អន្តរជាតិ
រូបភាព (The Atlantic)
×![]()
ដោយ: ធៀន ភារិន្ទ
ក្រសួងសុខាភិបាលម៉ាឡេស៊ី នៅថ្ងៃទី០១ ខែតុលា បាននិយាយថា ម៉ាឡេស៊ីមានគម្រោងបង្កើតច្បាប់ដ៏តឹងរ៉ឹងដើម្បីគ្រប់គ្រងការលក់ និងការប្រើប្រាស់បារីអេឡិចត្រូនិក។ ចំណាត់ការរបស់ម៉ាឡេស៊ី ធ្វើឡើងខណៈបណ្តាប្រទេសជាច្រើនចាប់ផ្តើមហាមឃាត់ការប្រើប្រាស់ឧបករណ៍ទាំងនេះ ដោយសារតែវាបង្កហានិភ័យដល់ជីវិតក្នុងចំណោមយុវជន។
ដោយសារកំណើនយុវជនប្រើប្រាស់បារីអេឡិចត្រូនិក ឥណ្ឌាដែលមានចំនួនយុវជនជក់បារីលំដាប់ទី២លើពិភពលោក បានហាមឃាត់ការប្រើប្រាស់បារីអេឡិចត្រូនិក។ ចំណែកអាមេរិកវិញ ក៏មិនខុសពីឥណ្ឌាប៉ុន្មានដែរ រដ្ឋបាលទីក្រុងវ៉ាស៊ីនតោនបានចេញច្បាប់ហាមជក់បារីអេឡិចត្រូនិច បន្ទាប់ពីមានមនុស្សស្លាប់ និងការកើតជំងឺផ្សេងៗដោយសារបារីប្រភេទនេះ។
ពាក់ព័ន្ធនឹងបញ្ហានៃការស្លាប់ និងកើតជំងឺផ្សេងៗ ក្រសួងសុខាភិបាលម៉ាឡេស៊ីចង់បង្កើតច្បាប់មួយ ដើម្បីរឹតបន្តឹងបារីអេឡិចត្រូនិច រួមបញ្ចូលជាមួយផលិតផលថ្នាំជក់ឲ្យស្ថិតនៅក្រោមច្បាប់តែមួយ។ គោលបំណងនៃការបង្កើតច្បាប់នេះ គឺដើម្បីហាមឃាត់ការលើកតម្កើន ការផ្សាយពាណិជ្ជកម្ម ការប្រើប្រាស់នៅទីសាធារណៈ និងការប្រើប្រាស់ដោយអនីតិជន។ ជាពិសេស តាមការសិក្សាជាច្រើន បានបង្ហាញថា ការប្រើប្រាស់បារីអាឡិចត្រូនិក ប៉ះពាល់ដល់សុខភាពមនុស្ស ហើយវាមិនទាន់ត្រូវបានបង្ហាញទេថាតើវាមានប្រសិទ្ធភាពប៉ុន្មានភាគរយក្នុងការផ្តាច់បារី។ នេះបើតាមការបញ្ជាក់របស់ក្រសួងសុខាភិបាលម៉ាឡេស៊ី។
តាមការចុះផ្សាយរបស់ទីភ្នាក់ងារព័ត៌មាន Reuters ក្រសួងសុខាភិបាលម៉ាឡេស៊ី បានបន្ថែមទៀតថា សេចក្តីព្រៀងច្បាប់ចុងក្រោយស្តីពីការគ្រប់គ្រងថ្នាំជក់ និងសកម្មភាពជក់បារី បានបញ្ចប់ហើយ ប៉ុន្តែនៅរង់ចាំតែការពិនិត្យចុងក្រោយពីអគ្គព្រះរាជអាជ្ញាម៉ាឡេស៊ីតែប៉ុណ្ណោះ។ បន្ទាប់ពីនេះ ក្រសួងសង្ឃឹមថាច្បាប់ថ្មីនេះ រំពឹងយកទៅពិភាក្សាក្នុងរដ្ឋសភានៅឆ្នាំក្រោយ។
ជាការពិត បច្ចុប្បន្ន ផលិតផលថ្នាំជក់ស្ថិតនៅក្រោមច្បាប់អាហារម៉ាឡេស៊ី ចំណែកឯបារីអេឡិចត្រូនិកមិនទាន់មានបញ្ញាត្តិណាមួយបានចែងក្នុងច្បាប់ម៉ាឡេស៊ីឡើយ។ ចំណែកទឹកសម្រាប់បន្តក់ក្នុងបារីអេឡិចត្រូនិ ដែលមានផ្ទុកជាតិនីកូទីន ត្រូវបានហាមឃាត់តាំងពីខែវិច្ឆិកា ឆ្នាំ ២០១៥មកម្ល៉េះ។
សូមបញ្ជាក់ថា តាមការស្ទង់មតិរបស់ក្រសួងសុខាភិបាលម៉ាឡេស៊ី ក្មេងអាយុ១៥ឆ្នាំ និងមនុស្សអាយុច្រើនជាងនេះ ប្រមាណ៥លាននាក់នៃប្រជាជនសរុប ៣២លាននាក់ គឺជាអ្នកជក់បារី និងបារីអេឡិចត្រូនិកនៅក្នុងប្រទេស។
