ជាតិ
បុណ្យភ្ជុំបិណ្ឌ
វត្តអារាម សមាគម ជាកន្លែងកាត់បន្ថយការនឹកស្រុកកំណើតរបស់និស្សិតខ្មែរនៅបរទេស
ពលរដ្ឋដែលរស់នៅប្រទេសឥណ្ឌា ទៅវត្តញូដែល្លី ក្នុងទីក្រុងញូដែល្លីប្រទេសឥណ្ឌ។ រូបថតផ្តល់ដោយលោក វណ្ណ ប៊ុនណា។
×![]()
ភ្នំពេញ៖ និស្សិតខ្មែរដែលចំណាកស្រុកបន្តការសិក្សានៅបរទេស បានចូលរួមពិធីភ្ជុំបិណ្ឌនៅតាមទីវត្តអារាម និងសមាគមខ្មែរនានា ដែលបានរៀបចំពិធីបុណ្យប្រពៃណីនេះឡើងក្នុងប្រទេសផ្សេងៗពីគ្នា ដែលពួកគេកំពុងរស់នៅ។ បើតាមក្រុមនិស្សិតខ្មែរទាំងនោះ ថ្វីដ្បិតការចូលរួមនេះ មិនមានលក្ខណៈពេញលេញ ដូចនៅប្រទេសកំណើតរបស់ខ្លួនក៏ពិតមែន ប៉ុន្តែវាបានធ្វើឱ្យពួកគាត់កាត់បន្ថយក្តីនឹករលឹកដល់ឪពុកម្តាយ សាច់ញាតិ និងមិត្តភក្តិ បានមួយចំនួនធំផងដែរ។ 
លោក វណ្ណ ប៊ុនណា ជានិស្សិតដែលកំពុងសិក្សាលើជំនាញវិទ្យាសាស្ត្រនយោបាយ នៅប្រទេសឥណ្ឌា។ និស្សិតអាហារូបករណ៍មកពីខេត្តកំពង់ស្ពឺរូបនេះ ទើបតែចាកចេញពីកម្ពុជាបានជិត២ខែប៉ុណ្ណោះ ដោយលោកបាននិយាយថារដូវភ្ជុំបិណ្ឌបានមកដល់ហើយដែលធ្វើឱ្យលោកកាន់តែមានក្តីរលឹកដល់ការជួបជុំជាមួយ ឪពុកម្តាយ បងប្អូន និងមិត្តភក្តិជាដើម ពិសេសគឺនឹកជាខ្លាំងពន់ពេកនាពេលវេលាដែលនាំគ្នាកាន់ចង្ហាន់ទៅវត្តក្នុងរដូវភ្ជុំបិណ្ឌនេះតែម្តង។
រយៈពេលដែលនិស្សិតខេត្តកំពង់ស្ពឺរូបនេះ ទៅសិក្សានៅបរទេសនេះ ការនឹកដល់ស្រុកកំណើតមិនទាន់ស្រាកស្រាន្តផង ស្រាប់តែរដូវភ្ជុំបិណ្ឌបានឈានមកដល់ទៀតធ្វើឱ្យ ប៊ុនណា កាន់តែអារម្មណ៍អាឡោះអាឡៅ នឹកស្រុកកំណើតទ្វេដង។ លោក វណ្ណ ប៊ុនណា បានរៀបរាប់ទាំងសម្លេងបង្អង់ដូច្នេះ៖« ភ្ជុំបិណ្ឌ គឺជាបុណ្យប្រពៃណីធំរបស់ខ្មែរយើង ហើយពេលវេលានោះ គឺការជួបជុំគ្នារវាងគ្រួសារ...បងប្អូន...សាច់ញាតិយើង»។
បន្ទាប់ពីរៀបរាប់ប្រាប់សារព័ត៌មាន ThmeyThmey បែបនេះរួច ហើយបាត់សំឡេងឆ្លើយតបរបស់ ប៊ុនណា បានមួយសន្ទុះ ភា្លមៗនោះ លោកបានបន្តនិយាយថា រូបលោកនឹងចូលរួមពិធីភ្ជុំបិណ្ឌ នាថ្ងៃទី២៨កញ្ញា ជាថ្ងៃភ្ជុំបិណ្ឌធំ នៅវត្តញ្ញូវដែល្លី ជាវត្តខ្មែរ ក្នុងទីក្រុងញ្ញូវដែល្លី សាធារណរដ្ឋឥណ្ឌា។ និស្សិតវ័យ២៤ឆ្នាំរូបនេះ ជឿជាក់ថាការទៅវត្តក្នុងពិធីបុណ្យប្រពៃណីធំៗ ពិសេសបុណ្យភ្ជុំបិណ្ឌនេះ គឺជាវិធីសាស្ត្រដ៏ល្អប្រសើរមួយដែលជួយឱ្យលោកមិនសូវនឹកស្រណោះស្រុកកំណើតរបស់ខ្លួន។
