កីឡាជាតិ
ជាតិ
កុមារា ណាង សុវណ្ណ
×![]()
ភ្នំពេញ៖ កុមារា ណាង សុវណ្ណ ចូលហាត់គុនល្បុក្កតោនៅរាជធានីភ្នំពេញ អស់រយៈពេលជិត៣ឆ្នាំមកហើយ។ ក្រៅពីការស្រលាញ់ ចូលចិត្ត និងចង់ចូលរួមអភិរក្សក្បាច់គុនខ្មែរនេះ កុមារាវ័យ១៣ឆ្នាំរូបនេះ ក៏ចង់ក្លាយខ្លួនជាតារាសម្តែងដ៏ឆ្នើម និងល្បីល្បាញក្នុងវិស័យភាពយន្តខ្មែរ បែបប្រយុទ្ធ និងវាយប្រហារ តាមរយៈក្បាច់គុនល្បុក្កតោដ៏ចំណាស់នេះដែរ។
ជារៀងរាល់ថ្ងៃ កុមារាដែលមានដើមកំណើតមកពីខេត្តបាត់ដំបងរូបនេះ ត្រូវក្រោកតាំងពីម៉ោង៤ព្រឹកព្រលឹម ដើម្បីហាត់ក្បាច់គុនល្បុក្កតោជាមួយក្មេងៗដទៃទៀត ពីម៉ោង៤កន្លះ ដល់ម៉ោង៦ព្រឹក។ ហ្វឹកហាត់ក្បាច់គុននេះចប់ ទើបសុវណ្ណ ងូតទឹក ហូបបាយ និងរៀបចំខ្លួនទៅសាលារៀន។
ដ្បិតតែបានអះអាងថា ការហាត់គុនល្បុក្កតោនេះ មិនបានប៉ះពាល់ដល់ការសិក្សាថ្នាក់ទី៧របស់គេមែន ប៉ុន្តែម្តងម្កាល សុវណ្ណ មានការឈឺចាប់ និងរងរបួស នៅពេលហ្វឹកហាត់។ តែទោះយ៉ាងណា កុមារារូបនេះ ប្រាប់សារព័ត៌មានថ្មីៗថា រូបគេមិនដែលមានគំនិតបោះបង់ការហាត់គុននេះឡើយ ព្រោះតែការស្រលាញ់ និងចង់រក្សានូវមរតកដែលដូនតាខ្មែរបានបន្សល់ទុកឱ្យកូនចៅជំនាន់ក្រោយមួយនេះ។ ម្យ៉ាងទៀត ការដែលរូបគេមិនបោះបង់ ក៏ដើម្បីសម្រេចសុបិន ដែល សុវណ្ណ ចង់ក្លាយជាតួសម្តែងភាពយន្តបែបបែបប្រយុទ្ធដ៏ល្បីមួយរូប តាមរយៈគុនល្បុក្កតោនេះ។ ការចេះក្បាច់គុនល្បុក្កតោ និងធ្លាប់សម្តែងជាច្រើនលើក ឲ្យអ្នកទស្សនាទាំងជនជាតិខ្មែរ និងបរទេស បានធ្វើឲ្យ សុវណ្ណ មានមោទកភាពផងដែរ។
កុមារា ណាង សុវណ្ណ ពន្យល់ទាំងមោកភាពដូច្នេះថា៖«ការហាត់គុនខ្មែរយើង មិនត្រឹមតែដើម្បីរក្សាសុខភាពនោះទេ...វ័យយើងប៉ុនហ្នឹង...យើងអាចថែរក្សាក្បាច់គុនបុរាណពីដូនតា ដែលបានបន្សល់ទុកក្មេងៗជំនាន់ក្រោយយើង ព្រមទាំងទទួលបានការគោរព ស្រលាញ់រាប់អានពីមនុស្សនៅជុំវិញខ្លួនថែមទៀត។ មូលហេតុដែលខ្ញុំចង់ក្លាយជាតួសម្តែងភាពយន្តតាមរយៈគុនល្បុក្កតោនេះ ក្រៅពីអាចរកចំណូលបានហើយ គឺខ្ញុំបានបង្ហាញនូវក្បាច់គុនខ្មែរនេះ ដែលអាចធ្វើឱ្យប្រទេសផ្សេងៗ ស្គាល់និងកោតសរសើរ ថាក្បាច់គុនខ្មែរអាចបញ្ចេញនូវខ្សែភាពយន្តមួយល្អដែលអន្តរជាតិទទួលស្គាល់»។
បច្ចុប្បន្ន សុវណ្ណ អាចសម្តែង និងប្រយុទ្ធ នូវស្នៀតមួយចំនួននៃក្បាច់គុនល្បុក្កតោបានយ៉ាងល្អ ដូចជាស្នៀតទា ក្តាម បក្សី សេះ និងស្នៀតនាគ។ រូបគេ ធ្លាប់ដណ្តើមបានមេដាយមាសក្នុងវិញ្ញាសាប្រយុទ្ធគុនល្បុក្កតោថ្នាក់ជាតិ កាលឆ្នាំ២០១៨ ហើយបច្ចុប្បន្នរូបគេកំពុងហ្វឹកហាត់បន្ថែម ដើម្បីត្រៀមប្រកួតដណ្តើមមេដាយនៅក្នុងព្រឹត្តិការណ៍កីឡា Sea Games ឆ្នាំ២០២៣ ដែលកម្ពុជាធ្វើជាម្ចាស់ផ្ទះតែម្តង៕
