អត្ថបទពាណិជ្ជកម្ម
សិស្ស-និស្សិតសាកលវិទ្យាល័យសេដ្ឋកិច្ច និងហិរញ្ញវត្ថុ ចំនួន១,៣៣៤នាក់ ទទួលវិញ្ញាបនបត្រ និងសញ្ញាបត្រ ពីលោកគាត ឈន់ ប្រធានកិតិ្តយសឧត្តមក្រុមប្រឹក្សាសេដ្ឋកិច្ចជាតិ
×![]()
ដោយ: ថ្មីៗ
នៅថ្ងៃទី២០ ខែកញ្ញា ឆ្នាំ២០១៩នេះ សាកលវិទ្យាល័យសេដ្ឋកិច្ច និងហិរញ្ញវត្ថុ បានរៀបចំពិធីប្រគល់សញ្ញាបត្រ ជូនដល់និស្សិតដែលបញ្ចប់ការសិក្សា ថ្នាក់វិញ្ញាបនបត្រ បរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់ ចំនួន ១,៣៣៤នាក់។ ពិធីប្រគល់វិញ្ញាបនបត្រ និងសញ្ញាបត្រនេះ រៀបចំឡើងនៅវិទ្យាស្ថានជាតិអប់រំ ក្រោមអធិបតីភាពដ៏ខ្ពង់ខ្ពស់របស់លោក គាត ឈន់ ប្រធានកិត្តិយសឧត្តមក្រុមប្រឹក្សាសេដ្ឋកិច្ចជាតិ និងមានការអញ្ជើញចូលរួមពី លោក ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា, ព្រមទាំងលោក លោកស្រីជាថ្នាក់ដឹកនាំ មន្ត្រីរាជការ នៃក្រសួងសេដ្ឋកិច្ច និងហិរញ្ញវត្ថុ និងក្រសួងអប់រំ យុវជន និងកីឡា មាតាបិតា អាណាព្យាបាល សាស្ត្រាចារ្យ សិស្ស និស្សិត បុគ្គលិកសិក្សា និងភ្ញៀវកិត្តិយសជាច្រើនរូបទៀត។
តាមរបាយការណ៍សង្ខេបរបស់ប្រធានក្រុមប្រឹក្សាវិទ្យាសាស្ត្រ នៃសាកលវិទ្យាល័យសេដ្ឋកិច្ច និងហិរញ្ញវត្ថុ សាកលវិទ្យាល័យសេដ្ឋកិច្ចនិងហិរញ្ញវត្ថុ ត្រូវបានបង្កើតឡើង និងចាប់ផ្តើមដំណើរការដំបូងនៅឆ្នាំ២០១១ ដោយមានឈ្មោះថា «វិទ្យាស្ថានឯកទេសសេដ្ឋកិច្ចនិងហិរញ្ញវត្ថុ» តាមអនុក្រឹត្យលេខ ៣៧ អនក្រ.បក ចុះថ្ងៃទី២ ខែមីនា ឆ្នាំ ២០១១ របស់រាជរដ្ឋាភិបាលកម្ពុជា។ នៅឆ្នាំ២០១៥ ក៏បានប្រែក្លាយមកជា «សាកលវិទ្យាល័យសេដ្ឋកិច្ចនិងហិរញ្ញវត្ថុ» នៅឆ្នាំ២០១៥ តាមអនុក្រឹត្យលេខ ១២១ អនក្រ.បក ចុះថ្ងៃទី១៤ ខែកញ្ញា ឆ្នាំ២០១៥ របស់រាជរដ្ឋាភិបាល និងបានចូលរួមចំណែកយ៉ាងសកម្ម ក្នុងបេសកកម្មអប់រំ និងបណ្តុះបណ្តាលធនធានមនុស្ស កម្រិតឧត្តមសិក្សា លើមុខជំនាញដែលជាសេចក្តីត្រូវការចាំបាច់ សម្រាប់រួមចំណែកក្នុងការគ្រប់គ្រងសេដ្ឋកិច្ច និងហិរញ្ញវត្ថុ នៅក្នុងប្រទេសកម្ពុជា។
បច្ចុប្បន្ន សាកលវិទ្យាល័យសេដ្ឋកិច្ច និងហិរញ្ញវត្ថុ កំពុងបន្តអនុវត្តយ៉ាងសកម្មនូវបេសកកម្ម កសាង និងអភិវឌ្ឍធនធានមនុស្ស ស្របតាមចក្ខុវិស័យរបស់ខ្លួន ដែលចង់អភិវឌ្ឍខ្លួនជាជំហានៗទៅជា«គ្រឹះស្ថានឧត្តមសិក្សាឈានមុខមួយនៅកម្ពុជា ក្នុងការបណ្តុះបណ្តាលជំនាញពាក់ព័ន្ធការគ្រប់គ្រងសេដ្ឋកិច្ច និងហិរញ្ញវត្ថុសាធារណៈ»។ ក្នុងទិសដៅនេះ សាកលវិទ្យាល័យសេដ្ឋកិច្ច និងហិរញ្ញវត្ថុ បានយកចិត្តទុកដាក់ជានិច្ច លើការពង្រឹង និងលើកកម្ពស់គុណភាពអប់រំ បណ្តុះបណ្ដាល គ្រប់កម្រិត ដើម្បីឆ្លើយតបប្រកបដោយប្រសិទ្ធភាព ទៅនឹងតម្រូវការជាក់ស្តែងនៃទីផ្សារការងារ និងការអភិវឌ្ឍសង្គម-សេដ្ឋកិច្ច តាមរយៈការអភិវឌ្ឍផ្នែកទន់ និងផ្នែករឹង ស្របតាមស្តង់ដារគុណភាពអប់រំជាតិ ។