«ជាការពិតការទៅចូលរួមពិធីភ្ជុំបិណ្ឌនៅស្រុកគេ វាមិនជួយឱ្យយើងកាត់បន្ថយការនឹកស្រុក នឹកក្រុមគ្រួសារ បានច្រើននោះទេ។ ប៉ុន្តែវាបានជួយយើងមួយចំណែកផងដែរ គឺតាមរយៈការជួបជុំនិស្សិតខ្មែរយើង ជួបមន្ត្រីទូត ដែលកំពុងបំពេញភារៈកិច្ចរៀងៗខ្លួនក្នុងប្រទេសជាមួយគ្នា»។ នេះជាការលើកឡើងរបស់លោក វណ្ណ ប៊ុនណា។ លោកបានបន្ថែមថា ៖«ការទៅវត្តនៅថ្ងៃភ្ជុំបិណ្ឌធំនេះ ក្រៅពីបានជួបជុំនិស្សិតខ្មែរគ្នាឯង និងមន្ត្រីទូតជជែកគ្នាលេងហើយ ក៏បានជួបព្រះសង្ឃខ្មែរនៅទីនោះថែមទៀត ដែលជាផ្នែកមួយជួយយើងបន្ថែមក្នុងការកាត់បន្ថយការនឹករលឹកស្រុកកំណើត ពិសេសគ្រួសារ និងមិត្តភក្តិ»។
និស្សិតខ្មែរម្នាក់ទៀត ដែលកំពុងសិក្សានៅប្រទេសកូរ៉ខាត្បូង ក៏បញ្ជាក់ពីការចូលរួមរបស់ខ្លួនក្នុងពិធីភ្ជុំបិណ្ឌដែលរៀបចំឡើងដោយមជ្ឈមណ្ឌលព្រះពុទ្ធសាសនានៅប្រទេសកូរ៉េ ហើយឆ្នាំនេះប្រារព្ធធ្វើនៅថ្ងៃទី២៩។ និស្សិត ញៀន សុគន្ធា បានរៀបរាប់ដូច្នេះ៖ «រៀងរាល់ឆ្នាំ ខាងសមាគមនិស្សិត ក៏ដូចជានិស្សិតខ្មែរទាំងអស់ចូលរួមកម្មវិធីបុណ្យភ្ជុំបិណ្ឌនៅថ្ងៃសៅរ៍ និងអាទិត្យដែលស្ថិតនៅចន្លោះពេលនៅស្រុកខ្មែរយើងធ្វើពិធីភ្ជុំបិណ្ឌនេះឡើងក្នុងរយៈពេល១៥ថ្ងៃ»។
មែនទែនទៅនិស្សិតអនុបណ្ឌិត ដែលជិតបញ្ចប់ការសិក្សាលើជំនាញ ធនធានជីវៈ និងវិទ្យាសាស្ត្ររូបនេះ ធា្លប់ចូលរួមពិធីភ្ជុំបិណ្ឌនៅប្រទេសកូរ៉េនេះម្តងរួចមកហើយ កាលឆ្នាំ២០១៨ ហើយកញ្ញានឹងចូលរួមពិធីបុណ្យប្រពៃណីសារជាថ្មីម្តងទៀត នៅថ្ងៃភ្ជុំបិណ្ឌធំដែលធ្វើឡើងនៅថ្ងៃទី២៨កញ្ញាខាងមុខនេះ។
