Spurs ចាញ់ Bayern ៧-២ នៅក្នុងដី ខណៈ Real បានត្រឹមតាមស្មើភ្ញៀវ Brugge

កីឡាអន្តរជាតិ

អន្តរជាតិ

Spurs ចាញ់ Bayern ៧-២ នៅក្នុងដី ខណៈ Real បានត្រឹមតាមស្មើភ្ញៀវ Brugge

02, Oct 2019 , 2:02 pm

រូបភាព

រូបពី ហ្វេសប៊ុកផេក UEFA

ដោយ: ទេព ពិទូរ្យ

Bayern Munich បានផ្តល់មេរៀនឈឺចាប់ឲ្យក្រុមម្ចាស់ផ្ទះ Tottenham Hotspur តាមរយៈលទ្ធផល ៧-២ នាជំនួបវគ្គសន្សំពិន្ទុពូល B នៃពានរង្វាន់ UEFA Champions League នៅរាត្រីថ្ងៃទី១ ខែតុលា។ ជើងឯកច្រើនសម័យ Real Madrid នៅមិនទាន់ស្គាល់ជ័យជម្នះនៅឡើយក្រោយតាមស្មើ Club Brugge ២-២ ខណៈក្រុមខ្លាំងដូចជា PSG, Juventus, Atletico Madrid និង Man City សុទ្ធតែឈ្នះ។

អត្ថបទទាក់ទង

UCL៖ មុនប៉ះគ្នា គ្រូ Bayern សរសើរ Pochettino ថាជាអ្នកជួយ Spurs រីកមុខមាត់នៅអឺរ៉ុប

ការស៊ុតបញ្ចូលទីរបស់ខ្សែប្រយុទ្ធកូរ៉េខាងត្បូង Heung-Min Son នៅនាទី១២ មិនអាចជួយ Spurs ទទួលបាន៣ពិន្ទុឡើយពីជំនួបនេះឡើយ។ ក្រោយការនាំមុខបាន៣នាទី ខ្សែការពារ Joshua Kimmich រកគ្រាប់តាមស្មើវិញ មុនពេលខ្សែប្រយុទ្ធ Robert Lewandowski សម្រេចគ្រាប់នាំមុខវិញនៅចុងម៉ោងនៃវគ្គទី១។

ចូលដល់វគ្គទី២ ខ្សែប្រយុទ្ធវ័យក្មេង Serge Gnabry រកបានដល់ទៅ៤គ្រាប់ម្នាក់ឯងនៅនាទី៥៣, ៥៥, ៨៣, ៨៨ និង Lewandowski សម្រេចគ្រាប់ទី២របស់ខ្លួននៅនាទី៨៧ ហើយ Harry Kane រកបានគ្រាប់ទី២សម្រាប់ Spurs នៅនាទី៦១។ ចប់ការប្រកួត Bayern Munich ឈ្នះ Spurs ៧-២។

ក្រោយចប់ការប្រកួត Gnabry អតីតកីឡាករ Arsenal បានសរសេរនៅលើបណ្តាញសង្គម Twitter របស់ខ្លួនថា North London is RED។ ជាទូទៅ នេះជាភាសាលើកទឹកចិត្តពិសេសសម្រាប់ Arsenal និងក្រុមអ្នកគាំទ្ររបស់ខ្លួន នាជំនួបជាមួយ Spurs ដែលជាគូប្រជែងដ៏ធំនៅភាគខាងជើងក្រុងឡុងដ៍ ។

រូបពី ហ្វេសប៊ុកផេក uefa

ជ័យជម្នះនេះបានជួយក្រុមរបស់លោក Niko Kovac នៅរក្សាតំណែងកំពូលតារាងពូល B ដោយមាន៦ពិន្ទុពេញ ខណៈ FK Crvena Zvezda ដែលឈ្នះ Olympiacos ៣-១ ឈរនៅលេខរៀងទី២ មាន៣ពិន្ទុ ហើយ Olympiacos និង Spurs មាន១ពិន្ទុដូចគ្នា។

ដោយឡែក ម្ចាស់ជើងឯកក្របខណ្ឌអឺរ៉ុបច្រើនជាងគេ Real Madrid កំពុងយ៉ាប់យ៉ឺនខ្លាំងដោយស្ថិតនៅបាតតារាងពូល A ក្រោយរកបានតែ១ពិន្ទុពីការប្រកួត២លើក។ បន្ទាប់ពីចាញ់ PSG នៅជំនួបបើកឆាករួចមក ក្រុមដែលដឹកនាំដោយអ្នកចាត់ការលោក Zinedine Zidane ទទួលបានលទ្ធផលត្រឹមស្មើជាមួយ Club Brugge ២-២ សម្រាប់ជំនួបលើកទី២របស់ខ្លួន។
Club Brugge បាននាំមុខ ២-០ មុន ដែលធ្វើបានដោយខ្សែប្រយុទ្ធ Emmanuel Dennis ទាំងពីរគ្រាប់នៅវគ្គទី១។ នៅវគ្គទី២ ខ្សែការពារ Sergio Ramos និងខ្សែបម្រើ Casemiro ជាអ្នកស៊ុតវាយបកតាមស្មើវិញសម្រាប់ក្រុមយក្សអេស្ប៉ាញមួយនេះ។

ក្នុងពូល A នេះ PSG ឈរនៅកំពូលតារាងមាន៦ពិន្ទុពេញ ក្រោយឈ្នះ Galatasaray ១-០ ហើយ Club Brugge នៅលេខរៀងទី២ មាន២ពិន្ទុ Galatasaray និង Real មាន១ពិន្ទុដូចគ្នានៅចំណាត់ថ្នាក់បន្តបន្ទាប់។

លទ្ធផលគូដទៃទៀតសម្រាប់ជំនួបលើកទី២នៃវគ្គជ្រុះតាមពូល Champions League៖

ពូល A
Real Madrid ២-២ Club Brugge
Galatasaray ០-១ Paris Saint-Germain

ពូល B
FK Crvena Zvezda ៣-១ Olympiacos
Tottenham Hotspur ២-៧ FC Bayern Munic

ពូល C
Atalanta ១-២ Shakhtar Donetsk
Manchester City ២-០ Dinamo Zagreb

ពូល D
Juventus ៣-០ Bayer Leverkusen
Lokomotiv Moscow ០-២ Atletico Madrid ៕

Tag:

UEFA Champions League

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

2 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

4 ថ្ងៃ

សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ

1 សប្តាហ៍

«បុរាណ»និង«បូរាណ» មានអត្ថន័យដូចគ្នា

1 សប្តាហ៍

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

1 ថ្ងៃ

អត្ថបទពេញនិយមបន្ថែម