ការអភិវឌ្ឍផ្នែកទន់ គឺផ្តោតសំខាន់ លើការកសាង និងកែលម្អផែនការយុទ្ធសាស្ត្រ។ ផែនការសកម្មភាព និងបទប្បញ្ញត្តិពាក់ព័ន្ធ សំដៅលើកកម្ពស់ប្រសិទ្ធភាពនៃការគ្រប់គ្រង, អភិវឌ្ឍសមត្ថភាពបុគ្គលិកសិក្សា និងគ្រូបង្រៀន, អភិវឌ្ឍកម្មវិធីសិក្សា, ពង្រឹងពង្រីកកិច្ចសហការជាមួយដៃគូពាក់ព័ន្ធ និង ពង្រឹងវិន័យគ្រូ និងសិស្ស-និស្សិតជាដើម ។ ចំណែក ការអភិវឌ្ឍផ្នែករឹង គឺបានផ្តោតសំខាន់ លើហេដ្ឋារចនាសម្ព័ន្ធរូបវន្ត ដូចជាអគារសិក្សា, បន្ទប់រៀន, បន្ទប់កុំព្យូទ័រ, មូលដ្ឋានសម្ភាររូបវន្ត,គ្រឿងបរិក្ខារ និងសម្ភារឧបទ្ទេសគ្រប់ប្រភេទ ដែលគាំទ្រដល់ការបណ្តុះបណ្តាល ប្រកបដោយសង្គតិភាព និងប្រសិទ្ធភាព។
លើសពីនេះ សាកលវិទ្យាល័យសេដ្ឋកិច្ច និងហិរញ្ញវត្ថុ ក៏បាននិងកំពុងបន្ត :
ទី១. ធ្វើទំនើបនីយកម្មកម្មវិធីសិក្សា និងធ្វើបច្ចុប្បកម្មឯកសារបណ្តុះបណ្តាល។
ទី២. បង្កើនការវិនិយោគ លើហេដ្ឋារចនាសម្ព័ន្ធរូបវន្ត គាំទ្រការបណ្តុះបណ្តាល និងសិក្សាស្រាវជ្រាវ។
ទី៣. សម្រិតសម្រាំងការជ្រើសរើសសិស្ស-និស្សិត ឱ្យចូលរៀន និងជំរុញលើកទឹកចិត្តសាស្ត្រាចារ្យ ក្នុងការស្រាវជ្រាវ និងផ្សារភ្ជាប់ទ្រឹស្តី ទៅនឹងការអនុវត្ត ទៅក្នុងការបង្រៀនតាមមុខវិជ្ជានីមួយៗ។
ទី៤. លើកកម្ពស់ការយល់ដឹង និងការចូលរួមអនុវត្ត ពីសិស្ស-និស្សិត សាស្ត្រាចារ្យ និងបុគ្គលិកសិក្សា សំដៅលើកស្ទួយ និងជំរុញការគោរព«សីលធម៌ សុជីវធម៌ និង គុណធម៌» របស់សង្គមខ្មែរ ។
ទន្ទឹមនេះ សាកលវិទ្យាល័យសេដ្ឋកិច្ច និងហិរញ្ញវត្ថុ ក៏មានកម្មវិធីបណ្តុះបណ្តាលជំនាញវិជ្ជាជីវៈរយៈខ្លី និង មធ្យមផងដែរ ដោយផ្តោតលើជំនាញពាក់ព័ន្ធបច្ចេកវិទ្យាព័ត៌មាន,វិជ្ជាជីវៈគណនេយ្យ និងវិជ្ជាជីវៈភ្នាក់ងារអចលនវត្ថុ ផងដែរ។
ជាមួយនោះ ទន្ទឹមនឹងការគាំទ្រ និងការតម្រង់ទិសពីក្រសួងអប់រំ យុវជន និងកីឡា រួមនឹងការចូលរួមគាំទ្រ ពីតួអង្គពាក់ព័ន្ធ សាកលវិទ្យាល័យសេដ្ឋកិច្ចនិងហិរញ្ញវត្ថុ បាន និងកំពុងបន្ត ពង្រឹងពង្រីកកិច្ចសហប្រតិបត្តិការ ជាមួយដៃគូជាតិ-អន្តរជាតិសំខាន់ៗ រួមមាន៖ គណកម្មការមូលបត្រកម្ពុជា, ទីផ្សារមូលបត្រកម្ពុជា, សមាគមគ្រឹះស្ថានឧត្តមសិក្សាកម្ពុជា, សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា និងអគ្គនាយកដ្ឋានឧស្សាហកម្មហិរញ្ញវត្ថុ និងវិទ្យាស្ថានសេដ្ឋកិច្ច និងហិរញ្ញវត្ថុ នៃក្រសួងសេដ្ឋកិច្ចនិងហិរញ្ញវត្ថុ, សាកលវិទ្យាល័យឆាលស្ទឺត ប្រទេសអូស្ត្រាលី, ក្រុមហ៊ុនបច្ចេកវិទ្យាលំដាប់អន្តរជាតិ Oracle, ស្ថាប័ន Inspire Professional ប្រទេសម៉ាឡេស៊ី និងស្ថាប័ន ACCA Cambodia, ក្រុមហ៊ុន និងធនាគារធំៗជាតិ-អន្តរជាតិ ដូចជា ក្រុមហ៊ុន EY, KPMG, PWC, Deloitte, ABA Bank, May Bank, CIMB Bank និងធនាគារកាណាឌីយ៉ាជាដើម ។ កិច្ចសហប្រតិបត្តិការទាំងនេះ បានផ្តល់កាលានុវត្តភាព សម្រាប់តម្រង់ទិសការអភិវឌ្ឍកម្មវិធីសិក្សាផង និងជាថ្នាលពិសោធន៍ សម្រាប់ផ្សារភ្ជាប់ការសិក្សា និងការអនុវត្តជាក់ស្តែងផង និងផ្តល់ឱកាសការងារ សម្រាប់និស្សិតដែលបញ្ចប់ការសិក្សាទៀតផង។
ថ្លែងនៅក្នុងឱកាសនោះ លោក គាត ឈន់ ប្រធានកិត្តិយសឧត្តមក្រុមប្រឹក្សាសេដ្ឋកិច្ចជាតិ បានកោតសរសើរ និងវាយតម្លៃខ្ពស់ ចំពោះសាកលវិទ្យាល័យសេដ្ឋកិច្ច និងហិរញ្ញវត្ថុ ដែលបាន និងកំពុងសហការគ្នាជិតស្និទ្ធ ជាមួយវិទ្យាស្ថានសេដ្ឋកិច្ច និងហិរញ្ញវត្ថុ និងអគ្គនាយកដ្ឋានឧស្សាហកម្មហិរញ្ញវត្ថុ នៃក្រសួងសេដ្ឋកិច្ច និងហិរញ្ញវត្ថុ ក្នុងការបណ្តុះបណ្តាល និងកសាងសមត្ថភាពជូនមន្ត្រីរាជការ និង សាធារណជន។ ជាពិសេសសម្រាប់អនុវត្ត ការកែទម្រង់ការគ្រប់គ្រងហិរញ្ញវត្ថុសាធារណៈ ដោយទទួលបានលទ្ធផលជាផ្លែផ្កា គួរឱ្យកត់សម្គាល់ ព្រមទាំងទទួលបានការគាំទ្រ ពីក្រសួងស្ថាប័នរដ្ឋ ក្រុមហ៊ុនឯកជន អង្គការ សាធារណជន សិស្ស-និស្សិត សាស្ត្រាចារ្យ អាណាព្យាបាល និងការទទួលស្គាល់ពីក្រសួងអប់រំ យុវជន និង កីឡា និង គណៈកម្មការទទួលស្គាល់គុណភាពអប់រំកម្ពុជា (គ.ទ.ក) លើគុណភាពអប់រំ និងបណ្តុះបណ្តាល ដែលកំពុងបន្តដំណើរឆ្ពោះទៅមុខ ក្នុងទិសដៅដ៏ត្រឹមត្រូវ ប្រកបដោយគុណភាព និងសក្តានុពល។
ទន្ទឹមនេះ កិត្តិបរិរក្សបណ្ឌិត ប្រធានកិត្តិយសឧត្តមក្រុមប្រឹក្សាសេដ្ឋកិច្ចជាតិ បានគូសបញ្ជាក់ថា ដោយមានការគាំទ្រដ៏ខ្ពង់ខ្ពស់ពី ឯកឧត្តមអគ្គបណ្ឌិតសភាពចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និង ជាប្រធានឧត្តមក្រុមប្រឹក្សាសេដ្ឋកិច្ចជាតិ តាមរយៈឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ, ជាប្រធានក្រុមការងារកសាងសមត្ថភាព នៃក្រសួងសេដ្ឋកិច្ចនិងហិរញ្ញវត្ថុ និង ជាអនុប្រធានប្រចាំការ នៃឧត្តមក្រុមប្រឹក្សាសេដ្ឋកិច្ចជាតិ, សាកលវិទ្យាល័យសេដ្ឋកិច្ចនិងហិរញ្ញវត្ថុ បាននិងកំពុងបង្កើនកិច្ចសហការសស្រាក់សស្រាំជាមួយ អង្គភាពជំនាញសំខាន់ៗ របស់ក្រសួងសេដ្ឋកិច្ចនិងហិរញ្ញវត្ថុ ដូចជា