អន្តរជាតិ
នាយករដ្ឋមន្រ្តីថៃ ប្រាយុទ្ធ ចន្ទអូចា ។ រូបភាព AFP
×![]()
ដោយ៖ ឈួន ឈីវអ៊ីង
លោកនាយករដ្ឋមន្ត្រីថៃ ប្រាយុទ្ធ ចន្ទអូចា នៅថ្ងៃទី៣ ខែតុលា បានព្រមានចាប់ខ្លួនអ្នកបើកបរយានយន្តចាស់ដែលមានផ្សែងហុយទៅបំពុលបរិយាកាស។ លោក ប្រាយុទ្ធ ព្រមានបែបនេះនាឱកាសចូលរួមពិធីបង្ហាញគោលនយោបាយរដ្ឋភិបាលទៅកាន់ក្រុមកសិករថៃ។
ម្ចាស់អាជីវកម្មដឹកជញ្ជូនក៏ត្រូវទទួលខុសត្រូវចំពោះការបំភាយផ្សែងពុល ដែលបណ្តាលពីពពួកយានយន្តចាស់ៗនេះផងដែរ។ នេះជាការព្រមានបន្ថែមទៀតរបស់ប្រមុខរដ្ឋាភិបាលថៃ ប្រាយុទ្ធ ចន្ទអូចា ។ លោកប្រាប់កសិករថៃថា ពួកគេក៏អាចជួយរដ្ឋាភិបាលដើម្បីកាត់បន្ថយរូបធាតុបំពុលតូចៗមាននៅក្នុងបរិយាកាសនេះបាន តាមរយៈកាត់បន្ថយការដុតសម្រាម ឬវត្ថុផ្សេងៗដែលអាចបង្កឲ្យបរិយាកាសមិនស្អាត។
ការព្រមានរបស់លោក ប្រាយុទ្ធ ធ្វើឡើងបន្ទាប់ពីកម្រិតល្អងធូលីក្នុងបរិយាកាសក្នុងទីក្រុងបាងកក និងខេត្តខណ្ឌជុំវិញ កើនឡើង និងធ្វើឲ្យខ្យល់កាន់តែកខ្វក់ធ្ងន់ធ្ងរ រហូតលោកប្រាប់ឲ្យប្រជាជន និងទេសចរពាក់ម៉ាស់ពេលចេញក្រៅទៀតផង។ នេះបើតាមការផ្សាយរបស់សារព័ត៌មានថៃ The Nation ។
ចំណាត់ការនានា កំពុងរៀបចំឡើងដើម្បីដោះស្រាយបញ្ហាខ្យល់មិនមានសុវត្ថិភាពនេះ។ អគ្គនាយកដ្ឋានការងារឧស្សាហកម្ម លោក Prakob Vivitjinda បាននិយាយថា អាជ្ញាធរត្រៀមខ្លួនរួចជាស្រេចក្នុងការចួលរួមជាមួយកងទ័ពអាកាសក្នុងការលុបបំបាត់បញ្ហាបំពុលបរិយាកាស ដោយដាក់ពង្រាយឧបករណ៍វាស់កម្រិត PM២.៥ នៅតាមតំបន់ដែលមានរោងចក្រច្រើន និងបញ្ជូនក្រុមអធិការកិច្ចដើម្បីទៅជួយដោះស្រាយបញ្ហា។
នាយកដ្ឋានក៏គ្រោងនឹងដំឡើងឧបករណ៍សម្អាតទឹកកខ្វក់បន្ថែមទៀត ដែលអាចកាត់បន្ថយការប្រើប្រាស់ទឹកជាង៥រយម៉ែត្រគូបជារៀងរាល់ថ្ងៃដើម្បីសម្អាតខ្យល់កខ្វក់។ ការដំឡើងឧបករណ៍នេះនាពេលកន្លងមក បានបង្ហាញថាវាទទួលបានជោគជ័យរួចទៅហើយ៕
លោកនាយករដ្ឋមន្ត្រីថៃ ប្រាយុទ្ធ ចន្ទអូចា នៅថ្ងៃទី៣ ខែតុលា បានព្រមានចាប់ខ្លួនអ្នកបើកបរយានយន្តចាស់ដែលមានផ្សែងហុយទៅបំពុលបរិយាកាស។ លោក ប្រាយុទ្ធ ព្រមានបែបនេះនាឱកាសចូលរួមពិធីបង្ហាញគោលនយោបាយរដ្ឋភិបាលទៅកាន់ក្រុមកសិករថៃ។
ម្ចាស់អាជីវកម្មដឹកជញ្ជូនក៏ត្រូវទទួលខុសត្រូវចំពោះការបំភាយផ្សែងពុល ដែលបណ្តាលពីពពួកយានយន្តចាស់ៗនេះផងដែរ។ នេះជាការព្រមានបន្ថែមទៀតរបស់ប្រមុខរដ្ឋាភិបាលថៃ ប្រាយុទ្ធ ចន្ទអូចា ។ លោកប្រាប់កសិករថៃថា ពួកគេក៏អាចជួយរដ្ឋាភិបាលដើម្បីកាត់បន្ថយរូបធាតុបំពុលតូចៗមាននៅក្នុងបរិយាកាសនេះបាន តាមរយៈកាត់បន្ថយការដុតសម្រាម ឬវត្ថុផ្សេងៗដែលអាចបង្កឲ្យបរិយាកាសមិនស្អាត។
ការព្រមានរបស់លោក ប្រាយុទ្ធ ធ្វើឡើងបន្ទាប់ពីកម្រិតល្អងធូលីក្នុងបរិយាកាសក្នុងទីក្រុងបាងកក និងខេត្តខណ្ឌជុំវិញ កើនឡើង និងធ្វើឲ្យខ្យល់កាន់តែកខ្វក់ធ្ងន់ធ្ងរ រហូតលោកប្រាប់ឲ្យប្រជាជន និងទេសចរពាក់ម៉ាស់ពេលចេញក្រៅទៀតផង។ នេះបើតាមការផ្សាយរបស់សារព័ត៌មានថៃ The Nation ។
ចំណាត់ការនានា កំពុងរៀបចំឡើងដើម្បីដោះស្រាយបញ្ហាខ្យល់មិនមានសុវត្ថិភាពនេះ។ អគ្គនាយកដ្ឋានការងារឧស្សាហកម្ម លោក Prakob Vivitjinda បាននិយាយថា អាជ្ញាធរត្រៀមខ្លួនរួចជាស្រេចក្នុងការចួលរួមជាមួយកងទ័ពអាកាសក្នុងការលុបបំបាត់បញ្ហាបំពុលបរិយាកាស ដោយដាក់ពង្រាយឧបករណ៍វាស់កម្រិត PM២.៥ នៅតាមតំបន់ដែលមានរោងចក្រច្រើន និងបញ្ជូនក្រុមអធិការកិច្ចដើម្បីទៅជួយដោះស្រាយបញ្ហា។
នាយកដ្ឋានក៏គ្រោងនឹងដំឡើងឧបករណ៍សម្អាតទឹកកខ្វក់បន្ថែមទៀត ដែលអាចកាត់បន្ថយការប្រើប្រាស់ទឹកជាង៥រយម៉ែត្រគូបជារៀងរាល់ថ្ងៃដើម្បីសម្អាតខ្យល់កខ្វក់។ ការដំឡើងឧបករណ៍នេះនាពេលកន្លងមក បានបង្ហាញថាវាទទួលបានជោគជ័យរួចទៅហើយ៕
© រក្សាសិទ្ធិដោយ thmeythmey.com
