កីឡាជាតិ
ជាតិ
ក្រុមកីឡាករគុនល្បុក្កតោម្ចាស់ជ័យលាភីនៅកូរ៉េ ទទួលបានថវិកាលើកទឹកចិត្តពីប្រធានសហព័ន្ធ
×![]()
ក្រុមកីឡាករគុនល្បុក្កតោ ដែលទទួលបានជ័យលាភីក្នុងការប្រកួត Pre-Sea Games លើវិញ្ញាសាដំបងខ្លី Arnis និងការប្រកួតក្បាច់គុនអន្តរជាតិ International Martial Arts Contest នៅសាធារណៈរដ្ឋកូរ៉េ ទទួលបានថវិកាលើកទឹកចិត្តពីលោក ច័ន្ទ សារុន ប្រធានសហព័ន្ធកីឡាគុនល្បុក្កតោកម្ពុជា។ 
លោក ច័ន្ទ សារុន ប្រធានសហព័ន្ធកីឡាគុនល្បុក្កតោកម្ពុជា បានចំណាយថវិកាផ្ទាល់ខ្លួនឧបត្ថម្ភដល់ប្រតិភូ គ្រូបង្វឹក និងកីឡាករកីឡាការិនីចំនួន៩រូប ដើម្បីលើកទឹកចិត្ត ក៏ដូចជាតបស្នងដល់ពួកគេ។ ការផ្តល់ថវិកាលើកទឹកចិត្តនេះ ធ្វើឡើងក្រោយពួកគេបានសាងស្នាដៃយ៉ាងត្រចះត្រចង់ តាមរយៈដណ្តើមបានមេដាយមាស៦ និងសំរឹទ្ធ១ក្នុងការប្រកួត Pre-Sea Games លើវិញ្ញាសា Arnis និងការប្រកួតក្បាច់គុនអន្តរជាតិ International Martial Arts Contest នៅសាធារណៈរដ្ឋកូរ៉េ។
ក្រៅពីកីឡាការិនី ខៀវ ចិន្តារ័ត្ន, យស់ សញ្ចនា, ពេជ្រ ពន្លឺ, សុខ ប៊ុនយ៉ុង, មឿន ប៊ុនលី និង ឈឹម សីលា ដែលជាម្ចាស់មេដាយមាសក្នុងការប្រកួត Pre-Sea Games លោក អ៊ួ តារា អគ្គលេខាធិការសហព័ន្ធកីឡាគុនល្បុក្កតោកម្ពុជា និងប្រធានប្រតិភូ និងលោក អ៊ុង ដារិទ្ធ ជាគ្រូបង្វឹក ក៏ទទួលបានថវិកាលើកទឹកចិត្តផងដែរ។
ក្នុងឱកាសប្រគល់ថវិកាលើកទឹកចិត្តដល់កីឡាករ ទាំងលោក ច័ន្ទ សារុន ប្រធានសហព័ន្ធ លោក វ៉ាត់ ចំរើន អនុប្រធានសហព័ន្ធ និងលោក កែវ រ៉េមី ទីប្រឹក្សាជាន់ខ្ពស់សហព័ន្ធ សុទ្ធតែជំរុញឲ្យកីឡាករកីឡាការិនីបន្តប្រឹងប្រែងហ្វឹកហាត់ពង្រឹងសមត្ថភាពបន្ថែម ដើម្បីត្រៀមដណ្តើមមេដាយក្នុងការប្រកួតកីឡាស៊ីហ្គេមលើកទី៣០នៅប្រទេសហ្វីលីពីនឆ្នាំនេះ។ ជាពិសេសការប្រកួតកីឡាស៊ីហ្គេមលើកទី៣២ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។
សម្រាប់លោក ច័ន្ទ សារុន ការចូលរួមប្រកួតកីឡាស៊ីហ្គេមនៅហ្វីលីពីនលើវិញ្ញាសាដំបងខ្លី Arnis ជាឱកាសរបស់កម្ពុជា ដើម្បីផ្សព្វផ្សាយពីវប្បធម៌ ក៏ដូចជាសក្តានុពលរបស់គុនល្បុក្កតោ ដែលក្បាច់គុនកេរតំណែករបស់បុរសខ្មែរ ឲ្យបណ្តាប្រទេសក្នុងតំបន់អាស៊ានស្គាល់កាន់តែច្បាស់។ លោក បានចាត់ទុកជាជោគជ័យផ្ទួនៗ បើគុនល្បុក្កតោទទួលបានជោគជ័យក្នុងការប្រកួតកីឡាស៊ីហ្គេមនៅហ្វីលីពីន និងត្រូវបានចុះក្នុងបញ្ជីជាសម្បត្តិបេតិកភណ្ឌអរូបីនៃមនុស្សជាតិរបស់អង្គការយូណេស្កូនៅឆ្នាំ។
ប្រធានសហព័ន្ធរូបនេះបានកោតសរសើរចំពោះការខិតខំប្រឹងប្រែង និងភាពរីកចម្រើនរបស់កីឡាករកីឡាការិនី។ ទន្ទឹមនឹងកោតសរសើរពីស្នាដៃ អតីតរដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទរូបនេះ បានឆ្លៀតផ្តាំកីឡាករកុំឲ្យផ្តេកផ្តួលជាជោគជ័យនិងមានមោទកភាពលើខ្លួនឯងខ្លាំងពេក។