វិទ្យាស្ថានសេដ្ឋកិច្ចនិងហិរញ្ញវត្ថុ, អគ្គនាយកដ្ឋានឧស្សាហកម្មហិរញ្ញវត្ថុ និង លេខាធិការដ្ឋានក្រុមការងារគ្រប់គ្រងប្រព័ន្ធបច្ចេកវិទ្យាព័ត៌មាន សម្រាប់ការគ្រប់គ្រងហិរញ្ញវត្ថុសាធារណៈ ក្នុងគោលបំណងបង្កើនការចូលរួមចំណែកក្នុងការងារកសាងនិងអភិវឌ្ឍសមត្ថភាពជូនមន្ត្រីរាជការ និង សាធារណជន លើជំនាញចាំបាច់សម្រាប់ការគ្រប់គ្រងសេដ្ឋកិច្ចនិងហិរញ្ញវត្ថុសាធារណៈ ជាពិសេស សម្រាប់ការអនុវត្តការកែទម្រង់ការគ្រប់គ្រងហិរញ្ញវត្ថុសាធារណៈ ឱ្យសម្រេចបានជោគជ័យច្រើនថែមទៀត ។
លោក គាត ឈន់ បានបញ្ជាក់បន្ថែមថា ប្រជាជនកម្ពុជា កំពុងទទួលអត្ថប្រយោជន៍ពីសុខ សន្តិភាព ពេញ បរិបូណ៌ លើផ្ទៃប្រទេស ដែលជាអត្ថមនុញ្ញផល ពីគោលនយោបាយ “ឈ្នះ-ឈ្នះ” របស់ សម្តេច ហ៊ុន សែន នាយករដ្ឋមន្ត្រីកម្ពុជា។ សុខសន្តិភាពនេះ គឺជាបុព្វលក្ខខណ្ឌមិនអាចខ្វះបាន សម្រាប់ការអភិវឌ្ឍសង្គម-សេដ្ឋកិច្ចជាតិ ដែលបានធ្វើឱ្យកម្រិតជីវភាពរបស់ប្រជាជន កាន់តែប្រសើរឡើង ពីមួយថ្ងៃទៅមួយថ្ងៃ។
ទន្ទឹមនោះ លោក គាត ឈន់ បានបញ្ជាក់បន្ថែមថា បច្ចុប្បន្នប្រទេសកម្ពុជា កំពុងស្ថិតនៅក្នុងបរិការណ៍តំបន់ និងពិភពលោក ដែលរចនាទៅដោយការវិវត្ត រីកចម្រើនកាន់តែខ្លាំងឡើង នៃ«វិទ្យាសាស្ត្រ និងបច្ចេកវិទ្យា» និងបានស្តែងឡើងតាមរយៈ «បដិវត្តឧស្សាហកម្មទី ៤.០» ដែលកំពុងក្លាយជាកម្លាំងចលករគន្លឹះចម្បងមួយ មានឥទ្ធិពលដល់ការកំណត់និន្នាការសង្គម-សេដ្ឋកិច្ច ពីគ្រប់ទិដ្ឋភាព ពិសេស ទាំងកាលានុវត្តភាព និងបញ្ហាប្រឈមរបស់សកលលោកទាំងមូល។ ការរីកចម្រើនផ្នែក បច្ចេកវិទ្យា នឹងជំរុញល្បឿន និងភាពស៊ីជម្រៅនៃការបង្កើតឧបករណ៍ និងកម្មវិធីស្វ័យប្រវត្តិកម្ម ដែលអាចជំនួសដល់កម្លាំង និងបញ្ញាមនុស្សយ៉ាងសម្បើម។ ក្នុងបរិការណ៍នេះ ការអប់រំគឺជាការកត្តាកំណត់ដ៏សំខាន់ សម្រាប់ធានាជោគវាសនា និងការអភិវឌ្ឍប្រកបដោយចីភាពរបស់សង្គមជាតិ។ តាម រយៈនេះ«ការអភិវឌ្ឍធនធានមនុស្សមានគុណភាព បច្ចេកវិទ្យា និងនវានុវត្ត» គឺជាកិច្ចការចាំបាច់សម្រាប់កម្ពុជា ដើម្បីចូលរួមចំណែកប្រកបដោយជវភាព និងឧត្តមភាព នៅក្នុងសមាហរណកម្មដោយពេញលេញ ទៅក្នុងតំបន់ និងពិភពលោក។
ក្នុងន័យនេះ លោក គាត ឈន់ ប្រធានកិត្តិយសឧត្តមក្រុមប្រឹក្សាសេដ្ឋកិច្ចជាតិ បានសម្ដែងនូវការកោតសរសើរ និងវាយតម្លៃខ្ពស់ចំពោះសិស្ស និងនិស្សិតជ័យលាភីថ្នាក់វិញ្ញាបនបត្រ បរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់ទាំង ១,៣៣៤ នាក់ និងបានផ្តាំផ្ញើ និងលើកទឹកចិត្តដល់សិស្ស និង និស្សិតជ័យលាភីទាំងអស់ បន្តខិតខំស្វែងយល់ និងដកស្រង់បទពិសោធន៍ ពីការអនុវត្តការងារជាក់ស្តែង នៅក្នុងការដ្ឋានការងារប្រចាំថ្ងៃ និងត្រូវតស៊ូ ព្យាយាម អត់ធន់ ប្រកបដោយសីលធម៌ និងបុរេសកម្ម រួមនឹងការច្នៃប្រឌិតខ្ពស់ ដើម្បីដុសខាត់ និងហ្វឹកហ្វឺន ចំណេះដឹងរបស់ខ្លួន ឱ្យកាន់តែរឹងមាំ និងស្ទាត់ជំនាញ សម្រាប់ឆ្លើយតប ដោយប្រសិទ្ធភាព និងស័ក្តិសិទ្ធភាព ទៅនឹងតម្រូវការទីផ្សារការងារ និងសង្គមជាតិ សំដៅដោះស្រាយទប់ទល់គ្រប់បញ្ហាប្រឈមចំពោះមុខផង និងបង្កបង្កើតស្នាដៃល្អៗសម្រាប់សង្គមជាតិកម្ពុជា៕
(អត្ថបទពាណិជ្ជកម្ម)
តាមរបាយការណ៍សង្ខេបរបស់ប្រធានក្រុមប្រឹក្សាវិទ្យាសាស្ត្រ នៃសាកលវិទ្យាល័យសេដ្ឋកិច្ច និងហិរញ្ញវត្ថុ សាកលវិទ្យាល័យសេដ្ឋកិច្ចនិងហិរញ្ញវត្ថុ ត្រូវបានបង្កើតឡើង និងចាប់ផ្តើមដំណើរការដំបូងនៅឆ្នាំ២០១១ ដោយមានឈ្មោះថា «វិទ្យាស្ថានឯកទេសសេដ្ឋកិច្ចនិងហិរញ្ញវត្ថុ» តាមអនុក្រឹត្យលេខ ៣៧ អនក្រ.បក ចុះថ្ងៃទី២ ខែមីនា ឆ្នាំ ២០១១ របស់រាជរដ្ឋាភិបាលកម្ពុជា។ នៅឆ្នាំ២០១៥ ក៏បានប្រែក្លាយមកជា «សាកលវិទ្យាល័យសេដ្ឋកិច្ចនិងហិរញ្ញវត្ថុ» នៅឆ្នាំ២០១៥ តាមអនុក្រឹត្យលេខ ១២១ អនក្រ.បក ចុះថ្ងៃទី១៤ ខែកញ្ញា ឆ្នាំ២០១៥ របស់រាជរដ្ឋាភិបាល និងបានចូលរួមចំណែកយ៉ាងសកម្ម ក្នុងបេសកកម្មអប់រំ និងបណ្តុះបណ្តាលធនធានមនុស្ស កម្រិតឧត្តមសិក្សា លើមុខជំនាញដែលជាសេចក្តីត្រូវការចាំបាច់ សម្រាប់រួមចំណែកក្នុងការគ្រប់គ្រងសេដ្ឋកិច្ច និងហិរញ្ញវត្ថុ នៅក្នុងប្រទេសកម្ពុជា។
បច្ចុប្បន្ន សាកលវិទ្យាល័យសេដ្ឋកិច្ច និងហិរញ្ញវត្ថុ កំពុងបន្តអនុវត្តយ៉ាងសកម្មនូវបេសកកម្ម កសាង និងអភិវឌ្ឍធនធានមនុស្ស ស្របតាមចក្ខុវិស័យរបស់ខ្លួន ដែលចង់អភិវឌ្ឍខ្លួនជាជំហានៗទៅជា«គ្រឹះស្ថានឧត្តមសិក្សាឈានមុខមួយនៅកម្ពុជា ក្នុងការបណ្តុះបណ្តាលជំនាញពាក់ព័ន្ធការគ្រប់គ្រងសេដ្ឋកិច្ច និងហិរញ្ញវត្ថុសាធារណៈ»។ ក្នុងទិសដៅនេះ សាកលវិទ្យាល័យសេដ្ឋកិច្ច និងហិរញ្ញវត្ថុ បានយកចិត្តទុកដាក់ជានិច្ច លើការពង្រឹង និងលើកកម្ពស់គុណភាពអប់រំ បណ្តុះបណ្ដាល គ្រប់កម្រិត ដើម្បីឆ្លើយតបប្រកបដោយប្រសិទ្ធភាព ទៅនឹងតម្រូវការជាក់ស្តែងនៃទីផ្សារការងារ និងការអភិវឌ្ឍសង្គម-សេដ្ឋកិច្ច តាមរយៈការអភិវឌ្ឍផ្នែកទន់ និងផ្នែករឹង ស្របតាមស្តង់ដារគុណភាពអប់រំជាតិ ។
