កីឡាអន្តរជាតិ
អន្តរជាតិ
UCL៖ មុនប៉ះគ្នា គ្រូ Bayern សរសើរ Pochettino ថាជាអ្នកជួយ Spurs រីកមុខមាត់នៅអឺរ៉ុប
×![]()
ដោយ: ទេព ពិទូរ្យ
លោក Niko Kovac អ្នកចាត់ការទូទៅ Bayern Munich បានសាទរចំពោះលោក Mauricio Pochettino ចំពោះការកែប្រែមុខមាត់ Tottenham Hotspur ឲ្យក្លាយជាក្រុមដ៏ខ្លាំងក្លាមួយនៅតំបន់អឺរ៉ុប។ ការលើកឡើងរបស់លោក Kovac បែបនេះ ធ្វើឡើងមុនពេលក្រុមលោកត្រូវតតាំងជាមួយក្រុមរបស់លោក Pochettino ក្នុងជំនួបវគ្គសន្សំពិន្ទុពួល B នៃពានរង្វាន់ UEFA Champions League នៅរាត្រីថ្ងៃទី១ ខែតុលា វេលាម៉ោង ២:០០ អាធ្រាត្រ [ម៉ោងនៅកម្ពុជា]។
ក្រុមម្ចាស់ជើងឯកក្របខណ្ឌ Bundesliga បានយកឈ្នះក្រុម Red Star Belgrade ក្នុងលទ្ធផល ៣-០ រួចមកហើយនាជំនួបបើកឆាក់ពូល B ខណៈដែល Spurs បានត្រឹមស្មើគ្នាជាមួយ Olympiakos ២-២។
Kovac អ្នកចាត់ការសញ្ជាតិក្រូអាស៊ីស្ងើចសរសើរចំពោះអ្វីដែលលោក Pochettino បានធ្វើឲ្យ Spurs ដែលលេងត្រឹមក្របខណ្ឌ Europa League ក្លាយជាក្រុមដែលអាចបង្ហាញខ្លួននៅ Champions League ចាប់ពីអ្នកចាត់ការសញ្ជាតិអាហ្សង់ទីនចូលមកដឹកនាំ។
«នេះជាការអភិវឌ្ឍក្រុមដ៏អស្ចារ្យមួយ។ នៅឆ្នាំ ២០១៦ ខ្ញុំបានមកទីនេះ កាលនៅកីឡដ្ឋានចាស់។ ខ្ញុំមកទស្សនាការប្រកួតរវាង Spurs ទល់នឹង Swansea។ វាពិតជាខុសគ្នាមែនទែន កីឡដ្ឋានតូចតែពួកគេជាក្រុមពោពេញដោយថាមពល។ អ្នកអាចដឹងពិន័យរបស់ខ្ញុំ នៅពេលអ្នកមានគ្រូបង្វឹកល្អ និងអ្នកចាត់ការល្អនោះ»។ Kovac រៀបរាប់ដូច្នេះក្នុងសន្និសីទសារព័ត៌មានមុនការប្រកួត។
អតីតគ្រូជម្រើសជាតិក្រូអាស៊ីវ័យ៤៧ឆ្នាំបន្ថែមថា Tottenham រីកចម្រើនខ្លាំងក្នុងក្របខណ្ឌ អឺរ៉ុប ហើយសព្វថ្ងៃពួកគេអាចប្រជែងជាមួយក្រុមធំៗ មិនដូចកាលពី ៧ ឬ៨ ឆ្នាំមុនឡើយ។
មិនខុសពីការមើលឃើញរបស់លោក Kovac ឡើយ យើងក៏អាចយល់ឃើញពីការវិវដ្ដដ៏គួរគត់សម្គាល់របស់ក្រុមរហស្សនាមមាន់ខ្នាយមាសផងដែរ ចាប់តាំងពីការឡើងដឹកនាំរបស់លោក Pochettino ក្រោយចាកចេញពី Southampton កាលពីឆ្នាំ២០១៤នោះ។
អ្វីដែលអស្ចារ្យនោះ អ្នកចាត់ការវ័យ៤៧ឆ្នាំរូបនេះបានជួយ Spurs ឈានដល់វគ្គផ្តាច់ព្រ័ត្រក្របខណ្ឌកំពូលអឺរ៉ុបជាលើកដំបូង បើទោះជាបរាជ័យក្រោមថ្វីជើងក្រុម Liverpool ក្នុងលទ្ធផល ២-០ ក្តី៕
ដោយឡែកជំនួបក្រុមផ្សេងនៅយប់នេះមានដូចជា៖
ពូល A
Real Madrid Vs Club Brugge (ម៉ោង ១១:៥៥នាទីយប់)
Galatasaray Vs Paris Saint-Germain (ម៉ោង ២:០០ អាធ្រាត្រ)
ពូល B
FK Crvena Zvezda Vs Olympiacos (ម៉ោង ២:០០ អាធ្រាត្រ)
