អន្តរជាតិ
រូបភាព (Kyodo)
×![]()
ដោយ: ធៀន ភារិន្ទ
កូរ៉េខាងជើង នៅថ្ងៃទី៣ ខែតុលា បានប្រកាសថា ការបាញ់សាកល្បងមីស៊ីលប៉ាលីស្ទិកប្រភេទថ្មី (SLBM) បានទទួលជោគជ័យយ៉ាងធំធេង។ ជាប្រភេទមីស៊ីលបាញ់ចេញពីនាវាមុជទឹក កូរ៉េខាងជើងអះអាងថា គឺវាជួយពង្រឹងសមត្ថភាពទីក្រុងព្យុងយ៉ាងបន្ថែមទៀតក្នុងការការពារប្រទេស។ ប៉ុន្តែការប្រកាសជោគជ័យនេះ ធ្វើឡើងតែ២ថ្ងៃប៉ុណ្ណោះមុនជំនួបកិច្ចចរចាជាមួយទីក្រុងវ៉ាស៊ីនតោននៅចុងសប្ដាហ៍នេះ។ 
បណ្ឌិត្យសភាវិទ្យាសាស្ត្រការពារជាតិរបស់កូរ៉េខាងជើង ជាអ្នកទទួលការសាកល្បងមីស៊ីលបាញ់ចេញពីនាវាមុជទឹក (SLMB) ប្រភេទថ្មី Pukguksong 3 ។ បើតាមប្រព័ន្ធផ្សព្វផ្សាយរដ្ឋកូរ៉េខាងជើង មីស៊ីលនេះបាញ់ចេញពីនាវាមុជទឹកនៅក្នុងខេត្តវ៉ុនសាន ក្នុងទិសដៅតាមខ្សែបញ្ឈរ មុននឹងធ្លាក់ចូលសមុទ្រជប៉ុន។ ប៉ុន្តែប្រភពដដែល មិនបានបញ្ជាក់អ្វីឲ្យបានលម្អិតពីប្រភេទមីស៊ីលនេះឡើយ ប៉ុន្តែវាហោះបានចម្ងាយ៤៥០គីឡូម៉ែត្រ និងក្នុងកម្ពស់៩១០គីឡូម៉ែត្រ។
បើទោះបីការសាកល្បងមីស៊ីលប្រភេទថ្មីនេះទទួលបានជោគជ័យយ៉ាងណាក៏ដោយ ទីក្រុងព្យុងយ៉ាងបានបញ្ជាក់ថា គឺខ្លួនគ្មានបំណងគំរាមកំហែងប្រទេសជិតខាងឡើយ ហើយអ្វីដែលសំខាន់នោះ គឺខ្លួនគ្រាន់តែចង់ការពារពីការវាយប្រហារមកពីខាងក្រៅ និងការពារប្រទេសរបស់ខ្លួនតែប៉ុណ្ណោះ។ នេះបើតាមការផ្សាយរបស់ទីភ្នាក់ងារព័ត៌មានរដ្ឋ KCNA ។
អ្វីគួរឲ្យចាប់អារម្មណ៍ ប្រមុខដឹកនាំកំពូល គីម ជុងអ៊ុន មិនមានវត្តមានក្នុងការសាកល្បងនេះទេ ប៉ុន្តែបានផ្ញើសារអបអរសាទរយ៉ាងកក់ក្តៅ។ អាចថានេះជារឿងចម្លែក ព្រោះលោកមិនដែលអាក់ខានការបាញ់អាវុធសំខាន់បែបនេះឡើយ។
ជាមួយជោគជ័យលើការបាញ់កាំជ្រួចដែលហោះបានចម្ងាយ ៤៥០គីឡូម៉ែត្រ និងក្នុងកម្ពស់៩១០គីឡូម៉ែត្រ មេដឹកនាំបានសាទរចំពោះភាពជោគជ័យមួយនេះ បើទោះបីជាលោកមិនបានចូលរួមក្នុងកម្មវិធីនេះក៏ដោយ។ ប៉ុន្តែអ្នកជំនាយនិយាយថា មីស៊ីលប្រភេទនេះអាចបាញ់បានឆ្ងាយជាមុន ប្រសិនបើបាញ់ក្នុងមុំធម្មតា។