ការអភិវឌ្ឍផ្នែកទន់ គឺផ្តោតសំខាន់ លើការកសាង និងកែលម្អផែនការយុទ្ធសាស្ត្រ។ ផែនការសកម្មភាព និងបទប្បញ្ញត្តិពាក់ព័ន្ធ សំដៅលើកកម្ពស់ប្រសិទ្ធភាពនៃការគ្រប់គ្រង, អភិវឌ្ឍសមត្ថភាពបុគ្គលិកសិក្សា និងគ្រូបង្រៀន, អភិវឌ្ឍកម្មវិធីសិក្សា, ពង្រឹងពង្រីកកិច្ចសហការជាមួយដៃគូពាក់ព័ន្ធ និង ពង្រឹងវិន័យគ្រូ និងសិស្ស-និស្សិតជាដើម ។ ចំណែក ការអភិវឌ្ឍផ្នែករឹង គឺបានផ្តោតសំខាន់ លើហេដ្ឋារចនាសម្ព័ន្ធរូបវន្ត ដូចជាអគារសិក្សា, បន្ទប់រៀន, បន្ទប់កុំព្យូទ័រ, មូលដ្ឋានសម្ភាររូបវន្ត,គ្រឿងបរិក្ខារ និងសម្ភារឧបទ្ទេសគ្រប់ប្រភេទ ដែលគាំទ្រដល់ការបណ្តុះបណ្តាល ប្រកបដោយសង្គតិភាព និងប្រសិទ្ធភាព។
លើសពីនេះ សាកលវិទ្យាល័យសេដ្ឋកិច្ច និងហិរញ្ញវត្ថុ ក៏បាននិងកំពុងបន្ត :
ទី១. ធ្វើទំនើបនីយកម្មកម្មវិធីសិក្សា និងធ្វើបច្ចុប្បកម្មឯកសារបណ្តុះបណ្តាល។
ទី២. បង្កើនការវិនិយោគ លើហេដ្ឋារចនាសម្ព័ន្ធរូបវន្ត គាំទ្រការបណ្តុះបណ្តាល និងសិក្សាស្រាវជ្រាវ។
ទី៣. សម្រិតសម្រាំងការជ្រើសរើសសិស្ស-និស្សិត ឱ្យចូលរៀន និងជំរុញលើកទឹកចិត្តសាស្ត្រាចារ្យ ក្នុងការស្រាវជ្រាវ និងផ្សារភ្ជាប់ទ្រឹស្តី ទៅនឹងការអនុវត្ត ទៅក្នុងការបង្រៀនតាមមុខវិជ្ជានីមួយៗ។
ទី៤. លើកកម្ពស់ការយល់ដឹង និងការចូលរួមអនុវត្ត ពីសិស្ស-និស្សិត សាស្ត្រាចារ្យ និងបុគ្គលិកសិក្សា សំដៅលើកស្ទួយ និងជំរុញការគោរព«សីលធម៌ សុជីវធម៌ និង គុណធម៌» របស់សង្គមខ្មែរ ។
ទន្ទឹមនេះ សាកលវិទ្យាល័យសេដ្ឋកិច្ច និងហិរញ្ញវត្ថុ ក៏មានកម្មវិធីបណ្តុះបណ្តាលជំនាញវិជ្ជាជីវៈរយៈខ្លី និង មធ្យមផងដែរ ដោយផ្តោតលើជំនាញពាក់ព័ន្ធបច្ចេកវិទ្យាព័ត៌មាន,វិជ្ជាជីវៈគណនេយ្យ និងវិជ្ជាជីវៈភ្នាក់ងារអចលនវត្ថុ ផងដែរ។
ជាមួយនោះ ទន្ទឹមនឹងការគាំទ្រ និងការតម្រង់ទិសពីក្រសួងអប់រំ យុវជន និងកីឡា រួមនឹងការចូលរួមគាំទ្រ ពីតួអង្គពាក់ព័ន្ធ សាកលវិទ្យាល័យសេដ្ឋកិច្ចនិងហិរញ្ញវត្ថុ បាន និងកំពុងបន្ត ពង្រឹងពង្រីកកិច្ចសហប្រតិបត្តិការ ជាមួយដៃគូជាតិ-អន្តរជាតិសំខាន់ៗ រួមមាន៖ គណកម្មការមូលបត្រកម្ពុជា, ទីផ្សារមូលបត្រកម្ពុជា, សមាគមគ្រឹះស្ថានឧត្តមសិក្សាកម្ពុជា, សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា និងអគ្គនាយកដ្ឋានឧស្សាហកម្មហិរញ្ញវត្ថុ និងវិទ្យាស្ថានសេដ្ឋកិច្ច និងហិរញ្ញវត្ថុ នៃក្រសួងសេដ្ឋកិច្ចនិងហិរញ្ញវត្ថុ, សាកលវិទ្យាល័យឆាលស្ទឺត ប្រទេសអូស្ត្រាលី, ក្រុមហ៊ុនបច្ចេកវិទ្យាលំដាប់អន្តរជាតិ Oracle, ស្ថាប័ន Inspire Professional ប្រទេសម៉ាឡេស៊ី និងស្ថាប័ន ACCA Cambodia, ក្រុមហ៊ុន និងធនាគារធំៗជាតិ-អន្តរជាតិ ដូចជា ក្រុមហ៊ុន EY, KPMG, PWC, Deloitte, ABA Bank, May Bank, CIMB Bank និងធនាគារកាណាឌីយ៉ាជាដើម ។ កិច្ចសហប្រតិបត្តិការទាំងនេះ បានផ្តល់កាលានុវត្តភាព សម្រាប់តម្រង់ទិសការអភិវឌ្ឍកម្មវិធីសិក្សាផង និងជាថ្នាលពិសោធន៍ សម្រាប់ផ្សារភ្ជាប់ការសិក្សា និងការអនុវត្តជាក់ស្តែងផង និងផ្តល់ឱកាសការងារ សម្រាប់និស្សិតដែលបញ្ចប់ការសិក្សាទៀតផង។