ពូល C
Atalanta Vs Shakhtar Donetsk (ម៉ោង ១១:៥៥នាទីយប់)
Manchester City Vs Dinamo Zagreb (ម៉ោង ២:០០ អាធ្រាត្រ)
ពូល D
Juventus Vs Bayer Leverkusen (ម៉ោង ២:០០ អាធ្រាត្រ)
Lokomotiv Moscow Vs Atletico Madrid (ម៉ោង ២:០០ អាធ្រាត្រ)
ក្រុមម្ចាស់ជើងឯកក្របខណ្ឌ Bundesliga បានយកឈ្នះក្រុម Red Star Belgrade ក្នុងលទ្ធផល ៣-០ រួចមកហើយនាជំនួបបើកឆាក់ពូល B ខណៈដែល Spurs បានត្រឹមស្មើគ្នាជាមួយ Olympiakos ២-២។
Kovac អ្នកចាត់ការសញ្ជាតិក្រូអាស៊ីស្ងើចសរសើរចំពោះអ្វីដែលលោក Pochettino បានធ្វើឲ្យ Spurs ដែលលេងត្រឹមក្របខណ្ឌ Europa League ក្លាយជាក្រុមដែលអាចបង្ហាញខ្លួននៅ Champions League ចាប់ពីអ្នកចាត់ការសញ្ជាតិអាហ្សង់ទីនចូលមកដឹកនាំ។
«នេះជាការអភិវឌ្ឍក្រុមដ៏អស្ចារ្យមួយ។ នៅឆ្នាំ ២០១៦ ខ្ញុំបានមកទីនេះ កាលនៅកីឡដ្ឋានចាស់។ ខ្ញុំមកទស្សនាការប្រកួតរវាង Spurs ទល់នឹង Swansea។ វាពិតជាខុសគ្នាមែនទែន កីឡដ្ឋានតូចតែពួកគេជាក្រុមពោពេញដោយថាមពល។ អ្នកអាចដឹងពិន័យរបស់ខ្ញុំ នៅពេលអ្នកមានគ្រូបង្វឹកល្អ និងអ្នកចាត់ការល្អនោះ»។ Kovac រៀបរាប់ដូច្នេះក្នុងសន្និសីទសារព័ត៌មានមុនការប្រកួត។
អតីតគ្រូជម្រើសជាតិក្រូអាស៊ីវ័យ៤៧ឆ្នាំបន្ថែមថា Tottenham រីកចម្រើនខ្លាំងក្នុងក្របខណ្ឌ អឺរ៉ុប ហើយសព្វថ្ងៃពួកគេអាចប្រជែងជាមួយក្រុមធំៗ មិនដូចកាលពី ៧ ឬ៨ ឆ្នាំមុនឡើយ។
មិនខុសពីការមើលឃើញរបស់លោក Kovac ឡើយ យើងក៏អាចយល់ឃើញពីការវិវដ្ដដ៏គួរគត់សម្គាល់របស់ក្រុមរហស្សនាមមាន់ខ្នាយមាសផងដែរ ចាប់តាំងពីការឡើងដឹកនាំរបស់លោក Pochettino ក្រោយចាកចេញពី Southampton កាលពីឆ្នាំ២០១៤នោះ។
អ្វីដែលអស្ចារ្យនោះ អ្នកចាត់ការវ័យ៤៧ឆ្នាំរូបនេះបានជួយ Spurs ឈានដល់វគ្គផ្តាច់ព្រ័ត្រក្របខណ្ឌកំពូលអឺរ៉ុបជាលើកដំបូង បើទោះជាបរាជ័យក្រោមថ្វីជើងក្រុម Liverpool ក្នុងលទ្ធផល ២-០ ក្តី៕
ដោយឡែកជំនួបក្រុមផ្សេងនៅយប់នេះមានដូចជា៖
ពូល A
Real Madrid Vs Club Brugge (ម៉ោង ១១:៥៥នាទីយប់)
Galatasaray Vs Paris Saint-Germain (ម៉ោង ២:០០ អាធ្រាត្រ)
ពូល B
FK Crvena Zvezda Vs Olympiacos (ម៉ោង ២:០០ អាធ្រាត្រ)
ពូល C
Atalanta Vs Shakhtar Donetsk (ម៉ោង ១១:៥៥នាទីយប់)
Manchester City Vs Dinamo Zagreb (ម៉ោង ២:០០ អាធ្រាត្រ)
ពូល D
Juventus Vs Bayer Leverkusen (ម៉ោង ២:០០ អាធ្រាត្រ)
Lokomotiv Moscow Vs Atletico Madrid (ម៉ោង ២:០០ អាធ្រាត្រ)
Tag:
UEFA Champions League
© រក្សាសិទ្ធិដោយ thmeythmey.com