ជារៀងរាល់ថ្ងៃ កុមារាដែលមានដើមកំណើតមកពីខេត្តបាត់ដំបងរូបនេះ ត្រូវក្រោកតាំងពីម៉ោង៤ព្រឹកព្រលឹម ដើម្បីហាត់ក្បាច់គុនល្បុក្កតោជាមួយក្មេងៗដទៃទៀត ពីម៉ោង៤កន្លះ ដល់ម៉ោង៦ព្រឹក។ ហ្វឹកហាត់ក្បាច់គុននេះចប់ ទើបសុវណ្ណ ងូតទឹក ហូបបាយ និងរៀបចំខ្លួនទៅសាលារៀន។
ដ្បិតតែបានអះអាងថា ការហាត់គុនល្បុក្កតោនេះ មិនបានប៉ះពាល់ដល់ការសិក្សាថ្នាក់ទី៧របស់គេមែន ប៉ុន្តែម្តងម្កាល សុវណ្ណ មានការឈឺចាប់ និងរងរបួស នៅពេលហ្វឹកហាត់។ តែទោះយ៉ាងណា កុមារារូបនេះ ប្រាប់សារព័ត៌មានថ្មីៗថា រូបគេមិនដែលមានគំនិតបោះបង់ការហាត់គុននេះឡើយ ព្រោះតែការស្រលាញ់ និងចង់រក្សានូវមរតកដែលដូនតាខ្មែរបានបន្សល់ទុកឱ្យកូនចៅជំនាន់ក្រោយមួយនេះ។ ម្យ៉ាងទៀត ការដែលរូបគេមិនបោះបង់ ក៏ដើម្បីសម្រេចសុបិន ដែល សុវណ្ណ ចង់ក្លាយជាតួសម្តែងភាពយន្តបែបបែបប្រយុទ្ធដ៏ល្បីមួយរូប តាមរយៈគុនល្បុក្កតោនេះ។ ការចេះក្បាច់គុនល្បុក្កតោ និងធ្លាប់សម្តែងជាច្រើនលើក ឲ្យអ្នកទស្សនាទាំងជនជាតិខ្មែរ និងបរទេស បានធ្វើឲ្យ សុវណ្ណ មានមោទកភាពផងដែរ។
កុមារា ណាង សុវណ្ណ ពន្យល់ទាំងមោកភាពដូច្នេះថា៖«ការហាត់គុនខ្មែរយើង មិនត្រឹមតែដើម្បីរក្សាសុខភាពនោះទេ...វ័យយើងប៉ុនហ្នឹង...យើងអាចថែរក្សាក្បាច់គុនបុរាណពីដូនតា ដែលបានបន្សល់ទុកក្មេងៗជំនាន់ក្រោយយើង ព្រមទាំងទទួលបានការគោរព ស្រលាញ់រាប់អានពីមនុស្សនៅជុំវិញខ្លួនថែមទៀត។ មូលហេតុដែលខ្ញុំចង់ក្លាយជាតួសម្តែងភាពយន្តតាមរយៈគុនល្បុក្កតោនេះ ក្រៅពីអាចរកចំណូលបានហើយ គឺខ្ញុំបានបង្ហាញនូវក្បាច់គុនខ្មែរនេះ ដែលអាចធ្វើឱ្យប្រទេសផ្សេងៗ ស្គាល់និងកោតសរសើរ ថាក្បាច់គុនខ្មែរអាចបញ្ចេញនូវខ្សែភាពយន្តមួយល្អដែលអន្តរជាតិទទួលស្គាល់»។
បច្ចុប្បន្ន សុវណ្ណ អាចសម្តែង និងប្រយុទ្ធ នូវស្នៀតមួយចំនួននៃក្បាច់គុនល្បុក្កតោបានយ៉ាងល្អ ដូចជាស្នៀតទា ក្តាម បក្សី សេះ និងស្នៀតនាគ។ រូបគេ ធ្លាប់ដណ្តើមបានមេដាយមាសក្នុងវិញ្ញាសាប្រយុទ្ធគុនល្បុក្កតោថ្នាក់ជាតិ កាលឆ្នាំ២០១៨ ហើយបច្ចុប្បន្នរូបគេកំពុងហ្វឹកហាត់បន្ថែម ដើម្បីត្រៀមប្រកួតដណ្តើមមេដាយនៅក្នុងព្រឹត្តិការណ៍កីឡា Sea Games ឆ្នាំ២០២៣ ដែលកម្ពុជាធ្វើជាម្ចាស់ផ្ទះតែម្តង៕
Tag:
ណាង សុវណ្ណ
ល្បុក្កតោ
ភាពយន្ត
© រក្សាសិទ្ធិដោយ thmeythmey.com