និស្សិតដែលមានស្រុកកំណើតនៅខេត្តកំពង់ឆ្នាំងរូបនេះ បាននិយាយដូច្ន៖« នៅនេះ(កូរ៉) មានកម្មវិធីច្រើន ក្នុងការជួបជាមួយបងប្អូនខ្មែរយើង ទាំងអ្នកមករៀន អ្នកធ្វើការងារ និងអ្នកមករស់នៅ ដែលជួយធ្វើឱ្យយើងកាត់បន្ថយការនឹកស្រុកកំណើត នឹកគ្រួសារបានមួយផ្នែក នៅក្នុងឱកាសពិធីបុណ្យទានធំៗ ពិសេសបុណ្យ ភ្ជុំបិណ្ឌនេះតែម្តង»។ បើតាមកញ្ញា សុគន្ធា ពិធីភ្ជុំបិណ្ឌ ដែលមជ្ឈមណ្ឌលព្រះពុទ្ធសាសនានៅប្រទេសកូរ៉េរៀបចំឡើងមានលក្ខណៈដូចនៅពិធីភ្ជុំបិណ្ឌនៅស្រុកខ្មែរផងដែរ ដោយការរាប់បាត ការវេរចង្ហាន់ព្រះសង្ឃ ការសូត្រធម៌ជាដើម។ លើសពីនេះទៅទៀត ក្រោយចប់ពិធីភ្ជុំបិណ្ឌនេះ ក៏មានការដើរបង្ហាញម៉ូតសម្លៀកបំពាក់ប្រពៃណីខ្មែរ ក្នុងរដូវភ្ជុំបិណ្ឌ និងការបង្កើតកម្មពិធីប្រពៃណីផ្សេងៗទៀត។
រីឯ កញ្ញា ស៊ិន សុមាល័យ ជានិស្សិតខ្មែរដែលទើបនឹងទៅសិក្សាថ្នាក់អនុបណ្ឌិតនៅប្រទេសកូរ៉េ បានរយៈពេលជិតមួយខែ ក៏បានត្រៀមលក្ខណៈជាស្រេចក្នុងការចូលរួមពិធីភ្ជុំបិណ្ឌនៅកូរ៉េ ដែលរៀបចំដោយសមាគមនិស្សិតខ្មែរនៅទីនោះផងដែរ។ និស្សិតអាហារូបករណ៍លើជំនាញសេដ្ឋកិច្ចសង្គម(MBA in Social Economy)រូបនេះ សង្ឃឹមថា ការចូលរួមក្នុងពិធីភ្ជុំបិណ្ឌជាមួយបងប្អូន សិស្ស និស្សិតខ្មែរនៅប្រទេសកូរ៉េនឹងជាផ្នែកមួយយ៉ាងធំ ក្នុងការជួយកាត់បន្ថយការនឹកដល់ស្រុកកំណើត នឹកជីដូន ឪពុកម្តាយ សាច់ញាតិ និងមិត្តភក្តិជាដើម ស្របពេលដែលកញ្ញាកំពុងនឹកស្រុកកំណើត។ ជាមួយគ្នានេះ កញ្ញា ស៊ិន សុមាល័យ ក៏មានអារម្មណ៍សោកស្ដាយផងដែរ ដែលកញ្ញាពុំបានជួបជុំក្រុមគ្រួសារ មិត្តភក្ដិ បងប្អូន នៅឯស្រុកកំណើនារដូវភ្ជុំបិណ្ឌឆ្នាំនេះ៕
លោក វណ្ណ ប៊ុនណា ជានិស្សិតដែលកំពុងសិក្សាលើជំនាញវិទ្យាសាស្ត្រនយោបាយ នៅប្រទេសឥណ្ឌា។ និស្សិតអាហារូបករណ៍មកពីខេត្តកំពង់ស្ពឺរូបនេះ ទើបតែចាកចេញពីកម្ពុជាបានជិត២ខែប៉ុណ្ណោះ ដោយលោកបាននិយាយថារដូវភ្ជុំបិណ្ឌបានមកដល់ហើយដែលធ្វើឱ្យលោកកាន់តែមានក្តីរលឹកដល់ការជួបជុំជាមួយ ឪពុកម្តាយ បងប្អូន និងមិត្តភក្តិជាដើម ពិសេសគឺនឹកជាខ្លាំងពន់ពេកនាពេលវេលាដែលនាំគ្នាកាន់ចង្ហាន់ទៅវត្តក្នុងរដូវភ្ជុំបិណ្ឌនេះតែម្តង។
