ក្រសួងការងារ អនុញ្ញាតឲ្យជនបរទេសប្រកបអាជីវកម្មតូចៗឡើងវិញ

ជាតិ

សេដ្ឋកិច្ច

ក្រសួងការងារ អនុញ្ញាតឲ្យជនបរទេសប្រកបអាជីវកម្មតូចៗឡើងវិញ

06, Oct 2019 , 10:38 am

រូបភាព

របរមួយចំនួនដែលក្រសួងការងារ និងបណ្តុះបណ្តាលវិជ្ជាជីវៈ អនុញ្ញាតឲ្យជនបរទេសធ្វើអាជីវកម្មឡើងវិញ។ រូបថត Thmey Thmey និង ADB

ដោយ: សែម វណ្ណា (Sem Vanna)

ភ្នំពេញ៖ ក្រសួងការងារ និងបណ្ដុះបណ្ដាលវិជ្ជាជីវៈ បានអនុញ្ញាតឲ្យជនបរទេសដែលកំពុងមានវត្តមាននៅក្នុងប្រទេសកម្ពុជា ប្រកបអាជីវកម្ម និងធ្វើការងារលើវិស័យសេដ្ឋកិច្ចក្រៅប្រព័ន្ធចំនួន១០ ឡើងវិញ។

សេចក្ដីជូនដំណឹងចុះថ្ងៃទី៥ តុលា ក្រសួងការងារ បានពន្យល់មូលហេតុដែលអនុញ្ញាតឲ្យជនបរទេសប្រកបរបរស្វ័យនិយោជន៍ឡើងវិញនេះថា កម្ពុជាត្រូវការកម្លាំងពលកម្មជំនាញនៃជនបរទេសក្នុងវិស័យសេវាកម្ម និងដើម្បីលើកទឹកចិត្តដល់ការវិនិយោគក្នុងប្រទេសកម្ពុជា។

សូមរំឭកថា កាលពីថ្ងៃទី២៨ ខែសីហាឆ្នាំ២០១៩ ក្រសួងការងារ បានហាមឃាត់ជនបរទេស ប្រកបការងារស្វ័យនិយោជន៍ចំនួន១០ រួមមានការងារជាអ្នកបើកបរយាន្តជំនិះគ្រប់ប្រភេទ អ្នកលក់ដូរដោយមធ្យោបាយថ្មើរជើង ឬតាមយាន្តជំនិះគ្រប់ប្រភេទតាមទីសាធារណៈ អ្នកកាត់សក់ អ៊ុតសក់និងថែរក្សាសម្ផស្ស អ្នកម៉ាស្សា និងចាប់សរសៃ អ្នកផ្ដល់សេវាកម្មកាត់ដេរ និងសម្អាតស្បែកជើង អ្នកប៉ះកង់ ជាងជួសជុលយានយន្ត អ្នកផលិតវត្ថុអនុស្សាវរីយ៍ខ្មែរ អ្នកផលិតឧបករណ៍ភ្លេងខ្មែរ បាត្រលោក ព្រះពុទ្ធរូប ជាងកាត់ដេរសម្លៀកបំពាក់ និងជាងទង ជាងច្នៃត្បូងពេជ្រជាដើម៕

អត្ថបទទាក់ទង

ក្រសួងហាមជនបរទេសប្រកបរបរ ម៉ាស្សា កាត់សក់ កាត់ដេរ ជួសជុលយានយន្ត...

ជនបរទេស នឹងត្រូវហាមប្រកបអាជីវកម្មតូចៗ ដែលប៉ះពាល់មុខរបរពលរដ្ឋខ្មែរ