ថ្លែងនៅក្នុងឱកាសនោះ លោក គាត ឈន់ ប្រធានកិត្តិយសឧត្តមក្រុមប្រឹក្សាសេដ្ឋកិច្ចជាតិ បានកោតសរសើរ និងវាយតម្លៃខ្ពស់ ចំពោះសាកលវិទ្យាល័យសេដ្ឋកិច្ច និងហិរញ្ញវត្ថុ ដែលបាន និងកំពុងសហការគ្នាជិតស្និទ្ធ ជាមួយវិទ្យាស្ថានសេដ្ឋកិច្ច និងហិរញ្ញវត្ថុ និងអគ្គនាយកដ្ឋានឧស្សាហកម្មហិរញ្ញវត្ថុ នៃក្រសួងសេដ្ឋកិច្ច និងហិរញ្ញវត្ថុ ក្នុងការបណ្តុះបណ្តាល និងកសាងសមត្ថភាពជូនមន្ត្រីរាជការ និង សាធារណជន។ ជាពិសេសសម្រាប់អនុវត្ត ការកែទម្រង់ការគ្រប់គ្រងហិរញ្ញវត្ថុសាធារណៈ ដោយទទួលបានលទ្ធផលជាផ្លែផ្កា គួរឱ្យកត់សម្គាល់ ព្រមទាំងទទួលបានការគាំទ្រ ពីក្រសួងស្ថាប័នរដ្ឋ ក្រុមហ៊ុនឯកជន អង្គការ សាធារណជន សិស្ស-និស្សិត សាស្ត្រាចារ្យ អាណាព្យាបាល និងការទទួលស្គាល់ពីក្រសួងអប់រំ យុវជន និង កីឡា និង គណៈកម្មការទទួលស្គាល់គុណភាពអប់រំកម្ពុជា (គ.ទ.ក) លើគុណភាពអប់រំ និងបណ្តុះបណ្តាល ដែលកំពុងបន្តដំណើរឆ្ពោះទៅមុខ ក្នុងទិសដៅដ៏ត្រឹមត្រូវ ប្រកបដោយគុណភាព និងសក្តានុពល។
ទន្ទឹមនេះ កិត្តិបរិរក្សបណ្ឌិត ប្រធានកិត្តិយសឧត្តមក្រុមប្រឹក្សាសេដ្ឋកិច្ចជាតិ បានគូសបញ្ជាក់ថា ដោយមានការគាំទ្រដ៏ខ្ពង់ខ្ពស់ពី ឯកឧត្តមអគ្គបណ្ឌិតសភាពចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និង ជាប្រធានឧត្តមក្រុមប្រឹក្សាសេដ្ឋកិច្ចជាតិ តាមរយៈឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ, ជាប្រធានក្រុមការងារកសាងសមត្ថភាព នៃក្រសួងសេដ្ឋកិច្ចនិងហិរញ្ញវត្ថុ និង ជាអនុប្រធានប្រចាំការ នៃឧត្តមក្រុមប្រឹក្សាសេដ្ឋកិច្ចជាតិ, សាកលវិទ្យាល័យសេដ្ឋកិច្ចនិងហិរញ្ញវត្ថុ បាននិងកំពុងបង្កើនកិច្ចសហការសស្រាក់សស្រាំជាមួយ អង្គភាពជំនាញសំខាន់ៗ របស់ក្រសួងសេដ្ឋកិច្ចនិងហិរញ្ញវត្ថុ ដូចជា វិទ្យាស្ថានសេដ្ឋកិច្ចនិងហិរញ្ញវត្ថុ, អគ្គនាយកដ្ឋានឧស្សាហកម្មហិរញ្ញវត្ថុ និង លេខាធិការដ្ឋានក្រុមការងារគ្រប់គ្រងប្រព័ន្ធបច្ចេកវិទ្យាព័ត៌មាន សម្រាប់ការគ្រប់គ្រងហិរញ្ញវត្ថុសាធារណៈ ក្នុងគោលបំណងបង្កើនការចូលរួមចំណែកក្នុងការងារកសាងនិងអភិវឌ្ឍសមត្ថភាពជូនមន្ត្រីរាជការ និង សាធារណជន លើជំនាញចាំបាច់សម្រាប់ការគ្រប់គ្រងសេដ្ឋកិច្ចនិងហិរញ្ញវត្ថុសាធារណៈ ជាពិសេស សម្រាប់ការអនុវត្តការកែទម្រង់ការគ្រប់គ្រងហិរញ្ញវត្ថុសាធារណៈ ឱ្យសម្រេចបានជោគជ័យច្រើនថែមទៀត ។
