង ដើម្បីសមត្ថកិច្ចនឹងចាត់វិធានការតាមច្បាប់៕