អន្តរជាតិ
នយោបាយអន្តរជាតិ
×![]()
ដោយ: ថ្មីៗ
លោក Philippe Folliot តំណាងរាស្ត្រនៃគណបក្សកាន់អំណាច LREM (La République En Marche!) របស់បារាំង បានសុំទោសជាសាធារណៈ បន្ទាប់ពីលោកបានបង្ហោះរូបថត Selfie នៅវិហារ Saint-Sulpice ក្រុងប៉ារីស នាពិធីបុណ្យសពអតីតប្រធានាធិបតីបារាំង លោក Jacques Chirac។ លោក Folliot ទទួលស្គាល់ថា ទង្វើរបស់ខ្លួន គឺជារឿងមិនសមរម្យទាល់តែសោះ។
លោក Jacques Chirac អតីតប្រធានាធិបតីបារាំង ចន្លោះពីឆ្នាំ១៩៩៥ ដល់ឆ្នាំ២០០៧ បានទទួលមរណភាពក្នុងអាយុ៨៦ឆ្នាំ កាលពីថ្ងៃទី២៦ ខែកញ្ញា។ លោក Folliot បានទៅចូលរួមពិធីបុណ្យសពអតីតមេដឹកនាំរូបនេះ នៅវិហារ Saint-Sulpice កាលពីថ្ងៃចន្ទ ទី៣០ ខែកញ្ញា។ នាឱកាសនោះ លោក Folliot បានដកទូរសព្ទរបស់ខ្លួនថត Selfie ហើយបង្ហោះនៅលើបណ្តាញសង្គម Twitter របស់ខ្លួន ជាមួយនឹងសារសម្តែងការសោកស្តាយចំពោះមរណភាពរបស់លោក Jacques Chirac។
ក្រោយការបង្ហោះភ្លាមៗ អ្នកតំណាងរាស្ត្ររូបនេះ ទទួលរងការរិះគន់យ៉ាងខ្លាំង ដោយមនុស្សជាច្រើនបន្ទោសលោកថា បានប្រព្រឹត្តទង្វើមិនសមរម្យក្នុងពិធីបុណ្យសព។ ក្រោយបង្ហោះនៅយប់ថ្ងៃចន្ទ លោក Folliot បានសម្រេចលុប Tweet របស់ខ្លួនចោលនៅថ្ងៃបន្ទាប់ ហើយបានសុំទោស និងទទួលស្គាល់ថា ការថត Selfie របស់ខ្លួនក្នុងពិធីបុណ្យសព គឺជារឿងមិនគប្បី។
ក្នុងបទសម្ភាសជាមួយ Liberation លោក Folliot បានអះអាងថា ក្រោយថត Selfie រួច លោកបានបញ្ជូនរូបថតទៅកាន់ក្រុមការងារខ្លួន ដើម្បីបង្ហោះនៅលើបណ្តាញសង្គម Twitter។ តាមពិតលោកគិតថា បង្ហោះរូបនៅថ្ងៃបន្ទាប់ ជាមួយរូបថតដែលប្រសើរជាងនេះ។
ទោះបីជាយ៉ាងណាក៏ដោយ មិនមែនតែលោក Folliot តែមនុស្សម្នាក់នោះឡើយដែលបង្ហោះ Selfie នាពិធីបុណ្យសពអតីតប្រធានាធិបតីសាធារណរដ្ឋបារាំង មានមនុស្សជាច្រើនទៀតដែលធ្វើបែបនេះ ហើយអ្នកទាំងនោះ ក៏ទទួលរងនូវការរិះគន់ផងដែរ ពីបទខ្វះការគោរពចំពោះសព៕
លោក Jacques Chirac អតីតប្រធានាធិបតីបារាំង ចន្លោះពីឆ្នាំ១៩៩៥ ដល់ឆ្នាំ២០០៧ បានទទួលមរណភាពក្នុងអាយុ៨៦ឆ្នាំ កាលពីថ្ងៃទី២៦ ខែកញ្ញា។ លោក Folliot បានទៅចូលរួមពិធីបុណ្យសពអតីតមេដឹកនាំរូបនេះ នៅវិហារ Saint-Sulpice កាលពីថ្ងៃចន្ទ ទី៣០ ខែកញ្ញា។ នាឱកាសនោះ លោក Folliot បានដកទូរសព្ទរបស់ខ្លួនថត Selfie ហើយបង្ហោះនៅលើបណ្តាញសង្គម Twitter របស់ខ្លួន ជាមួយនឹងសារសម្តែងការសោកស្តាយចំពោះមរណភាពរបស់លោក Jacques Chirac។
ក្រោយការបង្ហោះភ្លាមៗ អ្នកតំណាងរាស្ត្ររូបនេះ ទទួលរងការរិះគន់យ៉ាងខ្លាំង ដោយមនុស្សជាច្រើនបន្ទោសលោកថា បានប្រព្រឹត្តទង្វើមិនសមរម្យក្នុងពិធីបុណ្យសព។ ក្រោយបង្ហោះនៅយប់ថ្ងៃចន្ទ លោក Folliot បានសម្រេចលុប Tweet របស់ខ្លួនចោលនៅថ្ងៃបន្ទាប់ ហើយបានសុំទោស និងទទួលស្គាល់ថា ការថត Selfie របស់ខ្លួនក្នុងពិធីបុណ្យសព គឺជារឿងមិនគប្បី។
ក្នុងបទសម្ភាសជាមួយ Liberation លោក Folliot បានអះអាងថា ក្រោយថត Selfie រួច លោកបានបញ្ជូនរូបថតទៅកាន់ក្រុមការងារខ្លួន ដើម្បីបង្ហោះនៅលើបណ្តាញសង្គម Twitter។ តាមពិតលោកគិតថា បង្ហោះរូបនៅថ្ងៃបន្ទាប់ ជាមួយរូបថតដែលប្រសើរជាងនេះ។
ទោះបីជាយ៉ាងណាក៏ដោយ មិនមែនតែលោក Folliot តែមនុស្សម្នាក់នោះឡើយដែលបង្ហោះ Selfie នាពិធីបុណ្យសពអតីតប្រធានាធិបតីសាធារណរដ្ឋបារាំង មានមនុស្សជាច្រើនទៀតដែលធ្វើបែបនេះ ហើយអ្នកទាំងនោះ ក៏ទទួលរងនូវការរិះគន់ផងដែរ ពីបទខ្វះការគោរពចំពោះសព៕
Tag:
Selfie
© រក្សាសិទ្ធិដោយ thmeythmey.com