ពាក់ព័ន្ធទៅនឹងបញ្ហានេះ វាគឺជាលើកដំបូងរបស់ទីក្រុងព្យុងយ៉ាង ក្នុងការសាកល្បងអាវុធប្រភេទថ្មីបែបនេះ បើគិតចាប់ពីឆ្នាំ ២០១៦មក។ ការបាញ់សាកល្បងមីស៊ីលម្តងហើយម្តងទៀតក្នុងរយៈពេលប៉ុន្មានឆ្នាំចុងក្រោយនេះ ជាពិសេសគឺការអភវឌ្ឍបច្ចេកវិទ្យាទំនើបៗជាមុនរបស់កូរ៉េខាងជើង បានគំរាមកំហែងអាមេរិក ក៏ដូចជាសម្ពន្ធមិត្តយ៉ាងខ្លាំង។ ម្យ៉ាងវិញទៀត ការបាញ់សាកល្បងលើកនេះ គឺធ្វើឡើងមុនតែបីថ្ងៃនៃកិច្ចចរចារំសាយអាវុធរវាងអាមេរិក និងកូរ៉េខាងជើងតែប៉ុណ្ណោះ។
សូមបញ្ជាក់ថា ប្រធានាធិបតីអាមេរិក ដូណាល់ ត្រាំ បាននិយាយនៅក្នុងមហាសន្និបាទអង្គការសហប្រជាជាតិនាខែមុនថា ប្រសិនបើទីក្រុងព្យុងយ៉ាងចង់ផលប្រយោជន៍សេដ្ឋកិច្ចដ៏ធំធេង កូរ៉េខាងជើងត្រូវតែរំសាយកម្មវិធីនុយក្លេអ៊ែរ។ ជាការឆ្លើបតប លោកគីម បានលើកឡើងថា កូរ៉េខាងជើងនឹងមិនរំសាយកម្មវិធីនុយក្លេអ៊ែរជាដាច់ខាត ប្រសិនបើអាមេរិក មិនលុបទណ្ឌកម្មសេដ្ឋកិច្ចលើកូរ៉េខាងជើង៕
បណ្ឌិត្យសភាវិទ្យាសាស្ត្រការពារជាតិរបស់កូរ៉េខាងជើង ជាអ្នកទទួលការសាកល្បងមីស៊ីលបាញ់ចេញពីនាវាមុជទឹក (SLMB) ប្រភេទថ្មី Pukguksong 3 ។ បើតាមប្រព័ន្ធផ្សព្វផ្សាយរដ្ឋកូរ៉េខាងជើង មីស៊ីលនេះបាញ់ចេញពីនាវាមុជទឹកនៅក្នុងខេត្តវ៉ុនសាន ក្នុងទិសដៅតាមខ្សែបញ្ឈរ មុននឹងធ្លាក់ចូលសមុទ្រជប៉ុន។ ប៉ុន្តែប្រភពដដែល មិនបានបញ្ជាក់អ្វីឲ្យបានលម្អិតពីប្រភេទមីស៊ីលនេះឡើយ ប៉ុន្តែវាហោះបានចម្ងាយ៤៥០គីឡូម៉ែត្រ និងក្នុងកម្ពស់៩១០គីឡូម៉ែត្រ។
បើទោះបីការសាកល្បងមីស៊ីលប្រភេទថ្មីនេះទទួលបានជោគជ័យយ៉ាងណាក៏ដោយ ទីក្រុងព្យុងយ៉ាងបានបញ្ជាក់ថា គឺខ្លួនគ្មានបំណងគំរាមកំហែងប្រទេសជិតខាងឡើយ ហើយអ្វីដែលសំខាន់នោះ គឺខ្លួនគ្រាន់តែចង់ការពារពីការវាយប្រហារមកពីខាងក្រៅ និងការពារប្រទេសរបស់ខ្លួនតែប៉ុណ្ណោះ។ នេះបើតាមការផ្សាយរបស់ទីភ្នាក់ងារព័ត៌មានរដ្ឋ KCNA ។