រយៈពេលដែលនិស្សិតខេត្តកំពង់ស្ពឺរូបនេះ ទៅសិក្សានៅបរទេសនេះ ការនឹកដល់ស្រុកកំណើតមិនទាន់ស្រាកស្រាន្តផង ស្រាប់តែរដូវភ្ជុំបិណ្ឌបានឈានមកដល់ទៀតធ្វើឱ្យ ប៊ុនណា កាន់តែអារម្មណ៍អាឡោះអាឡៅ នឹកស្រុកកំណើតទ្វេដង។ លោក វណ្ណ ប៊ុនណា បានរៀបរាប់ទាំងសម្លេងបង្អង់ដូច្នេះ៖« ភ្ជុំបិណ្ឌ គឺជាបុណ្យប្រពៃណីធំរបស់ខ្មែរយើង ហើយពេលវេលានោះ គឺការជួបជុំគ្នារវាងគ្រួសារ...បងប្អូន...សាច់ញាតិយើង»។
បន្ទាប់ពីរៀបរាប់ប្រាប់សារព័ត៌មាន ThmeyThmey បែបនេះរួច ហើយបាត់សំឡេងឆ្លើយតបរបស់ ប៊ុនណា បានមួយសន្ទុះ ភា្លមៗនោះ លោកបានបន្តនិយាយថា រូបលោកនឹងចូលរួមពិធីភ្ជុំបិណ្ឌ នាថ្ងៃទី២៨កញ្ញា ជាថ្ងៃភ្ជុំបិណ្ឌធំ នៅវត្តញ្ញូវដែល្លី ជាវត្តខ្មែរ ក្នុងទីក្រុងញ្ញូវដែល្លី សាធារណរដ្ឋឥណ្ឌា។ និស្សិតវ័យ២៤ឆ្នាំរូបនេះ ជឿជាក់ថាការទៅវត្តក្នុងពិធីបុណ្យប្រពៃណីធំៗ ពិសេសបុណ្យភ្ជុំបិណ្ឌនេះ គឺជាវិធីសាស្ត្រដ៏ល្អប្រសើរមួយដែលជួយឱ្យលោកមិនសូវនឹកស្រណោះស្រុកកំណើតរបស់ខ្លួន។
«ជាការពិតការទៅចូលរួមពិធីភ្ជុំបិណ្ឌនៅស្រុកគេ វាមិនជួយឱ្យយើងកាត់បន្ថយការនឹកស្រុក នឹកក្រុមគ្រួសារ បានច្រើននោះទេ។ ប៉ុន្តែវាបានជួយយើងមួយចំណែកផងដែរ គឺតាមរយៈការជួបជុំនិស្សិតខ្មែរយើង ជួបមន្ត្រីទូត ដែលកំពុងបំពេញភារៈកិច្ចរៀងៗខ្លួនក្នុងប្រទេសជាមួយគ្នា»។ នេះជាការលើកឡើងរបស់លោក វណ្ណ ប៊ុនណា។ លោកបានបន្ថែមថា ៖«ការទៅវត្តនៅថ្ងៃភ្ជុំបិណ្ឌធំនេះ ក្រៅពីបានជួបជុំនិស្សិតខ្មែរគ្នាឯង និងមន្ត្រីទូតជជែកគ្នាលេងហើយ ក៏បានជួបព្រះសង្ឃខ្មែរនៅទីនោះថែមទៀត ដែលជាផ្នែកមួយជួយយើងបន្ថែមក្នុងការកាត់បន្ថយការនឹករលឹកស្រុកកំណើត ពិសេសគ្រួសារ និងមិត្តភក្តិ»។
និស្សិតខ្មែរម្នាក់ទៀត ដែលកំពុងសិក្សានៅប្រទេសកូរ៉ខាត្បូង ក៏បញ្ជាក់ពីការចូលរួមរបស់ខ្លួនក្នុងពិធីភ្ជុំបិណ្ឌដែលរៀបចំឡើងដោយមជ្ឈមណ្ឌលព្រះពុទ្ធសាសនានៅប្រទេសកូរ៉េ ហើយឆ្នាំនេះប្រារព្ធធ្វើនៅថ្ងៃទី២៩។ និស្សិត ញៀន សុគន្ធា បានរៀបរាប់ដូច្នេះ៖ «រៀងរាល់ឆ្នាំ ខាងសមាគមនិស្សិត ក៏ដូចជានិស្សិតខ្មែរទាំងអស់ចូលរួមកម្មវិធីបុណ្យភ្ជុំបិណ្ឌនៅថ្ងៃសៅរ៍ និងអាទិត្យដែលស្ថិតនៅចន្លោះពេលនៅស្រុកខ្មែរយើងធ្វើពិធីភ្ជុំបិណ្ឌនេះឡើងក្នុងរយៈពេល១៥ថ្ងៃ»។
