អន្តរជាតិ
នាយករដ្ឋមន្ត្រីប៉ាគីស្ថាន ទៅចិនដើម្បីពង្រឹងទំនាក់ទំនងទ្វេភាគី មុនលោក ស៊ី ទៅឥណ្ឌា
នាយករដ្ឋមន្រ្តី អ៊ីមរ៉ាន ខាន់ និងប្រធានាធិបតីស៊ី ជិនភីង, រូបភាព (AFP)
×![]()
ដោយ: ធៀន ភារិន្ទ
នាយករដ្ឋមន្ត្រីប៉ាគីស្ថាន អ៊ីមរ៉ាន ខាន់ (Imran Khan) នឹងធ្វើដំណើរទស្សនកិច្ចទៅប្រទេសចិនក្នុងពេលឆាប់ៗខាងមុខនេះ ដើម្បីពង្រឹងចំណងមិត្តភាពរវាងដៃគូយុទ្ធសាស្ត្រទាំងពីរ។ ដំណើរទៅប្រទេសចិនរបស់នាយករដ្ឋមន្ត្រីប៉ាគីស្ថានលើកនេះ គឺធ្វើឡើងតែប៉ុន្មានថ្ងៃប៉ុណ្ណោះមុនទស្សនកិច្ចរបស់ប្រធានាធិបតីចិន លោកស៊ី ជិនភីង ទៅឥណ្ឌា និងនេប៉ាល់។
ដំណើរទស្សនកិច្ចរបស់នាយករដ្ឋមន្ត្រីប៉ាគីស្ថាន ដើម្បីទៅចូលរួមវេទិកាជំនួញរវាងប្រទេសចិន និងប៉ាគីស្ថាន។ នៅថ្ងៃទី៨ ខែតុលា លោក អ៊ីមរ៉ាន ខាន់ នឹងឡើងថ្លែងសុន្ទរកថាក្នុងទីក្រុងប៉េកាំង ប្រទេសចិន ក្នុងគោលបំណងលើកស្ទួយ «ការផ្លាស់ប្តូរ និងសហប្រតិបត្តិការ លើវិស័យសេដ្ឋកិច្ច និងពាណិជ្ជកម្ម»រវាងប្រទេសទាំងពីរ។ នេះបើតាមសេចក្តីប្រកាសព័ត៌មានរបស់ក្រុមប្រឹក្សាជាតិចិនសម្រាប់ការលើកស្ទួយពាណិជ្ជកម្មអន្តរជាតិ។
មិនត្រឹមតែទៅចូលរួមក្នុងកម្មវិធីខាងលើទេ តែនាយករដ្ឋមន្ត្រីប៉ាគីស្ថានរូបនេះ ទំនងជាឆ្លៀតទៅជួបជាមួយប្រធានាធិបតី ស៊ី ជិនភីងផងដែរ។ ប្រសិនបើមានជំនួបមែន មេដឹកនាំទាំងពីរនឹងជជែកពីបញ្ហាជម្លោះដែនដីកាស្មៀរ រឿងសេដ្ឋកិច្ច គម្រោងអភិវឌ្ឍន៍ហេដ្ឋារចនាសម្ពន្ធ រួមបញ្ចូលទាំងតំបន់សេដ្ឋកិច្ចពិសេស។
បើតាមកាសែតហុងកុង South China Morning Post អ្នកវិភាគយោធា និងនយោបាយនៅសកលវិទ្យាល័យ Iqra ប៉ាគីស្ថានលោក Ejaz Hussain បានលើកឡើងថា លោក ខាន់ ព្យាយាមបង្កើនការទូតអន្តរជាតិ ដើម្បីជួយគាំទ្រលើបញ្ហាជម្លោះកាស្មៀរ។ ជាក់ស្តែង ប៉ុន្មានខែកន្លងមកនេះ ចិន បានដាក់សម្ពាធទៅលើរដ្ឋាភិបាលឥណ្ឌា ឲ្យបន្ថយភាពតានតឹងលើតំបន់កាស្មៀរ។ អ្នកជំនាញរូបបន្ថែមទៀតថា ទស្សនកិច្ចទៅប្រទេសចិនលើកនេះ គឺធ្វើយ៉ាងណាឲ្យបញ្ហាតំបន់កាស្មៀរក្លាយជាបញ្ហាអន្តរជាតិ។
បន្ទាប់ពីការបញ្ចប់របស់នាយករដ្ឋមន្ត្រីប៉ាគីស្ថាន វាដល់ពេលប្រធានាធីបតីចិន ស៊ី ជិនភីង វិញម្តង ដែលត្រូវធ្វើទស្សនកិច្ចទៅឥណ្ឌា ក្នុងគោលបំណងស្តារទំទាក់ទំនងរវាងប្រទេសពីរ។ តាមការចុះផ្សាយរបស់សារព័ត៌មានឥណ្ឌា លោក ស៊ី នឹងទៅប្រទេសឥណ្ឌាចាប់ពីថ្ងៃទី១១ ដល់ថ្ងៃទី១៣ ខែតុលា ខាងមុខនេះ ដើម្បីរឹតចំណងមិត្តភាព បន្ទាប់ពីមានការប្រឈមមុខដាក់គ្នានៅតំបន់ព្រំដែន Doklam ក្នុងឆ្នាំ ២០១៧ និងការពង្រឹងទំនាក់ទំនងសេដ្ឋកិច្ច ក៏ដូចជាំការកាត់បន្ថយការប្រកួតប្រជែងជាយុទ្ធសាស្ត្រនៅក្នុងតំបន់។
ចេញពីឥណ្ឌា ប្រធានាធិបតីចិនវ័យ៦៦ឆ្នាំ នឹងបន្តទៅប្រទេសនេប៉ាល់ទៀត។