លោក គាត ឈន់ បានបញ្ជាក់បន្ថែមថា ប្រជាជនកម្ពុជា កំពុងទទួលអត្ថប្រយោជន៍ពីសុខ សន្តិភាព ពេញ បរិបូណ៌ លើផ្ទៃប្រទេស ដែលជាអត្ថមនុញ្ញផល ពីគោលនយោបាយ “ឈ្នះ-ឈ្នះ” របស់ សម្តេច ហ៊ុន សែន នាយករដ្ឋមន្ត្រីកម្ពុជា។ សុខសន្តិភាពនេះ គឺជាបុព្វលក្ខខណ្ឌមិនអាចខ្វះបាន សម្រាប់ការអភិវឌ្ឍសង្គម-សេដ្ឋកិច្ចជាតិ ដែលបានធ្វើឱ្យកម្រិតជីវភាពរបស់ប្រជាជន កាន់តែប្រសើរឡើង ពីមួយថ្ងៃទៅមួយថ្ងៃ។
ទន្ទឹមនោះ លោក គាត ឈន់ បានបញ្ជាក់បន្ថែមថា បច្ចុប្បន្នប្រទេសកម្ពុជា កំពុងស្ថិតនៅក្នុងបរិការណ៍តំបន់ និងពិភពលោក ដែលរចនាទៅដោយការវិវត្ត រីកចម្រើនកាន់តែខ្លាំងឡើង នៃ«វិទ្យាសាស្ត្រ និងបច្ចេកវិទ្យា» និងបានស្តែងឡើងតាមរយៈ «បដិវត្តឧស្សាហកម្មទី ៤.០» ដែលកំពុងក្លាយជាកម្លាំងចលករគន្លឹះចម្បងមួយ មានឥទ្ធិពលដល់ការកំណត់និន្នាការសង្គម-សេដ្ឋកិច្ច ពីគ្រប់ទិដ្ឋភាព ពិសេស ទាំងកាលានុវត្តភាព និងបញ្ហាប្រឈមរបស់សកលលោកទាំងមូល។ ការរីកចម្រើនផ្នែក បច្ចេកវិទ្យា នឹងជំរុញល្បឿន និងភាពស៊ីជម្រៅនៃការបង្កើតឧបករណ៍ និងកម្មវិធីស្វ័យប្រវត្តិកម្ម ដែលអាចជំនួសដល់កម្លាំង និងបញ្ញាមនុស្សយ៉ាងសម្បើម។ ក្នុងបរិការណ៍នេះ ការអប់រំគឺជាការកត្តាកំណត់ដ៏សំខាន់ សម្រាប់ធានាជោគវាសនា និងការអភិវឌ្ឍប្រកបដោយចីភាពរបស់សង្គមជាតិ។ តាម រយៈនេះ«ការអភិវឌ្ឍធនធានមនុស្សមានគុណភាព បច្ចេកវិទ្យា និងនវានុវត្ត» គឺជាកិច្ចការចាំបាច់សម្រាប់កម្ពុជា ដើម្បីចូលរួមចំណែកប្រកបដោយជវភាព និងឧត្តមភាព នៅក្នុងសមាហរណកម្មដោយពេញលេញ ទៅក្នុងតំបន់ និងពិភពលោក។
ក្នុងន័យនេះ លោក គាត ឈន់ ប្រធានកិត្តិយសឧត្តមក្រុមប្រឹក្សាសេដ្ឋកិច្ចជាតិ បានសម្ដែងនូវការកោតសរសើរ និងវាយតម្លៃខ្ពស់ចំពោះសិស្ស និងនិស្សិតជ័យលាភីថ្នាក់វិញ្ញាបនបត្រ បរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់ទាំង ១,៣៣៤ នាក់ និងបានផ្តាំផ្ញើ និងលើកទឹកចិត្តដល់សិស្ស និង និស្សិតជ័យលាភីទាំងអស់ បន្តខិតខំស្វែងយល់ និងដកស្រង់បទពិសោធន៍ ពីការអនុវត្តការងារជាក់ស្តែង នៅក្នុងការដ្ឋានការងារប្រចាំថ្ងៃ និងត្រូវតស៊ូ ព្យាយាម អត់ធន់ ប្រកបដោយសីលធម៌ និងបុរេសកម្ម រួមនឹងការច្នៃប្រឌិតខ្ពស់ ដើម្បីដុសខាត់ និងហ្វឹកហ្វឺន ចំណេះដឹងរបស់ខ្លួន ឱ្យកាន់តែរឹងមាំ និងស្ទាត់ជំនាញ សម្រាប់ឆ្លើយតប ដោយប្រសិទ្ធភាព និងស័ក្តិសិទ្ធភាព ទៅនឹងតម្រូវការទីផ្សារការងារ និងសង្គមជាតិ សំដៅដោះស្រាយទប់ទល់គ្រប់បញ្ហាប្រឈមចំពោះមុខផង និងបង្កបង្កើតស្នាដៃល្អៗសម្រាប់សង្គមជាតិកម្ពុជា៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