លើសពីនេះ រយៈពេលប៉ុន្មានឆ្នាំចុងក្រោយនេះ ទីផ្សារបារីអេឡិចត្រូនិកមានការកើនឡើងយ៉ាងខ្លាំង។ គ្រាន់តែនៅក្នុងឆ្នាំ ២០១៨ បារីអេឡិចត្រូនិចអាចរកចំណូលបានជាង ១៥ពាន់លានដុល្លារ ហើយវានឹងកើនដល់ ៤០ពាន់លានដុល្លារនៅក្នុងឆ្នាំ ២០២៣។ នេះបើតាមទិន្នន័យរបស់ Euromonitor International៕
អត្ថបទទាក់ទង
ដោយសារកំណើនយុវជនប្រើប្រាស់បារីអេឡិចត្រូនិក ឥណ្ឌាដែលមានចំនួនយុវជនជក់បារីលំដាប់ទី២លើពិភពលោក បានហាមឃាត់ការប្រើប្រាស់បារីអេឡិចត្រូនិក។ ចំណែកអាមេរិកវិញ ក៏មិនខុសពីឥណ្ឌាប៉ុន្មានដែរ រដ្ឋបាលទីក្រុងវ៉ាស៊ីនតោនបានចេញច្បាប់ហាមជក់បារីអេឡិចត្រូនិច បន្ទាប់ពីមានមនុស្សស្លាប់ និងការកើតជំងឺផ្សេងៗដោយសារបារីប្រភេទនេះ។
ពាក់ព័ន្ធនឹងបញ្ហានៃការស្លាប់ និងកើតជំងឺផ្សេងៗ ក្រសួងសុខាភិបាលម៉ាឡេស៊ីចង់បង្កើតច្បាប់មួយ ដើម្បីរឹតបន្តឹងបារីអេឡិចត្រូនិច រួមបញ្ចូលជាមួយផលិតផលថ្នាំជក់ឲ្យស្ថិតនៅក្រោមច្បាប់តែមួយ។ គោលបំណងនៃការបង្កើតច្បាប់នេះ គឺដើម្បីហាមឃាត់ការលើកតម្កើន ការផ្សាយពាណិជ្ជកម្ម ការប្រើប្រាស់នៅទីសាធារណៈ និងការប្រើប្រាស់ដោយអនីតិជន។ ជាពិសេស តាមការសិក្សាជាច្រើន បានបង្ហាញថា ការប្រើប្រាស់បារីអាឡិចត្រូនិក ប៉ះពាល់ដល់សុខភាពមនុស្ស ហើយវាមិនទាន់ត្រូវបានបង្ហាញទេថាតើវាមានប្រសិទ្ធភាពប៉ុន្មានភាគរយក្នុងការផ្តាច់បារី។ នេះបើតាមការបញ្ជាក់របស់ក្រសួងសុខាភិបាលម៉ាឡេស៊ី។
តាមការចុះផ្សាយរបស់ទីភ្នាក់ងារព័ត៌មាន Reuters ក្រសួងសុខាភិបាលម៉ាឡេស៊ី បានបន្ថែមទៀតថា សេចក្តីព្រៀងច្បាប់ចុងក្រោយស្តីពីការគ្រប់គ្រងថ្នាំជក់ និងសកម្មភាពជក់បារី បានបញ្ចប់ហើយ ប៉ុន្តែនៅរង់ចាំតែការពិនិត្យចុងក្រោយពីអគ្គព្រះរាជអាជ្ញាម៉ាឡេស៊ីតែប៉ុណ្ណោះ។ បន្ទាប់ពីនេះ ក្រសួងសង្ឃឹមថាច្បាប់ថ្មីនេះ រំពឹងយកទៅពិភាក្សាក្នុងរដ្ឋសភានៅឆ្នាំក្រោយ។
ជាការពិត បច្ចុប្បន្ន ផលិតផលថ្នាំជក់ស្ថិតនៅក្រោមច្បាប់អាហារម៉ាឡេស៊ី ចំណែកឯបារីអេឡិចត្រូនិកមិនទាន់មានបញ្ញាត្តិណាមួយបានចែងក្នុងច្បាប់ម៉ាឡេស៊ីឡើយ។ ចំណែកទឹកសម្រាប់បន្តក់ក្នុងបារីអេឡិចត្រូនិ ដែលមានផ្ទុកជាតិនីកូទីន ត្រូវបានហាមឃាត់តាំងពីខែវិច្ឆិកា ឆ្នាំ ២០១៥មកម្ល៉េះ។
សូមបញ្ជាក់ថា តាមការស្ទង់មតិរបស់ក្រសួងសុខាភិបាលម៉ាឡេស៊ី ក្មេងអាយុ១៥ឆ្នាំ និងមនុស្សអាយុច្រើនជាងនេះ ប្រមាណ៥លាននាក់នៃប្រជាជនសរុប ៣២លាននាក់ គឺជាអ្នកជក់បារី និងបារីអេឡិចត្រូនិកនៅក្នុងប្រទេស។
លើសពីនេះ រយៈពេលប៉ុន្មានឆ្នាំចុងក្រោយនេះ ទីផ្សារបារីអេឡិចត្រូនិកមានការកើនឡើងយ៉ាងខ្លាំង។ គ្រាន់តែនៅក្នុងឆ្នាំ ២០១៨ បារីអេឡិចត្រូនិចអាចរកចំណូលបានជាង ១៥ពាន់លានដុល្លារ ហើយវានឹងកើនដល់ ៤០ពាន់លានដុល្លារនៅក្នុងឆ្នាំ ២០២៣។ នេះបើតាមទិន្នន័យរបស់ Euromonitor International៕
Tag:
ម៉ាឡេស៊ី
© រក្សាសិទ្ធិដោយ thmeythmey.com