ការប្រគល់ថវិកានៅទីស្នាក់ការ NOCC នារសៀលថ្ងៃទី២៥ ខែកញ្ញា ឆ្នាំ២០១៩ នេះ ធ្វើឡើងក្រោមវត្តមានលោក ច័ន្ទ សារុន ប្រធានសហព័ន្ធ លោក កែវ រ៉េមី ទីប្រឹក្សាជាន់ខ្ពស់សហព័ន្ធ លោក វ៉ាត់ ចំរើន អនុប្រធានសហព័ន្ធ និងថ្នាក់ដឹកនាំជាច្រើនរូបទៀត៕
លោក ច័ន្ទ សារុន ប្រធានសហព័ន្ធកីឡាគុនល្បុក្កតោកម្ពុជា បានចំណាយថវិកាផ្ទាល់ខ្លួនឧបត្ថម្ភដល់ប្រតិភូ គ្រូបង្វឹក និងកីឡាករកីឡាការិនីចំនួន៩រូប ដើម្បីលើកទឹកចិត្ត ក៏ដូចជាតបស្នងដល់ពួកគេ។ ការផ្តល់ថវិកាលើកទឹកចិត្តនេះ ធ្វើឡើងក្រោយពួកគេបានសាងស្នាដៃយ៉ាងត្រចះត្រចង់ តាមរយៈដណ្តើមបានមេដាយមាស៦ និងសំរឹទ្ធ១ក្នុងការប្រកួត Pre-Sea Games លើវិញ្ញាសា Arnis និងការប្រកួតក្បាច់គុនអន្តរជាតិ International Martial Arts Contest នៅសាធារណៈរដ្ឋកូរ៉េ។
ក្រៅពីកីឡាការិនី ខៀវ ចិន្តារ័ត្ន, យស់ សញ្ចនា, ពេជ្រ ពន្លឺ, សុខ ប៊ុនយ៉ុង, មឿន ប៊ុនលី និង ឈឹម សីលា ដែលជាម្ចាស់មេដាយមាសក្នុងការប្រកួត Pre-Sea Games លោក អ៊ួ តារា អគ្គលេខាធិការសហព័ន្ធកីឡាគុនល្បុក្កតោកម្ពុជា និងប្រធានប្រតិភូ និងលោក អ៊ុង ដារិទ្ធ ជាគ្រូបង្វឹក ក៏ទទួលបានថវិកាលើកទឹកចិត្តផងដែរ។
ក្នុងឱកាសប្រគល់ថវិកាលើកទឹកចិត្តដល់កីឡាករ ទាំងលោក ច័ន្ទ សារុន ប្រធានសហព័ន្ធ លោក វ៉ាត់ ចំរើន អនុប្រធានសហព័ន្ធ និងលោក កែវ រ៉េមី ទីប្រឹក្សាជាន់ខ្ពស់សហព័ន្ធ សុទ្ធតែជំរុញឲ្យកីឡាករកីឡាការិនីបន្តប្រឹងប្រែងហ្វឹកហាត់ពង្រឹងសមត្ថភាពបន្ថែម ដើម្បីត្រៀមដណ្តើមមេដាយក្នុងការប្រកួតកីឡាស៊ីហ្គេមលើកទី៣០នៅប្រទេសហ្វីលីពីនឆ្នាំនេះ។ ជាពិសេសការប្រកួតកីឡាស៊ីហ្គេមលើកទី៣២ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។
សម្រាប់លោក ច័ន្ទ សារុន ការចូលរួមប្រកួតកីឡាស៊ីហ្គេមនៅហ្វីលីពីនលើវិញ្ញាសាដំបងខ្លី Arnis ជាឱកាសរបស់កម្ពុជា ដើម្បីផ្សព្វផ្សាយពីវប្បធម៌ ក៏ដូចជាសក្តានុពលរបស់គុនល្បុក្កតោ ដែលក្បាច់គុនកេរតំណែករបស់បុរសខ្មែរ ឲ្យបណ្តាប្រទេសក្នុងតំបន់អាស៊ានស្គាល់កាន់តែច្បាស់។ លោក បានចាត់ទុកជាជោគជ័យផ្ទួនៗ បើគុនល្បុក្កតោទទួលបានជោគជ័យក្នុងការប្រកួតកីឡាស៊ីហ្គេមនៅហ្វីលីពីន និងត្រូវបានចុះក្នុងបញ្ជីជាសម្បត្តិបេតិកភណ្ឌអរូបីនៃមនុស្សជាតិរបស់អង្គការយូណេស្កូនៅឆ្នាំ។
ប្រធានសហព័ន្ធរូបនេះបានកោតសរសើរចំពោះការខិតខំប្រឹងប្រែង និងភាពរីកចម្រើនរបស់កីឡាករកីឡាការិនី។ ទន្ទឹមនឹងកោតសរសើរពីស្នាដៃ អតីតរដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទរូបនេះ បានឆ្លៀតផ្តាំកីឡាករកុំឲ្យផ្តេកផ្តួលជាជោគជ័យនិងមានមោទកភាពលើខ្លួនឯងខ្លាំងពេក។
ការប្រគល់ថវិកានៅទីស្នាក់ការ NOCC នារសៀលថ្ងៃទី២៥ ខែកញ្ញា ឆ្នាំ២០១៩ នេះ ធ្វើឡើងក្រោមវត្តមានលោក ច័ន្ទ សារុន ប្រធានសហព័ន្ធ លោក កែវ រ៉េមី ទីប្រឹក្សាជាន់ខ្ពស់សហព័ន្ធ លោក វ៉ាត់ ចំរើន អនុប្រធានសហព័ន្ធ និងថ្នាក់ដឹកនាំជាច្រើនរូបទៀត៕
Tag:
គុនល្បុក្កតោ
ច័ន្ទ សារុន
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
