កំណាព្យ
ជាតិ
×![]()
បទ បថ្យាវត្ត
-ប្រាសាទល្អឆើតអើតអួតភ្នែកញាតិ មកហើយមកទៀតចិត្តមិនជិនណាយ
សៀមរាបអង្គរឈរលំដាប់ផ្កាយ ដល់ហើយសប្បាយឆ្ងាយពីទុក្ខា។
-ស្រស់ទាំងឧទ្យានមានទាំងប្រឹក្សា Hotel,pub,bar មានផ្សារ mall,mart
វិថីតូចធំរៀបចំល្អស្អាត ចាយលុយមិនខាតព្រោះមានទាំងអស់។
-បាយ័នញញឹមគ្មានផ្ទឹមសម្រស់ បន្ទាយស្រីស្រស់អង្គរតានៃ
បាពួនគក់ទ្រូងបាគងមានជ័យ តាព្រហ្មល្បើកព្រៃស្មេរលៃចោះៗ។
-Pub street ឃ្លាតទុក្ខកំពង់ភ្លុកស្រស់ ជិះបាឡុងហោះគយគន់ទេសភាព
គូលែនបាខែងកន្លែងគ្មានប្រៀប មើលផ្ទះតម្រៀបលើទឹកចុងឃ្នាស។
-អូតែលផ្កាយប្រាំចាំគ្មានរង្គាស អាហារពោរពាសមានចម្រុះសាសន៍
អឺរ៉ុបអាស៊ីអាគាំងមិនខ្វះ ម្ហូមខ្មែរក៏ណាស់មានច្រើនសណ្ឋាន។
-កំណើនភ្ញៀវចូលចំណូលរាស្ត្របាន អ្នកស្រុកចាប់ថ្កានច្រើនឡើងក្នុងខេត្រ
តួលេខអ្នកក្រតថយក្រឡែត លូតលាស់ព្រោះហេតុមានមុខរបរ។
-នៅមានកង្វល់ត្រូវស្រាយបន្ត គ្រឿងញៀនមិនល្អថែមទាំងសំរាម
ការទន្ទ្រានដីខុសច្បាប់រដ្ឋហាម ថែមទាំងត្រូវតាមផ្គាប់ចិត្តទេសចរ៕
© រក្សាសិទ្ធិដោយ thmeythmey.com