អ្វីគួរឲ្យចាប់អារម្មណ៍ ប្រមុខដឹកនាំកំពូល គីម ជុងអ៊ុន មិនមានវត្តមានក្នុងការសាកល្បងនេះទេ ប៉ុន្តែបានផ្ញើសារអបអរសាទរយ៉ាងកក់ក្តៅ។ អាចថានេះជារឿងចម្លែក ព្រោះលោកមិនដែលអាក់ខានការបាញ់អាវុធសំខាន់បែបនេះឡើយ។
ជាមួយជោគជ័យលើការបាញ់កាំជ្រួចដែលហោះបានចម្ងាយ ៤៥០គីឡូម៉ែត្រ និងក្នុងកម្ពស់៩១០គីឡូម៉ែត្រ មេដឹកនាំបានសាទរចំពោះភាពជោគជ័យមួយនេះ បើទោះបីជាលោកមិនបានចូលរួមក្នុងកម្មវិធីនេះក៏ដោយ។ ប៉ុន្តែអ្នកជំនាយនិយាយថា មីស៊ីលប្រភេទនេះអាចបាញ់បានឆ្ងាយជាមុន ប្រសិនបើបាញ់ក្នុងមុំធម្មតា។
ពាក់ព័ន្ធទៅនឹងបញ្ហានេះ វាគឺជាលើកដំបូងរបស់ទីក្រុងព្យុងយ៉ាង ក្នុងការសាកល្បងអាវុធប្រភេទថ្មីបែបនេះ បើគិតចាប់ពីឆ្នាំ ២០១៦មក។ ការបាញ់សាកល្បងមីស៊ីលម្តងហើយម្តងទៀតក្នុងរយៈពេលប៉ុន្មានឆ្នាំចុងក្រោយនេះ ជាពិសេសគឺការអភវឌ្ឍបច្ចេកវិទ្យាទំនើបៗជាមុនរបស់កូរ៉េខាងជើង បានគំរាមកំហែងអាមេរិក ក៏ដូចជាសម្ពន្ធមិត្តយ៉ាងខ្លាំង។ ម្យ៉ាងវិញទៀត ការបាញ់សាកល្បងលើកនេះ គឺធ្វើឡើងមុនតែបីថ្ងៃនៃកិច្ចចរចារំសាយអាវុធរវាងអាមេរិក និងកូរ៉េខាងជើងតែប៉ុណ្ណោះ។
សូមបញ្ជាក់ថា ប្រធានាធិបតីអាមេរិក ដូណាល់ ត្រាំ បាននិយាយនៅក្នុងមហាសន្និបាទអង្គការសហប្រជាជាតិនាខែមុនថា ប្រសិនបើទីក្រុងព្យុងយ៉ាងចង់ផលប្រយោជន៍សេដ្ឋកិច្ចដ៏ធំធេង កូរ៉េខាងជើងត្រូវតែរំសាយកម្មវិធីនុយក្លេអ៊ែរ។ ជាការឆ្លើបតប លោកគីម បានលើកឡើងថា កូរ៉េខាងជើងនឹងមិនរំសាយកម្មវិធីនុយក្លេអ៊ែរជាដាច់ខាត ប្រសិនបើអាមេរិក មិនលុបទណ្ឌកម្មសេដ្ឋកិច្ចលើកូរ៉េខាងជើង៕
Tag:
កូរ៉េខាងជើង
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