មែនទែនទៅនិស្សិតអនុបណ្ឌិត ដែលជិតបញ្ចប់ការសិក្សាលើជំនាញ ធនធានជីវៈ និងវិទ្យាសាស្ត្ររូបនេះ ធា្លប់ចូលរួមពិធីភ្ជុំបិណ្ឌនៅប្រទេសកូរ៉េនេះម្តងរួចមកហើយ កាលឆ្នាំ២០១៨ ហើយកញ្ញានឹងចូលរួមពិធីបុណ្យប្រពៃណីសារជាថ្មីម្តងទៀត នៅថ្ងៃភ្ជុំបិណ្ឌធំដែលធ្វើឡើងនៅថ្ងៃទី២៨កញ្ញាខាងមុខនេះ។
និស្សិតដែលមានស្រុកកំណើតនៅខេត្តកំពង់ឆ្នាំងរូបនេះ បាននិយាយដូច្ន៖« នៅនេះ(កូរ៉) មានកម្មវិធីច្រើន ក្នុងការជួបជាមួយបងប្អូនខ្មែរយើង ទាំងអ្នកមករៀន អ្នកធ្វើការងារ និងអ្នកមករស់នៅ ដែលជួយធ្វើឱ្យយើងកាត់បន្ថយការនឹកស្រុកកំណើត នឹកគ្រួសារបានមួយផ្នែក នៅក្នុងឱកាសពិធីបុណ្យទានធំៗ ពិសេសបុណ្យ ភ្ជុំបិណ្ឌនេះតែម្តង»។ បើតាមកញ្ញា សុគន្ធា ពិធីភ្ជុំបិណ្ឌ ដែលមជ្ឈមណ្ឌលព្រះពុទ្ធសាសនានៅប្រទេសកូរ៉េរៀបចំឡើងមានលក្ខណៈដូចនៅពិធីភ្ជុំបិណ្ឌនៅស្រុកខ្មែរផងដែរ ដោយការរាប់បាត ការវេរចង្ហាន់ព្រះសង្ឃ ការសូត្រធម៌ជាដើម។ លើសពីនេះទៅទៀត ក្រោយចប់ពិធីភ្ជុំបិណ្ឌនេះ ក៏មានការដើរបង្ហាញម៉ូតសម្លៀកបំពាក់ប្រពៃណីខ្មែរ ក្នុងរដូវភ្ជុំបិណ្ឌ និងការបង្កើតកម្មពិធីប្រពៃណីផ្សេងៗទៀត។
រីឯ កញ្ញា ស៊ិន សុមាល័យ ជានិស្សិតខ្មែរដែលទើបនឹងទៅសិក្សាថ្នាក់អនុបណ្ឌិតនៅប្រទេសកូរ៉េ បានរយៈពេលជិតមួយខែ ក៏បានត្រៀមលក្ខណៈជាស្រេចក្នុងការចូលរួមពិធីភ្ជុំបិណ្ឌនៅកូរ៉េ ដែលរៀបចំដោយសមាគមនិស្សិតខ្មែរនៅទីនោះផងដែរ។ និស្សិតអាហារូបករណ៍លើជំនាញសេដ្ឋកិច្ចសង្គម(MBA in Social Economy)រូបនេះ សង្ឃឹមថា ការចូលរួមក្នុងពិធីភ្ជុំបិណ្ឌជាមួយបងប្អូន សិស្ស និស្សិតខ្មែរនៅប្រទេសកូរ៉េនឹងជាផ្នែកមួយយ៉ាងធំ ក្នុងការជួយកាត់បន្ថយការនឹកដល់ស្រុកកំណើត នឹកជីដូន ឪពុកម្តាយ សាច់ញាតិ និងមិត្តភក្តិជាដើម ស្របពេលដែលកញ្ញាកំពុងនឹកស្រុកកំណើត។ ជាមួយគ្នានេះ កញ្ញា ស៊ិន សុមាល័យ ក៏មានអារម្មណ៍សោកស្ដាយផងដែរ ដែលកញ្ញាពុំបានជួបជុំក្រុមគ្រួសារ មិត្តភក្ដិ បងប្អូន នៅឯស្រុកកំណើនារដូវភ្ជុំបិណ្ឌឆ្នាំនេះ៕
Tag:
វត្ត
និស្សិត
© រក្សាសិទ្ធិដោយ thmeythmey.com
