EFL Cup៖ Spurs ត្រូវក្រុមនៃលីគទី៤ Colchester ទម្លាក់ត្រឹមជុំដំបូង

កីឡាអន្តរជាតិ

អន្តរជាតិ

EFL Cup៖ Spurs ត្រូវក្រុមនៃលីគទី៤ Colchester ទម្លាក់ត្រឹមជុំដំបូង

25, Sep 2019 , 11:14 am

រូបភាព

ដោយ: ទេព ពិទូរ្យ

ក្រុមលំដាប់លីគទី៤អង់គ្លេស Colchester United បានផ្តល់មេរៀនឈឺចាប់ឲ្យក្រុម Tottenham Hotspur ដោយទម្លាក់ក្រុមពី Premier League នេះចេញពីពានរង្វាន់ EFL Cup ដោយការទាត់បាល់កាត់សេចក្តីប៉េណាល់ទី។

Colchester ដែលជាក្រុមស្ថិតក្នុងក្របខណ្ឌ League 2 ទទួលបានកៅអីទៅកាន់ជុំទី៤ តាមរយៈការឈ្នះ Spurs ដោយបាល់កាត់សេចក្តីប៉េណាល់ទីក្នុងលទ្ធផល ៤-៣ បន្ទាប់ពីបញ្ចប់ការប្រកួតក្នុងម៉ោងផ្លូវការស្មើគ្នា ០-០ នាជំនួបជុំដំបូងនៅយប់ថ្ងៃទី២៤ ខែកញ្ញា ឆ្នាំ២០១៩។

ខ្សែបម្រើឆ្នើម Christian Eriksen និង Lucas Moura បានធ្វើឲ្យក្រុមមាន់ខ្នាយមាសខកខានទៅវគ្គបន្ត ដ្បិតមិនអាចបញ្ចប់ទីបានរៀងខ្លួន។ បរាជ័យរបស់ Spurs បាននាំឲ្យ Colchester ក្រោមការដឹកនាំរបស់លោក John McGreal ឈានទៅវគ្គ១៦ក្រុមចុងក្រោយជាលើកដំបូងក្នុងរយៈពេល៤៤ឆ្នាំចុងក្រោយ។

ក្រៅពី Spurs ក្រុមផ្សេងទៀតដែលមកពីលីគកំពូលអង់គ្លេសសុទ្ធតែឈ្នះទាំងអស់។ Leicester City បានយកឈ្នះ Luton Town ដោយលទ្ធផល ៤-០, Southampton ឈ្នះ Portsmouth ៤-០, Manchester City ឈ្នះ Preston North End ៣-០, Everton ឈ្នះ Sheffield Wednesday ២-០, Watford ឈ្នះ Swansea City ២-០ និង Arsenal លត់ Nottingham Forest ក្នុងលទ្ធផល ៥-០៕

Tag:

EFL Cup

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

1 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

2 ថ្ងៃ

សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ

6 ថ្ងៃ

«បុរាណ»និង«បូរាណ» មានអត្ថន័យដូចគ្នា

6 ថ្ងៃ

«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ

4 ថ្ងៃ

អត្ថបទពេញនិយមបន្ថែម