សូមបញ្ជាក់ថា នៅក្នុងមហាសន្និបាតអង្គការសហប្រជាជាតិ លោកនាយករដ្ឋមន្ត្រី អ៊ីមរ៉ាន ខាន់ បាននិយាយរិះគន់ខ្លាំងៗទៅលើរដ្ឋាភិបាលឥណ្ឌា បន្ទាប់ពីទីក្រុងញូវដែលី បានដាក់បម្រាមគោចរលើតំបន់កាស្មៀរអស់រយៈពេលជាងពីរខែកន្លងមកនេះ៕
ដំណើរទស្សនកិច្ចរបស់នាយករដ្ឋមន្ត្រីប៉ាគីស្ថាន ដើម្បីទៅចូលរួមវេទិកាជំនួញរវាងប្រទេសចិន និងប៉ាគីស្ថាន។ នៅថ្ងៃទី៨ ខែតុលា លោក អ៊ីមរ៉ាន ខាន់ នឹងឡើងថ្លែងសុន្ទរកថាក្នុងទីក្រុងប៉េកាំង ប្រទេសចិន ក្នុងគោលបំណងលើកស្ទួយ «ការផ្លាស់ប្តូរ និងសហប្រតិបត្តិការ លើវិស័យសេដ្ឋកិច្ច និងពាណិជ្ជកម្ម»រវាងប្រទេសទាំងពីរ។ នេះបើតាមសេចក្តីប្រកាសព័ត៌មានរបស់ក្រុមប្រឹក្សាជាតិចិនសម្រាប់ការលើកស្ទួយពាណិជ្ជកម្មអន្តរជាតិ។
មិនត្រឹមតែទៅចូលរួមក្នុងកម្មវិធីខាងលើទេ តែនាយករដ្ឋមន្ត្រីប៉ាគីស្ថានរូបនេះ ទំនងជាឆ្លៀតទៅជួបជាមួយប្រធានាធិបតី ស៊ី ជិនភីងផងដែរ។ ប្រសិនបើមានជំនួបមែន មេដឹកនាំទាំងពីរនឹងជជែកពីបញ្ហាជម្លោះដែនដីកាស្មៀរ រឿងសេដ្ឋកិច្ច គម្រោងអភិវឌ្ឍន៍ហេដ្ឋារចនាសម្ពន្ធ រួមបញ្ចូលទាំងតំបន់សេដ្ឋកិច្ចពិសេស។
បើតាមកាសែតហុងកុង South China Morning Post អ្នកវិភាគយោធា និងនយោបាយនៅសកលវិទ្យាល័យ Iqra ប៉ាគីស្ថានលោក Ejaz Hussain បានលើកឡើងថា លោក ខាន់ ព្យាយាមបង្កើនការទូតអន្តរជាតិ ដើម្បីជួយគាំទ្រលើបញ្ហាជម្លោះកាស្មៀរ។ ជាក់ស្តែង ប៉ុន្មានខែកន្លងមកនេះ ចិន បានដាក់សម្ពាធទៅលើរដ្ឋាភិបាលឥណ្ឌា ឲ្យបន្ថយភាពតានតឹងលើតំបន់កាស្មៀរ។ អ្នកជំនាញរូបបន្ថែមទៀតថា ទស្សនកិច្ចទៅប្រទេសចិនលើកនេះ គឺធ្វើយ៉ាងណាឲ្យបញ្ហាតំបន់កាស្មៀរក្លាយជាបញ្ហាអន្តរជាតិ។
បន្ទាប់ពីការបញ្ចប់របស់នាយករដ្ឋមន្ត្រីប៉ាគីស្ថាន វាដល់ពេលប្រធានាធីបតីចិន ស៊ី ជិនភីង វិញម្តង ដែលត្រូវធ្វើទស្សនកិច្ចទៅឥណ្ឌា ក្នុងគោលបំណងស្តារទំទាក់ទំនងរវាងប្រទេសពីរ។ តាមការចុះផ្សាយរបស់សារព័ត៌មានឥណ្ឌា លោក ស៊ី នឹងទៅប្រទេសឥណ្ឌាចាប់ពីថ្ងៃទី១១ ដល់ថ្ងៃទី១៣ ខែតុលា ខាងមុខនេះ ដើម្បីរឹតចំណងមិត្តភាព បន្ទាប់ពីមានការប្រឈមមុខដាក់គ្នានៅតំបន់ព្រំដែន Doklam ក្នុងឆ្នាំ ២០១៧ និងការពង្រឹងទំនាក់ទំនងសេដ្ឋកិច្ច ក៏ដូចជាំការកាត់បន្ថយការប្រកួតប្រជែងជាយុទ្ធសាស្ត្រនៅក្នុងតំបន់។
ចេញពីឥណ្ឌា ប្រធានាធិបតីចិនវ័យ៦៦ឆ្នាំ នឹងបន្តទៅប្រទេសនេប៉ាល់ទៀត។
សូមបញ្ជាក់ថា នៅក្នុងមហាសន្និបាតអង្គការសហប្រជាជាតិ លោកនាយករដ្ឋមន្ត្រី អ៊ីមរ៉ាន ខាន់ បាននិយាយរិះគន់ខ្លាំងៗទៅលើរដ្ឋាភិបាលឥណ្ឌា បន្ទាប់ពីទីក្រុងញូវដែលី បានដាក់បម្រាមគោចរលើតំបន់កាស្មៀរអស់រយៈពេលជាងពីរខែកន្លងមកនេះ៕
Tag:
ប៉ាគីស្ថាន
ចិន
ស៊ី ជិនភីង
អ៊ីមរ៉ាន ខាន់
ឥណ្ឌា
© រក្សាសិទ្ធិដោយ thmeythmey.com
