ជាតិ
បុណ្យភ្ជុំបិណ្ឌ
×![]()
ព្រៃវែង៖ ទំនប់បង្ហៀរបឹងស្នេហ៍ ស្ថិតនៅភូមិស្នេហ៍ឃុំធាយ ស្រុកបាភ្នំ ខេត្តព្រៃវែង នារដូវបុណ្យភ្ជុំបិណ្ឌនេះ បានទាក់ទាញភ្ញៀវទេសចរជាច្រើននាក់។ ក្រៅពីងូតទឹកកម្សាន្តតំបន់ទំនប់បឹងស្នេហ៍នេះ ភ្ញៀវទេសចរក៏អាចទស្សនាសត្វស្លាបរាប់មឺុនក្បាលនៅតំបន់ទួលព័ន្ធតាឡី និងមើលថ្ងៃរៀបលិចដ៏ស្រស់ស្អាតផងដែរ។
កំពុងធ្វើចរាចរនៅតំបន់បឹងស្នេហ៍ លោក ភីន សារ៉ែន អធិការនគរបាលឃុំធាយ បានប្រាប់សារព័ត៌មានថ្មីៗថា រយៈពេលពីរបីថ្ងៃនេះ មានភ្ញៀវមកទស្សនាយ៉ាងច្រើនលើសពីឆ្នាំមុនៗ ហើយលោកក៏សប្បាយចិត្តពេលឃើញអ្នកមកទស្សនាជច្រើនបែបនេះ។ អធិការនគរបាលឃុំធាយរូប ក៏បានសំណូមពរឲ្យអ្នកមកទស្សនាចូលរួមគោរពច្បាប់ចរាចរឲ្យបានទាំងអស់គ្នា។
កញ្ញា ភី ធារី បានមកទស្សនានៅតំបន់បឹងស្នេហ៍នេះ រយៈពេលបីថ្ងៃ បានរៀបរាប់ថា៖ ខ្ញុំសប្បាយរីករាយដែលបានទស្សនានៅតំបន់នេះព្រោះអាចហែលទឹកបាន និងមើលថ្ងៃរៀបលិចយ៉ាងស្រស់ស្អាតផងដែរ។ ចំណែកលោក ពេជ្រ វីន ភ្ញៀវទេសចរមកទស្សនានៅតំបន់នេះ បានរៀបរាប់ថា សប្បាយណាស់ ទឹកក៏ត្រជាក់ និងសំណូមពរឲ្យអ្នកដែលមកទស្សនានិងបរិភោគអាហារនៅទីនេះចូលរួមថែរក្សាបរិស្ថាន ដោយចោលសំរាមក្នុងធុងសំរាមឲ្យបានល្អ។
សូមអញ្ជើញទស្សនារូបភាពពីទំបន់បឹងស្នេហ៍ដូចតទៅ៖
Tag:
ទេសចរ
បឹងស្នេហ៍
© រក្សាសិទ្ធិដោយ thmeythmey.com
