ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
ការ៉ាតេយកការប្រកួតជើងឯកថ្នាក់ជាតិ ចម្រាញ់រកធនធានស៊ីហ្គេម
04, Oct 2019 ,
7:19 pm
រូបភាព
លោក លឹម គានហោ ថ្លែងក្នុងពិធីបើកការប្រកួតកីឡាការ៉ាតេជ្រើសរើសជើងឯកថ្នាក់ជាតិជាតិឆ្នាំ២០១៩
×
ដោយ:
កីឡាករកីឡាការិនីការ៉ាតេជាង១០០នាក់ មកពី២១ក្លិប-សមាគម ត្រូវប្រជែងគ្នាដណ្តើមជើងឯកក្នុងការប្រកួតជើងឯកថ្នាក់ជាតិប្រចាំឆ្នាំ២០១៩ ដែលប្រព្រឹត្តទៅចន្លោះពីថ្ងៃទី៣-៦ ខែតុលា។ នេះជាឱកាសល្អសម្រាប់កីឡាករកីឡាការិនី ដែលចង់ក្លាយជាយុវជនថ្នាលនិងកីឡាករជម្រើសជាតិ ព្រោះវាជាការប្រកួតចម្រាញ់រកធនធានមានទេពកោសល្យសម្រាប់ត្រៀមស៊ីហ្គេមឆ្នាំ២០២៣។ ជាមួយគ្នានេះ ថ្នាក់ដឹកនាំសហព័ន្ធជំរុញឲ្យកីឡាករ ត្រូវខិតខំប្រឹងប្រែងប្រកួតឲ្យអស់ពីសមត្ថភាព និងប្រាប់ឲ្យអាជ្ញាកណ្តាលចៅក្រមកាត់ក្តីឲ្យយុត្តិធម៌។
ជាការប្រកួតជើងឯកថ្នាក់ជាតិប្រចាំឆ្នាំក៏ពិតមែន ប៉ុន្តែវាជាការប្រកួតចម្រាញ់រកធនធានស៊ីហ្គេមឆ្នាំ២០២៣ ដែលកម្ពុជានឹងធ្វើជាម្ចាស់ផ្ទះ។ វាជាឱកាសល្អសម្រាប់កីឡាករកីឡាការិនីមកពីបណ្តាក្លិប-សមាគមនានា ដែលចង់ក្លាយជាកីឡាករជម្រើសជាតិ និងយុវជនថ្នាល។ ម្ចាស់ជើងឯកក្នុងការប្រកួតថ្នាក់ជាតិអាចមានភាគរយខ្ពស់ក្នុងការក្រសោមឱកាសក្លាយជាកីឡាករជម្រើសជាតិ។
ជាមួយគ្នានេះ លោក លឹម គានហោ អនុប្រធានសហព័ន្ធកីឡាការ៉ាតេកម្ពុជា ជំរុញឲ្យកីឡាករទាំងអស់ ត្រូវខិតខំប្រឹងប្រែងប្រកួតឲ្យអស់ពីសមត្ថភាពក្នុងការដណ្តើមយកជ័យជម្នះនៅចំពោះមុខនាពេលបច្ចុប្បន្ន និងទៅអនាគត។ លើសពីនេះ លោក បានជំរុញឲ្យអាជ្ញាកណ្តាលចៅក្រមកាត់ក្តីត្រូវឈរលើគោលការណ៍យុត្តិធម៌ មិនលម្អៀង ឬប្រកាន់បក្សពួក។ ព្រោះការកាត់មិនត្រឹមត្រូវមិនត្រឹមតែធ្វើឲ្យកីឡាករបាក់ទឹកចិត្តនោះទេ តែវាបានជះឥទ្ធិពលអាក្រក់ដល់វិស័យកីឡានេះទាំងមូល។
រដ្ឋមន្ត្រីក្រសួងធនធានទឹកនិងឧតុនិយមរូបនេះ ក៏បានបង្ហាញក្តីបារម្ភចំពោះជោគវាសនារបស់កីឡាការ៉ាតេក្នុងការប្រកួតស៊ីហ្គេមឆ្នាំ២០២៣ផងដែរ ដោយព្រួយបារម្ភខ្លាចមិនអាចដណ្តើមបានមេដាយច្រើនក្នុងការប្រកួត។ ការបង្ហាញក្តីបារម្ភបែបនេះ ធ្វើឡើងក្រោយ លោក សង្កេតឃើញថា កីឡាការ៉ាតេនៅមានចំណុចខ្វះខាតជាច្រើនដែលត្រូវអភិវឌ្ឍន៍បន្ថែម។ តែយ៉ាងណា លោក មិនប្រាប់ពីចំណុចខ្វះខាតទាំងនោះឡើយ ដោយគ្រាន់តែប្រៀបធៀបថា កីឡាករបច្ចុប្បន្នមិនសូវខិតខំប្រឹងប្រែងហ្វឹកហាត់ដូចជំនាន់លោក ទោះបីទទួលបានការឧបត្ថម្ភក៏ដោយ។
ការប្រកួតជើងឯកថ្នាក់ជាតិឆ្នាំនេះមានកីឡាករកីឡាការិនិចំនួន១២១នាក់មកពី២១ក្លិប-សមាគមចូលរួម ដោយប្រកួតប្រជែងលើ៤វិញ្ញាសារួមមានសម្តែងកត្តាឯកត្តជន-ក្រុម និងប្រយុទ្ធឯកត្តជន-ក្រុម។ ការប្រកួតប្រព្រឹត្តទៅចាប់ពីថ្ងៃទី៣-៦ តុលា នៅទីលានអគារដំបូលទូកក្នុងសាកលវិទ្យាភូមិន្ទភ្នំពេញ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
លឹម គានហោ
ការ៉ាតេ
ជើងឯកថ្នាក់ជាតិ
SEA Games
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
3 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
4 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
1 សប្តាហ៍
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
2 ថ្ងៃ
«បុរាណ»និង«បូរាណ» មានអត្ថន័យដូចគ្នា
1 សប្តាហ៍
អត្ថបទពេញនិយមបន្ថែម