ពលរដ្ឋជាង ៤ពាន់នាក់ ធ្វើដំណើរតាមរថយន្តក្រុងសាធារណៈ នៅថ្ងៃដំបូង

ជាតិ

បុណ្យភ្ជុំបិណ្ឌ

ពលរដ្ឋជាង ៤ពាន់នាក់ ធ្វើដំណើរតាមរថយន្តក្រុងសាធារណៈ នៅថ្ងៃដំបូង

26, Sep 2019 , 5:39 pm

រូបភាព

រូបភាពពីហ្វេសប៊ុករដ្ឋាករស្វយ័តដឹកជញ្ជូនសាធារណៈរថយន្តក្រុង

ដោយ:

ភ្នំពេញ៖ ប្រជាពលរដ្ឋជាង ៤ពាន់នាក់ បានធ្វើដំណើរតាមរថយន្តក្រុងសាធារណៈទៅតាមបណ្តាខេត្តនានា នៅថ្ងៃដំបូងនៃការដឹកជញ្ជូនរបស់រដ្ឋាករស្វយ័តដឹកជញ្ជូនសាធារណៈរថយន្តក្រុង។ នេះបើតាមទំព័រហ្វេសប៊ុកផ្លូវការរបស់រដ្ឋបាលរាជធានីភ្នំពេញ ចេញផ្សាយនៅថ្ងៃទី ២៦ ខែកញ្ញានេះ។

នៅថ្ងៃទី១ នៃការដឹកជញ្ជូនរបស់រដ្ឋាករស្វយ័តដឹកជញ្ជូនសាធារណៈរថយន្តក្រុង មានប្រជាពលរដ្ឋចំនួន ៤.២៧០នាក់ បានធ្វើដំណើរតាមរថយន្តក្រុងសាធារណៈទៅតាមបណ្ដាខេត្តនានា។ បើតាមរដ្ឋបាលរាជធានីភ្នំពេញ ប្រជាពលរដ្ឋជាច្រើន បានបង្ហាញទឹកមុខរីករាយ ដែលបានធ្វើដំណើទៅស្រុកកំណើត តាមរយៈរថយន្តក្រុងសាធារណៈ ដោយឥតគិតថ្លៃ។

អត្ថបទទាក់ទង

ភ្ជុំបិណ្ឌ៖ អាជ្ញាធរបន្ថែមចំនួនរថយន្តក្រុងនៅផ្លូវជាតិលេខ៥

ពលរដ្ឋជាច្រើន ធ្វើដំណើរតាមឡានក្រុងសាធារណៈទៅស្រុកកំណើត

សូមបញ្ជាក់ថា ក្នុងឱកាសពិធីបុណ្យភ្ជុំបិណ្ឌនេះ រដ្ឋបាលរាជធានីភ្នំពេញ បានរៀបចំរថយន្តក្រុងសាធារណៈចំនួន ១២០គ្រឿង សម្រាប់ដឹកជញ្ជូនប្រជាពលរដ្ឋពីរាជធានីភ្នំពេញ ទៅតាមបណ្ដាខេត្តនានា ដោយឥតគិតថ្លៃ រយៈពេល៥ថ្ងៃ ពីថ្ងៃទី២៦-៣០ ខែកញ្ញា។ ជាមួយគ្នានេះ ប្រជាពលរដ្ឋនៅក្នុងរាជធានីភ្នំពេញ ក៏អាចជិះរថយន្តក្រុងសាធារណៈ និងកាណូតដោយឥតគិតថ្លៃ រយៈពេល៥ថ្ងៃដូចគ្នា៕