សាលា​មួយ​នៅ​អាមេរិក​ឲ្យ​សិស្ស​ធ្វើ​កាយវិការ និង​តុបតែង​ដោយ​សេរី​លើ​រូបថត​កាត​
អន្តរជាតិ
សាលា​មួយ​នៅ​អាមេរិក​ឲ្យ​សិស្ស​ធ្វើ​កាយវិការ និង​តុបតែង​ដោយ​សេរី​លើ​រូបថត​កាត​
22, Sep 2019 , 3:22 pm        
រូបភាព
ដោយ: ធីតា
​ជាទូទៅ សិស្ស​ទាំងអស់​ត្រូវមាន​កាត​សម្គាល់​ខ្លួន ដោយមាន​រូបថត​ពាក់​កណ្តាល​ខ្លួន [​ផ្ទៃមុខ​] ជាមួយ​ឯកសណ្ឋាន​សាលា ឬ​អាវ​ដែល​សមរម្យ​។ ប៉ុន្តែ​សម្រាប់​សិស្ស​នៅ​វិទ្យាល័យ North Farmington សហរដ្ឋអាមេរិក​ឯណោះ​វិញ សិស្ស​មាន​សិទ្ធិ​ថត​គ្រប់​សកម្មភាព​របស់ខ្លួន សម្រាប់​កាត​សម្គាល់​ខ្លួន​ប្រចាំ​សាលា​។​

 
​ស្ថិតក្នុង​រដ្ឋ Michigan សហរដ្ឋអាមេរិក ថ្នាក់ដឹកនាំ​សាលា North Farmington បាន​កត់សម្គាល់ថា ការតម្រូវ​ឲ្យ​សិ​ស្សមានភាព​ម៉ត់ចត់​តាម​លក្ខខណ្ឌ​ខ្លាំងពេក​នោះ នឹងមិន​បង្កើត​អនុស្សាវរីយ៍​ដ៏​ចងចាំ​សម្រាប់​ពួកគេ​នៅ​សាលា​នោះឡើយ​។​
 

 
​ជា​រៀងរាល់ឆ្នាំ សាលា North Farmington បានអនុញ្ញាត​ឲ្យ​បុគ្គលិក​របស់ខ្លួន អាច​ថតរូប​ជាមួយនឹង​កាយវិការ​ដោយ​សេរី នៅ​ឆ្នាំ​ចុងក្រោយ មុន​ចូលនិវត្តន៍ ប៉ុន្តែ​ករណីនេះ បានធ្វើ​ឲ្យ​សិស្ស​ទូទៅ​ចាប់អារម្មណ៍​។ ហើយ​ចាប់ពី​ចូល​បវេសនកាល​ឆ្នាំ​២០១៩ ក្រុមនិស្សិត​បាននាំគ្នា​ប​ង្ហោះ​ព្រោងព្រាត​ពេញ​បណ្តាញ​សង្គម Twitter ដោយ​ភ្ជាប់​ជាមួយ Hashtag #NFID20 ។​
 
 


តាមរយៈ Hashtag #NFID20 គេ​បាន​សង្កេត​មាន​រូបភាព​ប្លែកៗ​ជាច្រើន​នៅលើ​កាត​សិស្ស​នៃ​វិទ្យាល័យ North Farmington ជាពិសេស​សិស្ស​ទាំងនោះ តុបតែង​ខ្លួន តាម​និមិត្តរូប​ដែល​ខ្លួន​ចូលចិត្ត​។ ទោះបីជា​យ៉ាងណាក៏ដោយ រូបភាព​មួយចំនួន គ្រាន់តែ​រចនា​ឡើង​ដើម្បី​ទាក់ទាញ​អ្នកប្រើប្រាស់​បណ្តាញ​សង្គម​ប៉ុណ្ណោះ ដោយ​អ្នកខ្លះ​មិនមែនជា​សិស្ស​នៅ​សាលា North Farmington នោះឡើយ​៕
 
















Tag:
 អប់រំ
© រក្សាសិទ្ធិដោយ thmeythmey.com