កីឡាជាតិ
ជាតិ
ក្រសួងអប់រំរៀបចំទិវាកីឡាដើម្បីទាំងអស់គ្នា ដើម្បីជំរុញការហាត់ប្រាណ និងលេងកីឡា
សកម្មភាពទាញព្រ័ត្ររបស់អត្តពលិកក្នុងទិវាកីឡាដើម្បីទាំងអស់គ្នាកាលពីឆ្នាំ២០១៨
×![]()
ក្រសួងអប់រំយុវជននិងកីឡា នឹងរៀបចំ«ទិវាកីឡាដើម្បីទាំងអស់គ្នា» ដើម្បីផ្តល់ឱកាសឲ្យប្រជាពលរដ្ឋបានហាត់ប្រាណនិងលេងកីឡាទាំងអស់គ្នា ក្នុងន័យលើកកម្ពស់សុខុមាលភាពសាធារណៈ។ ការផ្តល់ភាពសប្បាយរីករាយ និងរឹតចំណងសាមគ្គីភាពរវាងមន្ត្រីរាជការ អត្តពលិក និងប្រជាពលរដ្ឋ ក៏ស្ថិតក្នុងគោលបំណងនៃទិវានេះផងដែរ។ 
«កីឡាដើម្បីសុខភាព មិត្តភាព និងសាមគ្គីភាព» ជាប្រធានបទនៃទិវាកីឡាដើម្បីទាំងអស់គ្នា ដែលក្រសួងអប់រំ យុវជន និងកីឡារៀបចំឡើងដើម្បីលើកកម្ពស់សុខភាពរបស់ប្រជាពលរដ្ឋ។ ទិវាបើកឲ្យប្រជាពលរដ្ឋចូលរួមសេរីមួយនេះ នឹងប្រព្រឹត្តទៅនៅថ្ងៃទី៦ ខែតុលា ឆ្នាំ២០១៩ នាពហុកីឡដ្ឋានជាតិ។
«ក្រសួងអប់រំយុវជននិងកីឡានឹងរៀបចំទិវាកីឡាដើម្បីទាំងអស់គ្នា ក្នុងគោលបំណងឲ្យប្រជាពលរដ្ឋបានចូលរួមហាត់ប្រាណ និងលេងកីឡា ដើម្បីលើកកម្ពស់សុខុមាលភាពទាំងផ្លូវកាយនិងផ្លូវចិត្ត សាមគ្គីភាព ភាពសប្បាយរីករាយ និងកាត់បន្ថយសេវាសុខភាព»។ នេះជាខ្លឹមសារក្នុងសេចក្តីប្រកាសព័ត៌មាន ដែលចុះហត្ថលេខាដោយលោក ស សុខា រដ្ឋលេខាធិការក្រសួងអប់រំយុវជននិងកីឡា ដែលចេញផ្សាយនៅថ្ងៃទី១ តុលា ឆ្នាំ២០១៩។
គួររំលឹកថា កាលពីឆ្នាំ២០១៨ ទិវានេះធ្វើឡើងក្រោមប្រធានបទ«កីឡាដើម្បីសុខភាព» ដោយមានប្រជាពលរដ្ឋ អត្តពលិក និងមន្ត្រីរាជការជាង២០០នាក់ចូលរួម៕
«កីឡាដើម្បីសុខភាព មិត្តភាព និងសាមគ្គីភាព» ជាប្រធានបទនៃទិវាកីឡាដើម្បីទាំងអស់គ្នា ដែលក្រសួងអប់រំ យុវជន និងកីឡារៀបចំឡើងដើម្បីលើកកម្ពស់សុខភាពរបស់ប្រជាពលរដ្ឋ។ ទិវាបើកឲ្យប្រជាពលរដ្ឋចូលរួមសេរីមួយនេះ នឹងប្រព្រឹត្តទៅនៅថ្ងៃទី៦ ខែតុលា ឆ្នាំ២០១៩ នាពហុកីឡដ្ឋានជាតិ។
«ក្រសួងអប់រំយុវជននិងកីឡានឹងរៀបចំទិវាកីឡាដើម្បីទាំងអស់គ្នា ក្នុងគោលបំណងឲ្យប្រជាពលរដ្ឋបានចូលរួមហាត់ប្រាណ និងលេងកីឡា ដើម្បីលើកកម្ពស់សុខុមាលភាពទាំងផ្លូវកាយនិងផ្លូវចិត្ត សាមគ្គីភាព ភាពសប្បាយរីករាយ និងកាត់បន្ថយសេវាសុខភាព»។ នេះជាខ្លឹមសារក្នុងសេចក្តីប្រកាសព័ត៌មាន ដែលចុះហត្ថលេខាដោយលោក ស សុខា រដ្ឋលេខាធិការក្រសួងអប់រំយុវជននិងកីឡា ដែលចេញផ្សាយនៅថ្ងៃទី១ តុលា ឆ្នាំ២០១៩។
គួររំលឹកថា កាលពីឆ្នាំ២០១៨ ទិវានេះធ្វើឡើងក្រោមប្រធានបទ«កីឡាដើម្បីសុខភាព» ដោយមានប្រជាពលរដ្ឋ អត្តពលិក និងមន្ត្រីរាជការជាង២០០នាក់ចូលរួម៕
Tag:
ទិវាកីឡាដើម្បីទាំងអស់គ្នា
ក្រសួងអប់រំយុវជននិងកីឡា
© រក្សាសិទ្ធិដោយ thmeythmey.com
